Wohnung Luzern vs Zürich

gelöschtes Mitglied

gelöscht

Ich will möglichst dieses Jahr noch umziehen, kann mich aber nicht so recht zwischen den 2 Städten entscheiden. Kenne beide auch nicht wirklich gut, desshalb keine Referenzwerte.

Meine Hauptkriterien sind wohl die Ausgehmöglichkeiten. (Clubs/Bars, oder auch Kaffees oder mal einfach im freien)
Und halt die Leute die dort leben, aber denke da sind die Unterschiede nicht so krass?
Job spielt keine Rolle, kann ich mir an beiden Orten einen neuen suchen.

Zur Wohnung ansich, 2 - 2.5 (grösser muss nicht sein) Preis bis 1500.-
Keine Bruchbude (einigermassen Modern)

Einzige Infos die ich habe: Ist es in Zürich noch immer so schwer? (dutzende von Personen bei der Besichtigung) Und halt deutlich teurer?


Danke für eure Impressionen!
gelöschtes Mitglied

gelöscht

Rakaeos

Rakaeos +287

züri: türi miete, findsch fasch kei wohnig, verkehr unter aller sau, d hölfti sind dütschi, die ander hölfti linki ökos.

lozärn: schöne dialäkt, billigeri wohnige, fründlichi lüt (halt chli viel touriste), berge, natur, verkehrshuus, stadtrat gmischt os allne parteie. wenn wenig verdiensch sind d stüre in züri chli billiger, ab ca. 100k esch lozärn billiger.

also för mich wär de fall klar. :)
gelöschtes Mitglied

gelöscht

dusty bei diesem Post:
Zur Wohnung ansich, 2 - 2.5 (grösser muss nicht sein) Preis bis 1500.-
Keine Bruchbude (einigermassen Modern)


Vell glöck au in Luzern wennd sowas suechsch. Ich wör emfall eifach näh wasd bechunsch. ZH Downtown esch secher tüürer als LU-Downtown aber in LU sind dmietene au gstege well veli metem ZG oder ZH lohn done wohned :/
Was in LU halt eifach doof esch, dass die Alte lüüt ide Wohnige chläbe blibed und die attraktive Wohnige entweder Arztpraxene sind oder vo Studente ghortet werded...
sueseli

sueseli +472

Wege Züri: Ja es isch immerna eso schwer.. darum empfiel ich echlii usserhalb vode stadt ebbis zsueche.. dete isches eifacher.
z.B. Thalwil oder halt uf de ännere Seesiite wie Meile oder so.
Wohne zur Ziiit in Horge und finns super. dVerbindige id stadt sind sehr guet! nur zempfehle..

Ps. Womir eus für dwohnig beworbe hend simmer nume szweite gsii.. es booomt also ned eso fesch wie ide stadt.. und immer zempfehle sind bewerbigsshriibe mit fotene , beweggründ, motivation etc.
Und wennd das usserhalb vode stadt machsch hesch schnell gwunne, wells dert ned üblich isch (bi eus: Nume zwei Bewerbige.. Innerhalb vo 2 Woche: Wohnige gsuecht, agluegt und becho)

Viel glück!
gelöschtes Mitglied

gelöscht

also luzern isch sicher au ned eifach, aber möglich. ich han bis vor kurzem inere WG gwohnt, fast mitte im stadtzentrum, bus direkt vor de hütte und d wohnig gsamthaft isch realtiv günstig gsi.

ich bin halt grundsätzlich ned so en fan vo züri. wege de lüt und wells mer z tür isch xD mir esch scho luzern fasch z gross gsi, aber jaa :)

denke es hanget ganz vo dir ab. chasch i beide städt sicher guet in uusgang. in luzern hesch sehr vell au chlini kafis und i de stadt inne hets au vell so fästli wie luzernerfest, blueballs usw. hets sicher in züri au, aber dert kennis ned :P

finde luzern eifach gmüetlicher. ned so gstresst :D
gelöschtes Mitglied

gelöscht

Züri: findsch für de Priis definitiv öppis, aber probiers nöd i de Stadt selber. Neubaute sind übertüürti wohnige für dütschi Iwanderer, Gnosseschafts-Wohnige chasch lang bis sehr lang warte (wenn überhaupt ufgnoh wirsch) und e Bruchbude willsch ja nöd, wie du seisch. Umgebig hesch schnell öppis ;) e 1-jährigi grossi 3.5 Zimmer Parterre Wohnig mit 2 Sitzplätz gits für ca. 1'800 stutz. Verkehr muess mer chli fühle. Je nach Tag und Tagesziit merkt mer mit de Ziit scho, wo mer wänn durefahre chann. ÖV chasch rauche, Velo-Fahrer chasch verschüsse.
Erwart nöd zvill vo de Lüüt. Mir Zürcher sind assozial, arrogant und leged vill Wert uf tüüre Lifestyle. Usserdem hennd mir all en 2 meter lange stock im arsch. Wenn das nöd mitbringsch, denn lahns lieber... ;-)

liebe gruess,
en arrogante scheiss zürcher
gelöschtes Mitglied

gelöscht

dusty
Also i selber wenn i so chönnti uswähle, würi mi für luzärn entscheide, i finds en viel ruhigeri stadt, viel weniger chaos. Und du bisch schäll mal nöime, d lüt sind symphatish


Sueseli
Oha, de hesh aber rächt glück gha!
Also i han in zh oberland wohnige gsuecht gha, i ha nanie so schlimmo wohnigssuechi gha.
Zum teil sind 80 bewerber die wohnige gah ah luege uf 2 täg verteilt. Und i bin mind 20 wohnige gah ah luege & das jedesmal vom aargau her.
Ha ächd gmeind i wirde ohni wohnig da stah & han somit au doppelt so en türi wohnig müesse neh als plant.
gelöschtes Mitglied

gelöscht

aso ich hett mich da schnell entschiede!! luzern!
Malina

Malina +887

Asoo i wür ja nach bärn ;E
gelöschtes Mitglied

gelöscht

xnmax
Was?? Der händ au e Stock em Arsch? :-O

Aso i wör uf Aarau cho. Hihi
gelöschtes Mitglied

gelöscht

LUZERN ;D !!!
In züri zahlsch meistens scho füre 1.5 zimmer wohnig meh als 1500.- aso chasch de eich gad vergässe^^
gelöschtes Mitglied

gelöscht

also wennd in züri chli busfahrt in chauf nimmsch bzw, halt ned ganz ide stadt wohnsch, chunnsch mit dem budget scho dure.
mini cousine wohnt in züri altstette, 3 zimmerwohnig für 1200.
alles machbar ;)
sueseli

sueseli +472

Game0ver Oh nee scheisse.
Ja bi de einte sind au relativ viel cho, aber au bald wieder verschwunde wills Teppich drinne gha het ^^. Die hemmer denn au nid becho, und für die womer eus entschide hend isch scho au tüürer.. und genau 5.- underem budget haha ^^Kompromiss hemmer scho messe mache, defür ischs e hammer wohnig :D
gelöschtes Mitglied

gelöscht

priis bis max. 1500.- für e 2 / 2.5 Zimmer Wohnig in züri stadt für e nöd alti wohnig findi sehr sehr sehr unrealistisch. vorallem wennd den vilicht no ime gwüsse chreis wohne wotsch wo seeaschluss hät etc. ... für mich isch das usschlaggebend gsi. wenni id stadt wot, den nöd nach örlike hindere oder so. den suechsch der lieber öpis ide agglo am seeufer wo züri-näch isch. isch au schönner.
gelöschtes Mitglied

gelöscht

gahn eifach uf Winterthur
gmüetlichi lüüt, gueti bars überall echli es kafi und sowiso di schönstii Stadt i de schwiiz ;)
und ebe züri isch au nu t Vorstadt vo Winterthur ;)
ZeroLimits

ZeroLimits +827

Aso do müssti ned lang überlegge - Luzern definitiv :yes:
Be dire Priisvorstellig werd em Zentrum aber wohl beides schwerig
gelöschtes Mitglied

gelöscht

Zieh eifach uf Basel (:

http://thats-me.ch/members/einsauszwei/_pxZLTQKDSSCCcICX.jpg
Pflegeleicht

Pflegeleicht +5555

Vom Tipp Winterthur wür der abrate.
hät zwar schöni und günstigi wohnige, aber dlüt döt sind liecht gstört und händs gfühl si seged en eigene kanton, und denn na de grösstt uf de ganze welt.
ja, winti isch nöd schlächt, aber wasdlüt ahbelangt mueni mer bi vielne rächt ad nase lange, stadt zürcher sind cooler!
ganz klar Luzern... ich mein Luzern isch eifach sympathisch was mer vo Züri nöd immer chan behaupte.. Luzern isch eifach suuper ;)
Wir verwenden Cookies. Weitere Informationen zu unserer Verwendung von Cookies findest du in der Datenschutzerklärung. Mit der Nutzung von thats-me.ch erklärst du dich damit einverstanden.