Forum › Philosophie - Psychologie › Was ist Gott?

für mi isch gott e ibildig vor menschheit will de mensch an sich sehr unselbständig isch und für sies handle und denke immer e rechtfertigung brucht bzw. öpis wora er sich festhalte chan.

prinzipiell nüd schlimms, i chan aber nix demit afo will i mis denke und handle nöd dur e "Buech" ischränke lo will und für mini handlige selber verantwortlich sie will.

missAMBER was du net seisch ^^

Scheff bei diesem Post:
E go ufe rästlech Post ned i, aber die Ussag werft be mer doch Froge uf.

Du seisch me probiert ossererdische Wäse "üsi Sproch" methöuf vo Mathik bizbrenge. Was esch denn "üsi Sproch" genau? Dütsch? Änglisch? Rossisch? Chinesisch? I weiss ned genau of was du use wotsch met dere Ussag.
Osserdäm wärs mer neu, das mer (de Mönsch) Satelitte ond Rakete is All schecke om bewosst nach extraterrestrischem Läbe z'sueche. Weni öbbis verpasst ha chasch mi gärn ofe neust Stand brenge.

Ja es gitt Golden Plates wo inere gwüsse Ruumsonde underwägs sind. Die enthaltet jenschti Date über d'Menschheit, au mathematischi Grundsätz.
Dass eusi Sprach relativ vill mit Mathi z'tue het isch übrigens au ned falsch. Es git "Formlene" zum de Sinngehalt vo eusne Sätz klar'zmache. Eusi Sprachstrukture laufed gwüssermasse mathematisch ab. Semantik isch d'Höll, glaub mer
Nur mache mer das halt wie 5x5, drum fallts eus ned uf. Die Rächnig duesch ja au ned würklich rächne, sondern du hesch es uswändig glernt. Die uswändig glernte Date werded kombiniert bi Rächne.

Extrateresstrischs Läbe wird mer so minere Meinig na nöd finde. Ha dezue mal en Vortrag im Rahme vom Thema Semiotik i Medie gmacht. Luschtigerwiis hani dena usegfunde, dass sogar de altehrwürdigi Isaac Asimov mini These meh oder weniger teilt Wer sich für die Theorie interessiert söll "Die nächste Welt" vo ihm läse, sehr empfehlenswert.

Dini Frag, was Sprach überhaupt isch, isch e gueti Frag. D'Antwort: D'Sprach isch alles. D'Sprach determiniert euses ganze Dänke, euses Sii. Scho ellei wenn mer sich d'Underschiid ide Sprache aluegt. En Chines seit zum Bischpil ned "Das ist ein Tisch" sondern quasi "Da tischt es". Vo dem her müend Chinese rein vom Denke her e völlig anderi Ziitwahrnemig ha. Oder im Russische gits zum Bischpil nöd das mathematische negativ x negativ = positiv. E doppleti Verneinig isch det immer no negativ.

Zum uf de Afang vo de Sprach-These zrugzcho: Sprach isch alles. Sprach bedüüted alles. Nüt determiniert d'Sprach, sondern d'Sprach determiniert alles. Sprach determiniert eusi Möglichkeite, wie mer eus Gott überhaupt nur chönd vorstelle. Wer de Gedankegang verschtat und chan navollzieh wird eigentlich müesse zu de Schlussfolgerig cho, dass d'Existenz vomene Gott ellei vom Mensch abhanget, will er de einzig isch, wo fähig dezue isch uf sone Idee z'cho. Usserd mer glaubt jetzt a die biblischi Entstehig vo de Sprache, aber wer das glaubt het sowieso en Schade

Was ziehnd mer drus? Mathematik isch die wohl gnauschti Sprach wo de Mensch chan erschaffe. Somit bechunt Pi durchuus e Bedüütig, somit chunt Mathematik durchuus e Bedüütig wenns um's Thema Religion und Bewiisbarkeit gat. Sie chan Wahrheite absolut usdrucke ohni revidiert z'werde.

Aber mer muess sich bewusst si. Mathematik, genau wie die logisch Philosophie und überhaupt alles wo de Mensch chan, chan nur das innerhalb sine Grenze bliibe. Die Grenze kenned mer eifach ned und mer werded sie nie kenne.

xizzey Obglich du vo ihre Argument für ihri These verlangscht, schribsch du ohni einzigi Begründig, sie hegi kei Ahnig. Diskussionskultur?

Post zuletzt editiert am 04.02.2010 um 19:34 von CommanderSpock

Min Gott, muss Bier genau so gern ha, wie ich

CommanderSpock bei diesem Post:

es ischmer scho klar, dass mit mathik so zimlech aues chasch erkläre, wahrschinlech au e sproch
aber d tatsach, dass (wie du au säuber seisch) d sproch alles isch und alles bedütet, chasch d ussag au wider dräie
i bi fürne strikti säkularisierig vo sproch und mathik

und wäg der angere userin, sie hetmer bewiese, dass sie nit würklech vüu ahnig het, aber i wett das jetz nit wider ufroue, i 5min hani wider es briefli im postigang vo ihre

xizzey sie stoht uf badboys

naja

mini muetter will mer iirede dass ignöbbis d'wält erschaffe hätt und läbe ufd wälf gsetzt het und blablabla.
abr mini meinig isch.

das isch alles en glaube. für mich gitz kein gott. das isch nur so e ibildig. demit mini mitmänsche a was glaube chönd und so.
ja. und ich glaube sowieso nume das woni au würklich xsehne. baschta.

missAMBER bei diesem Post:

haha genau eso

http://missionare-anschnur.de/viewtopic.php?f=11&t=61

die lüt wüsset was gott isch... wuahahaha