Uber Fahrdienst besser als Taxi?

buzzword

buzzword +851

Ich habe mir gerade jetzt die Uber App über den Playstore heruntergeladen. Als erstes bei der Registrierung Kreditkartedetails angeben, mache ich zwar ungern (Hackgefahr etc) Aber mal schauen wies tut. Benutze am Wochenende oft Taxis in Bern.

Habt ihr Erfahrungen damit?

Cheerio
M

p.s wenn ich nach Uber im Forum suche zeigt es 100 Threads an. Hoffe gibt ihn nicht schon.

Uber...

Stimme enthalten
gelöschtes Mitglied

gelöscht

Bin agmeldete Fahrer in ZH. bin bisher 3 äbig/nächt gfahre. Cooli Erfahrig bisher, aber nüt zum devo riich werde.
Aber sitt de Polizei-Meldige i de vergangene 2-3 Wuche (Buesse, illegal usw) lahnis momentan.

für Nutzer gits natürli nur Vorteil. Müsst ich mal Taxi fahre, würdi au vorher Uber nutze. Priise vo normale Taxis i de schwiiz chasch nöd ernst neh.

btw. Thread nr. 69350286
buzzword

buzzword +851

xnmax bei diesem Post:
Priise vo normale Taxis i de schwiiz chasch nöd ernst neh.


Ja ds hani ä bä o dänkt, obwohl, dass d Taxifahrer selber äbä würklech am Existenzminimum verdiene. Isches scho nid ganz fair. Aber ha nid gwüsst, dass d Fahrer privati Persone sind.
einisch z brüssel brucht zum vom hotel ade tomorrowland z cho. super funktioniert und recht chillige fahrer gsi. am nöchschte tag hemmer s gliche nomol vorgha. schlussentli het das ganze inere schlägerei zwüsche taxi und uber-fahrer gändet. schmier isch cho. und es verdammts gschrei. sit det niemeh. D:
Knaeckebrot

Knaeckebrot +2091

Ich weiss nur, das i de Stadt ZH ( ob de reste vom kanton au, weissi ned) d priise vo de stadt gmacht wärded und nöd vo de taxiunternehme selber! Sie würded sush scho biliger fahre, aber ebe, dörfets ja ned. -> quelle: taxi fahrer

Ueber susch hani nanig verwändet. Aber für sone geniali idee, wod de staat wieder mitmische und in dütschland hend ja jensti städt ueber verbote. Normali Taxi hend Versicherige das de Chund au gschützt isch und das chostet au dementsprechend was bi ueber halt ned de fall sii muss ( usland ned vergässe)
gelöschtes Mitglied

gelöscht

prius bei diesem Post:
Ich weiss nur, das i de Stadt ZH ( ob de reste vom kanton au, weissi ned) d priise vo de stadt gmacht wärded und nöd vo de taxiunternehme selber! Sie würded sush scho biliger fahre, aber ebe, dörfets ja ned. -> quelle: taxi fahrer

Ueber susch hani nanig verwändet. Aber für sone geniali idee, wod de staat wieder mitmische und in dütschland hend ja jensti städt ueber verbote. Normali Taxi hend Versicherige das de Chund au gschützt isch und das chostet au dementsprechend was bi ueber halt ned de fall sii muss ( usland ned vergässe)

UBER!
beatnut

beatnut +1962

Grondsätzlech fendi d Taxis (vor allem i de CH) eifach enorm tüür, esch för mech eigentli nie en Option. Klar fendis an ond för sich ned schlächt, gits e gönstigeri Variante. aber ebe, irgendwo muess jo de "hooge" sii bzw. d Priise vo de Taxis send noime dore jo au ned eifach utopisch höch agsetzt, die ergänd sich us de Versicherige und Taxi-Fahrer müend, so viel ich weiss, es speziells Bilet ha, demet si döfe geld förs omechauffiere döfed neh, sus esch das jo verbote. glaub das esch au das was Uber chli zonre Grauzone macht...

ich sälber has nonie brucht, han aber au nonie bedarf gha. bevor ichs mol werd nutze werdi mi nochli schlau mache dröber...
gelöschtes Mitglied

gelöscht

beatnut als chund gits au nüt z'bedänke. du hesch alli date vom Uber-Fahrer, genauso wie er dini hett... wenn da es Problem bestaht, chasch dich bi Uber melde. genau glich wie es anders Taxi-Unternehme ;)
und s'flueche gaht ja nöd ad taxi-fahrer, sondern ad taxi-unternehme, wo die höche priise gstaltet..
freeskier

freeskier +377

Ihr hend oi demfall au nid so informiert das mer e taxi prüefig mache muess und alli zwei jahr ad kontrolle muess und dezue chunt das mer imene taxi versicheret isch und de pris ide stadt züri isch so höch will si wend das d lüüt zug fahred d stadtrat git d prise use.

Uber isch de gröscht mischt versicherigs technisch und isch öpe glich blöd wie di selber scan kasse in migros und coop spare spare spare aber am schluss arbetslos si wills jobs striched super -.-
Pflegeleicht

Pflegeleicht +6015

also ich finds super, fahre nöd viel taxi, aber wenn denn uber. usem eifache grund willi mitem 'normale' taxi z.b. vom Züri HB 90-100.- zahle, mit uber nöd emal dhälfti. denn gits sogar na es saftigs trinkgeld!
womöglich han ich bis jetzt eifach glück gha bide uber fahrer, sehr fründlich und mer fühlt sich wohl, wasi vo vielne taxifahrer vorallem ide stadt nöd behaupte chan.
gelöschtes Mitglied

gelöscht

freeskier das nennt mer alternative in markt bringe und am monopol rüttle, nöd spare spare spare...
gelöschtes Mitglied

gelöscht

freeskier bei diesem Post:
Ihr hend oi demfall au nid so informiert das mer e taxi prüefig mache muess und alli zwei jahr ad kontrolle muess und dezue chunt das mer imene taxi versicheret isch und de pris ide stadt züri isch so höch will si wend das d lüüt zug fahred d stadtrat git d prise use.

Uber isch de gröscht mischt versicherigs technisch und isch öpe glich blöd wie di selber scan kasse in migros und coop spare spare spare aber am schluss arbetslos si wills jobs striched super -.-

Interpunktion!
freeskier

freeskier +377

xnmax

E alternative wo du nid versichert bisch und d fahrer nöd di nötig usbildig hend isch kei alternative.
hank

Chasch der dini satzzeiche süscht wo hi schiebe
shr00my

shr00my +1832

xnmax ich weiss nid öbi mer das würd zuetraue, isch jo doch no e gwüssi Verantwortig! aber finds geil machsches, han aber au scho ghört, dass d Rechtslag meh als umstritte isch im Kanton Züri...
ryan

ryan +58

Ich bnutz ide schwiiz chum taxi/uber (chamers eifach nid leischte, isch beides so tüür)
Z'england bnutzemer UBER ständig (sicher scho a di 20 mal und has ersch sitt dezember), sind scho 40min lang heigfahre und hend 15£ zahlt. Denn dur 2 teilt (eifach em andere s geld paypale) und voila. Findes super cool wennmer sich kei taxis cha leischte :) und isch hald besser als stockbsoffe inen falsche nacht bus/tube z torkle x)
S einzig blöde isch etz dasmer für jedi furz strecki e Uber rüefed wils nur paar pfund choschtet.
buzzword

buzzword +851

xnmax bei diesem Post:
freeskier das nennt mer alternative in markt bringe und am monopol rüttle, nöd spare spare spare...


Völlig! Wenn d Taxigsellschafte wei profit mache, de söuä si sech was guets usdenke zbsp. es pooltaxi oder das wo halt zieht. Aber d Wirtschaft u Bedürfnis vo Konsumänte verändere sich und da muess en Taxigsellschaft flexibel blibe. Klar ischs evtl nid Fair, aber dä Priiiskampf hetme ja bi Salt/Swisscom/Sunrise o und isch frei marktwirtschaft. Wie profitiert denn Uber?
Han am Afang d Uber app mal installiert, chan nüt mache usser CC agäh, login um mitm Googlekonto zahle isch nöd gange.Deinstalliert. Halbs Jahr spöter nommal probiert, immerno s gliche. Daher fahri Taxi. Luege eifach druff obs die sind wo 6.- chostet bim istiige, die wo meh sind chostet ufe kilometer au meh, dert würi wieder usstiege.
freeskier

freeskier +377

buzzword

Ich seg ja nünt gege Alternative..
Abr sunrise haltet d gsetzt ii..
Was uber nid macht. Zum beruefsmässig persone befördere bruchsch en Taxi uswis. Egal öps ei fahrt oder 100 sind.

Ich verstah ja das de pris vom taxi tüür findsch. Aber ich zahl lieber meh und fördere kei schwarz arbet und illegali fahrte

gelöschtes Mitglied

gelöscht

Dutzendi Mol brucht, ide Schwiiz zwar nonig, aber in China, Hong Kong, Singapur, Bali und Amsterdam. Immer gueti Erfahrige gmacht und wo eimol de Fahrer in Peking nöd uftaucht isch aber d Fahrt uf de App trotzdem gstartet het, hends mer innerhalb vo wenige Stunde unkompliziert de ganz Betrag zruggzahlt :)
bin ide schwiz nanie taxigfahre. für öpis hani halbtax und gleis 7 bzw. auto.
im usland hani scho einigi mal eis gnah wili mich dete nöd so uskennt han bzw. de öv scheisse gsi isch. aber grundsätzlich sinds mer eifach zu tür und wend na im stau stahsch oder es en arsch isch wo absichtlich die lengär strecki wählt bisch voll usgliefered. defür isch de fahrkomfort super vorusgsetzt du zwängsch dich nöd mit zig bsoffnige lüt dri.

kolleg het mer mal vonere taxifahrt in venezuela (oder kolumbie, weiss nüme) verzellt. det isch de fahrer irgendwenn eifach i e sitestrass ufem land gfahre, usgstiege, kofferrum ufgmacht und mitemne koffer ide hand zude fahrgäst gange. de koffer isch volle mit koks gsi. hets ihne denn welle für en spottpris verchaufe.
gelöschtes Mitglied

gelöscht

Bruches regelmässig in ZH ond au scho in London demet gfahre - emmer super z'frede gsi & i fend's no cool, gseht mer d'Autonommere & meistens sogar es Föteli vom Fahrer. Zor Secherheit chame die Date jo sogar per SMS verschecke, eifach für den Fall der Fälle.

Ond was natürli wörkli wonderbarstens esch: So. Vell. Belliger. Als. Taxi. <3
Wir verwenden Cookies. Weitere Informationen zu unserer Verwendung von Cookies findest du in der Datenschutzerklärung. Mit der Nutzung von thats-me.ch erklärst du dich damit einverstanden.