Food-Waste

gelöschtes Mitglied

gelöscht

Guten Abend ihr TM-User
Ihr kennt die Situation im Kühlschrank steht noch ein Joghurt oder ein Glas Konfi, Ablaufdatum vorgestern was machen ca.85% von den Schweizern? Ab in den Müll... Obwohl das Joghurt sicher noch 3 Monate gut wäre(verschlossen).... Ich bin ein absoluter Gegner?von denen welche noch gutes/essbares Essen fortwerfen! Habe eine Zeitlang(ca.6monate)in einem Grosskonzern gearbeitet wo jeden Tag bis zu ca. 400-500Kg noch essbare Lebensmittel in den Container geschmissen wurden!
Wollte mal wissen Wie geht ihr mit euren Lebensmittel um? Wie pingelig seid ihr? Schneidet ihr auch mal eine graue Stelle aus einer Karotte? Oder esst Ihr auch mal Brot dass ein bisschen härter ist??

was haltet ihr von Lebensmittel vershwendung?

Stimme enthalten
gelöschtes Mitglied

gelöscht

Rund ein Drittel aller in der Schweiz produzierten Lebensmittel geht zwischen Feld und Teller verloren oder wird verschwendet. Das entspricht pro Jahr rund 2 Millionen Tonnen Nahrungsmittel oder der Ladung von rund 140‘000 Lastwagen, die aneinandergereiht eine Kolonne von Zürich bis Madrid ergeben würden. Fast die Hälfte der Abfälle werden in Haushalten und der Gastronomie verursacht: Pro Person landen hier täglich 320 Gramm einwandfreie Lebensmittel im Abfall. Dies entspricht fast einer ganzen Mahlzeit.
Diese Zahlen stammen aus wissenschaftlichen Ergebnissen, die nun laufend präzisiert und verdeutlicht werden. Fest steht: die Verluste müssen verringert und die Verschwendung gestoppt werden – für die Menschen und ihre natürliche Umwelt.
Wasserfau

Wasserfau +2389

Finde, dass ned de einzelni mensch wo was wegschmeisst schlimm isch, sondrn d lebensmittelläde an sich.
Ha chürzlich im coop welle yoghurt poste, hani es 2er päckli verwütscht.. seit die a de kasse: "das darf ich ihne ned verchaufe, das isch nur als 4er pack denkt"
Ich so: "ja und was machet ihr denn ez mit dem?"
Sie: "wegschmeisse"
Ich: "ernsthaft?!?!"
Sie: "Ihr wend gar ned wüsse wie viel esse tag täglich weg so muggeschissli weggrüert wird!"


Hallo?! wie behinderet sind die lüt wo bestimme dass me lieber tonnewiis züg wegschmeisst stats z verchaufe odr günstiger zgäh?!?!
gelöschtes Mitglied

gelöscht

absolut gege food waste.
finds au absolut behindert, wie mensche mit 'abgloffene' sache umgönnd. wenn ich e dose thunfisch chaufe, wo 3 mönet haltbar isch, denn wirds nöd i de nacht vom ablaufdatum plötzlich en schimmel geh!
USSERDEM: lesed mal uf ere verpackig. oft staht au 'best before:'
fleisch issi sicher bis en tag nach em datum, wenns zwei sind, schmöcki mal drah und tuens guet abrate. aber bim fleisch bini sicher chli heikler.
gelöschtes Mitglied

gelöscht

Wasserfau Ich kenne lüüt, wo scho hinder Aldis und anderne Läde sind go Container ufbräche und Esse det useneh. Nei, das isch nöd behinderet!
Folg: Aldi und co. hennd etz Container, wo s'esse direkt pressed...

btw.
http://foodwaste.ch/werde-ein-food-lover/
MinkedJ

MinkedJ +183

Han es Johr em Marche (Autobahnraststätt) in Neuekirch gschaffed.. Ond glaubed mer ..ehr wend ned wösse was det fortgrüehrt werd. Nedmol d Metarbeiter hends Züg döffe esse oder metneh. Muffins vom vordere Tag hani all Morge müsse i Tonne schmeise (bis uf die woni heimlich metgno han :shifty: ) ond why?! Wegem Lebensmittelkontrolleur ond all dene Gsetz.. Well mer die ned länger als maximal en Tag hed döffe verkaufe.. Gmües ond Frücht wo nor als DEKO bide Ständ gstande send.. Alles weg.. Ned no öpe förd d Gmüessuppe bruche oder so..nei eifach in Müll.
Esch hald eifach eso.. Das metem Coop ond de Joghurt verstohni ned ganz :nono: send doch gstört.. Anderi hend garnix z Esse ond mer hends eso guet..ebe zu guet dass alles verschwendet werd! Also ech esse s joghurt auno nachere Wuche ond s Rüebli bearbeiti so dass die verdorbene Stelle duss sind. Allg. Rüehri d Sache ned grad fort wells Datum wo druff stoht verbi esch..
Aber was wot mer do de gege mache.. ad Mönschheit appelliere? Na denn vell Spass.. Werd ned vell brenge s ged z vell naivi verwöhnti Lüt wo ned offe send för anderi Denkwise.. :confused:
gelöschtes Mitglied

gelöscht

Wasserfau xnmax ech ben ehrlech gsait au sho sone container ga ruume han über 100fr uf einish usegholt u igfrore deu sache were vom datum här na verkaufbar gsii hend aber showeder neus becho darum weg met dem züg...echt trurig
gelöschtes Mitglied

gelöscht

Sproblem esh ja wenn so neume shaffsh ude das mittnimsh obwohls em conter liit heshes gstole u chash wenns guet chond e vreshtlose kassiere und find de mal weder en job soneume wenn em zügniss staht heigsh klaut!!!
Vrijheid

Vrijheid +1820

Han nüt Roastbeef gässä wo sitm 3.3 abglofe isch.
Han dra gschmöckt und es isch no alles in ordnig gsii..

Schaffe imene sehr grosse Lebesmittelkonzärn und bi eus werde pro Tag sicher 1-3 Tonne weggschmisse..

PRO TAG!
Pflegeleicht

Pflegeleicht +5862

oi, de text und das dütsch, da schellts mi gad biz.

zum thema, ich schmeisse erst was furt weni minimum dran gschmöckt han unds wüki gschisse schmöckt. mache nie würkli gross ihchauf und han nur snötigschte uf lager.
wenni luscht uf gmües oder fleisch han, chaufi das denn wenni weiss dasis au wüki bruche.

bi eus im Gschäft müesstemer eich au alles schmeisse wo abgloffe isch, da nimm ich denn amel bütterli, getränk und jogurt mithei.
gelöschtes Mitglied

gelöscht

Pflegeleicht sorry für mis grauehafte dütsh, zum glück gsesh net wenich vo hand shriibe... De würsh glaub avo brüele!
Pflegeleicht

Pflegeleicht +5862

Miguel ha jez sho fashd brüellt. wenigshtens das dämliche 'sh' chöndsh weglah, da sött mer wüsse dases nöd idi dütsch rächdshribig ghörd.
gelöschtes Mitglied

gelöscht

So, luut Umfrag sinds momentan 4 vo 11 lüüt, wo's scheisegal isch, und s'züg schnell mal wegschmeissed, also genau de drittel, vo dem mer schnurred.
Begründig?
iKyY

iKyY +3931

Gad es herrlichs video gseh.
foodwaste = money waste
neila

neila +2521

ich gah drum lieber jede tag eifach das go poste wo ich bruche, esse viel reste wills mi reut zum das alles eifach chüble.. aber es fangt i de läde nöd erst ah mit "abgloffne sache wegrüere" es fangt scho viel vorher ah wos die grade banane, di chrumme gurke oder di unförmige öpfel wegschmeissed!! Ich find das e verdammti huere sauerei!!!
Ich schaffe selber imne grosse detailhandelsbetrieb, alleige das jede tag 3 volli rahmepalett brot furtgrüehrt wird isch eifach tragisch, und das eifach nur will d kunde bis am ladeschluss früschs brot berchömmet.
das wo knapp am datum isch dörfe mir wenigstens na am personal zumne dütli reduzierte pris verchaufe.

Wasi aber gar ned cha verstah, wieso hets uf sache wo ned chönd kaputtgah (zb. Honig) es ablaufdatum, da druf hani bis etzt na nie en logischi antwort bercho.

Und die wo alles wegrüehret wo abgloffe esch sorry, ds einzige was abgloffe esch esch ds hirn vo diesne!
gelöschtes Mitglied

gelöscht

gsehn amis au bim schaffe was so alles weggschmisse wird.. zum hüüle. verstah eifach ned wieso mr da vor allem bi so grossverteiler nöd cha verbesserige mache.. zb. a heim oder so organisatione abgä odr so
unqLaubLich

unqLaubLich +2212

Ich luege grundsätzlich nie ufs Ablaufdatum - alles wo no guet schmöckt wird gesse... bi nur bi Fleisch chli heikel, aber das kaufi generell nur denn, wennis eh grad bruche...

Es isch so krass, wievill "gueti Lebensmittel" tagtäglich ide Tonne landed... mer chönt das ganze doch z.B. eifach im Lade lah, klar kennzeichned mitere Ufschrift, dases überem Ablaufdatum isch & günstiger abüte... gebt sicher gnueg Lüt, wos würid kaufe & es wird ja de niemer dezue zwunge - aber isch wohl alles gsetzesmässig nöd möglich...

Wasi no vill krasser finde, isch das öpfel, banane, rüebli etc., wo nöd die normal Form hend, gar ned erst in Lade chömed... spielt doch ke Rolle obd Banane ez grad oder chrumm isch?!?!?!
gelöschtes Mitglied

gelöscht

da ich d lehr im verchauf uf lebensmittel gmacht han, hani scho jenschtes gseh. am letschte ort woni gsi bi, ischs nach de fäschttäg amel am schlimmschde gsi ( wiehnachte, oschtere ) eifach immer denn wenn de lade paar täg zue gha het, hauptsach meh bstellt waar ih wo meh nie im lebe verchauft, i red vo frischprodukt wo ned lang haltbar sind, da sind säck gfüllt worde für in container da het mer amel so weh tue da alles abschriebe und weg werfe... vieles hend mir mitarbeiter selber dörfe hei neh zumene guete priis, abr es isch soo viel waar gsi das meh selber ned alles chan hei neh. gschiider meh würs ines heim geh, oder de obdachlose etc. da woni eze schaff, verchaufe mer zwar nümm gross lebensmittel, wenn denn eifach schoggi, chips und so, abr wenn die waar abgloffe isch, dörfet mir mitarbeiter da wenigschtens gratis hei neh und verschenke und eini wo bi eus schafft nimmt denn amel de reschde wo bliebt und bringts ines heim, da findi super!

ich selber rüehre dihei selte sache weg nur wills abgloffe isch, ich luege immer alles ah und solangs no guet us gseht und guet schmöcket iss ichs, bi no nie dra gstorbe. so viel sache wo meh übr em datum us no chan esse, vo dem her findis chrank wenn d lüüt nur ufs datum lueget und sobalds abgloffe isch alles weg werfet, z guet gahts eus!
gelöschtes Mitglied

gelöscht

unqLaubLich in Bern esh hüt en neue Lade ufgange wosi restposte vom vortag verkaufe we gipfeli brot und allgemeini sache zu 50%verkaufe statt vortshiesse... Ond em coop gets neu au e abteilig wo glaub gmües u frücht wo net makelos esh zu 70%(glaub) günstiger verkauft....
gelöschtes Mitglied

gelöscht

also grad mal voreweg es hets bi mir scho oft geh as ich Esse weggschosse ha wells schlichtweg nüm guet gsi isch da ichs widermal vergesse ha z bruuche. Hüfig passierts mer mitem Gmües (schimmlig aber so richtig :ugly: ), Frücht (matschig) und de Milch (ranzig). Nerv mi amel i dem Moment scho au recht aber ha ehrlichgseit no ned so richtig drus glernt. S passiert mer eifach immer wider asi was finde zum wegschiesse obwohl ich mittlerwile au meh druf achte was ich ihkaufe. Viel rüehr ich au id Gfrühri ha mer au agwöhnt gfrornigs Gmües z kaufe damit ich mini Wegschmeisserei in griff bechum.

Stolz bini ez au ned würkli da drüber aber weni mer so überlegge, d Lehr hani ir Lebensmittelbranche gmacht.. was döt weggschosse wird isch, zum brüele. Aber es fangt ja scho im Prinzip bim Produzänt ah ... we diversi Lebensmittel wo ned ade Norm entsprechet scho entfernt werdet. Zudem ischs hald klar greglet was welang verkauft werde darf etc. und i mein würed d Läbensmittelläde die War z wiit überem Verfallsdatum verkaufe wer de Lebensmittelinspektor schnell im Huus.

Zudem gits au gnueg Lüt wo ei sau Dümmi chenet tue wenn mer zwar was abegschribe het, und s Produkt au überem Verfallsdatum isch.
Wir verwenden Cookies. Weitere Informationen zu unserer Verwendung von Cookies findest du in der Datenschutzerklärung. Mit der Nutzung von thats-me.ch erklärst du dich damit einverstanden.