Jahresrückblick 2017

leonii

leonii +2627

Hallöchen ihr Lieben

Da ja alle so gut gelaunt sind .. wollte ich mal wissen

Was waren eure schönsten Momente im 17?
Traurigsten?
Erfolgreichsten?
Unvergesslichsten?

Erzääählt mal ;-)

Ach und was wünscht ihr euch fürs 2018?

Schöns Tägliii ond bald e guete Rotsch is 2018 :-*
leonii

leonii +2627

Also i mach de Afang.
-Sehr ischnidend gsi esch mi Job z chönde ond mis Ross uf Frankriich ufen Weid z gä.

-unvergesslich esch mini fasch 3 monatig Reis dor Mexico, Kolumbie, Peru ond Costa Rica gsi. :)
Ond i ha mini 2 Tattoos gmacht :D (juppiduppi)

-schön esch, dasi mi Kater de Yokko gholt han :ouluegaudo:
Ond dasi mi metere sehr guete Fröndin versöhnt ha.
Ooond dasi mini Usbeldig als Tierheilpraktikeri agfange ha, woni so so fescht fröid ha :)

Förs 2018 musi etz eifach no en Teilziitjob ha wo passt. I wet nochli meh Sport mache ond weniger Alkohol trenke.
Ond i wönsch mer, das all mini liebschte Mönsche ond Tier zfrede ond gsond blibe :geilesiech:


Pflegeleicht

Pflegeleicht +6014


Schönschti moment.. sErschtmal woni min jetzige Fründ xeh han :bina:

Truurigi häts eigentli nöd würkli viel gäh, isch alles ih allem e zimmli guets jahr xii für mich usser so e Mannegschicht wo mer biz suur ufgstosse isch

Erfolgriichschti.. Ich ha ändli wieder chöne Fuess fasse ide Arbetswelt zersch nur en chline Job als Nanny 2x ide Wuche und jez no zuesätzlich im verchauf wos mer meega gfallt :) und psychisch gahts mer au viel besser

Unvergesslichschti.. uuh git viel... zahlriichi Konzert, chlini Openairs, spezielli momänt mit lim neue schätziböhndli, dferie in Liverpool wo trotz beschissnem Start, am schluss de Wahnsinn xii sind :)

Mol, cha säge 2017 isch es wüki guets Jahr xii :)
und für 2018 wünsch ich mir viel Xundheit und dasi nüme ih sones Loch gheie wie im 2016! :D
und wieder chli xünder ässe und meh sport mache wär au ned schlecht :D
Engelsblut

Engelsblut +3905

Ech fange met em schlächte ah wo da johr so passiert esch.

Agfange hets met de diagnose brostchräbs be mim grosi. Ner het sech mi chef eh fenger bohret ond esch lang usgfalle. Chorz drufab eh de hauptsaison, chöndet de eint metarbeiter, de semmer no zweite gsi ond mer send bes etz nor em dauerstress gsi.
Em september esch diagnose brostchräbs be mim mami no cho. Ond mis Urgrosi esch gstorbe. (jo ha no es urgrosi gha. Si esch 95gi worde) :janine:

Aber es het natürlech ou vell guets ghe da Johr.
Em Aprel d reis nach tschernobyl, sehr interesant gsi ond eusi chli groppe het ou super zämepasst.
Mini 2 Samtpfotene, en rächte spontanchauf aber de best eh mim läbe bes etz.
Met em frönd of wohnigsuechi ond scho die erst wo mer send go aluege esch en absolute traum gsi ond mer händ sii tatsächlech becho, obwohl mer si erst ofe 1. März chöne neh well ech us minere erst of 31.3 usecha. Ond ech freu mech mega druf.
Ha 2 lüt us mim läbe kickt ond zuglich ganz vell tolli lüt usem autoclub kenneglehrt. ;E

Em grosse ond ganze eschs es tolls johr gsi.
Ond s nächste johr nehmi so wies chond. :^^:
Mini trurigschte Moment si einersiits de Tod vo mim liebe Grosi im Juni und mini Chatz wo Endi November überfahre worde esch... 😢Hoffe s 2018 wird besser!

Gueti Momente... E cooli neui Stell, d Witerbildig woni guet vorwärts chume und e cooli WG womer gründet hei😊
Anja88

Anja88 +1178

För mech de truurig tüüfponkt esch da johr de zemli öberraschend tod vo mim gotti gsi. Sie het ächt z früeh müesse goh.

Positivs hetts deför en huufe geh:
Jedi einzelni reis woni gmacht ha esch de wahnsenn gsi, d dom rep secher die intensivsti ond traumhaftischti.
I han paar mönet bewosst en uuszyyt gnoh ond soooooo vell chliini sache gmacht ond mis läbe voll gniesse chönne.
Ond de start vo minere usbeldig afangs oktober hett mi denn au nomol grad umghaue im positive sinn. Es esch brutal vellsiitig, abwächsligsriich, asträngend, fordernd ond eifach genau s rechtige för mech.
Dor das hani au einigi neui ond supertolli lüüt kenneglehrt!
S 2018 werd au es highlight, das gspüri! Es cha aso afange!!!! :geilesiech:
iKyY

iKyY +4167

Ich glaube, s schlimmscht oder schwiirigschte i dem jahr für mich isch s ändi vude beziehig gsi...er und ich hends aber nach wivor immerno guet mitenand..

Suscht ischs eich e relativs guets jahr gsii..
-gruppereis in mittelamerika - woni sehr tolli lüt kenne glehrt ha..
- S greenfield openair wiedermal grandios gsii..
- Die paar weekend trips hei nach ungarn, woni mini family & co uberrascht ha..
-mich mit es paarne "versöhnt" ha..

Und de entscheid, dass ich für en längeri ziit nach australie gah.. dasch öppe z beschte gsii...

S jahr wird gigantisch ände.. wie ihr all wüssed, bini in sydney - und ich ha mer ez sowas vo öppis übertürtem gönnt.. will ich au gnau weg em füürwerch dahere cho bi.. me muess sich sini tröim verwürkliche - s gäld isch ez mal näbe sach..

Ich hoffe s 2018 bringt au wieder super sache mit sich.. es wird ämel guet ahfange :geilesiech:

Rutsched alli guet ubere :beer:
Wir verwenden Cookies. Weitere Informationen zu unserer Verwendung von Cookies findest du in der Datenschutzerklärung. Mit der Nutzung von thats-me.ch erklärst du dich damit einverstanden.