Dokumentarfilme und Filme mit Sinn

gelöschtes Mitglied

gelöscht

Mire Meinig noche si Hüd die meiste Filme und Serie uf 2 Theme beschränkt. Sex/Bümsle/Vögle und Gwahlt.

Sex isch jaa es tolls Thema und macht oh jedi u jede gärn... aber i ha eifach müeh dermit wenn z.B. i de Badi oder am See es riise Drama gmacht wird wenn mau eini obenohne umelauft. Aber im TV wird sovieles ufs bümsle reduziert... und d Gwahlt wird sowieso verherrlicht. Witers werdet dir hie Inhält gseh wo dr im Mainstream leider nid wärdet gseh (gwüssi wärdes us Verschwöhrigstheorie abstämpflä... aber das isch jaa hüdzutags alles wo gäges vorherrschende System red)... werum lod sich drüber diskutiere.

Drum hani denk i erstelle hie en neue Thread für alli die wo Filme/Dokus mit meh aus dene 2 Inhält wei luege.

Hie grad es paar vo mine lieblings Dokus.

Experten-Talk "Physik des Lebens"

KenFM im Gespräch mit: Dr. Daniele Ganser (Teil 1: Ressourcenkriege, Peak-Oil, Imperium USA)

KenFM im Gespräch mit: Dr. Daniele Ganser (Teil 2: NATO-Terror, 9/11, Ausblick und Lösungsansätze)

Evolution des Bewusstseins aus quantenphysikalischer Sicht - Dr. Michael König

Der Quanten Aktivist (DOKU)

YouTube Video mit ID rTXN5F-DfaM ist nicht verfügbar.

Viel spass bim luege und nimmt mi sehr wunder was dir zu dere Thematik saget und sie dr die Dokus findet.

Hebet en schöne Tag ♥
gelöschtes Mitglied

gelöscht

Bottled life.. gueti doku über nestle-wasser
gelöschtes Mitglied

gelöscht

https://m.youtube.com/watch?v=qfVEzDDmM1s

En doku öberd federal reserve & allgemein s geldsystem in amerika, eini vo de interessantischte dokus woni je gseh ha :D

Edit: expertentalk het denn för mech nix metere doku z tue :ugly:
momoll

momoll +1891

Hät mal e gueti siite gä, schampi.com. Der häts Dokus für zig themeberiich gha.

YouTube Video mit ID cShyfPEPWe4 ist nicht verfügbar.
chmaggot

chmaggot +1257

KenFM im Gespräch mit: Dr. Daniele Ganser

Das isch grossartig!
gelöschtes Mitglied

gelöscht

En entressanti Doku über Super Smash Brothers. Es Game wo as Partyspel denkt gsi isch und jetzt a Turnier gspelt wird:
The Smash Brothers: Episode 1 - Show Me Your Moves
Tuilagi

Tuilagi +5219

gelöschtes Mitglied

gelöscht

chmaggot absolut am 24.5.14 hed de Ganser in Herznach AG am 8di en öffentliche Vortrag. I bi uf jede fall dört. Eifach so zur Info :)
Tuilagi

Tuilagi +5219

@Coemgen Muemer grad au überlegge zum goh.
gelöschtes Mitglied

gelöscht

Blackfish
Absolut geniali Dokumentation über Orcas in Gfangeschaft mit original Ufnahme vo Agriff uf Trainer. Sehr schockierend (au wennme scho vorher chli vom Thema bscheid weiss) und ned zu vill "human bashing" - findi guet.

The Act of Killing
Indonesischi death-squad Füehrer wo als Nationalhelde verehrt werde bechöme d'Glegeheit all ihri Mord/Exekutione neu z'inszeniere mit sämtleche cinematographische Möglichkeite. Im Verlauf vom Film vergohtne de aber d'Freud dra und sie föhnd aa realisiere was sie würklech gmacht hend.

Beides goht zwar chli id Spielfilmrichtig, aber i has trotzdem als authentisch wahrgno und chasi jedem empfähle wo ned bsunders zart besaitet isch :)
gelöschtes Mitglied

gelöscht

das isch zwar ned gfrogt, abr au ich han euch en tipp.
han ledschdi doku xe «Das Geheimnis der Pyramiden». sau intressant, wirsch zwar bombadiert mit fakte und fühlsch di immr wedr verarscht :lol: chani jedem empfehle :)
gelöschtes Mitglied

gelöscht

Tuilagi chum Homes!!! Wie meh as sich informiere... desto meh chame när würke! Wür mi sehr freue di dört a ztreffe :yes:
gelöschtes Mitglied

gelöscht

Isch zwar ke Doku sondern es Lied... aber de Shah Reza bringts voll ufe Punkt.
Loset mau dri :-*

Shah Reza - Letzte Wa(h)rnung (Official Video) prod. by ULTIM8 BEATZ
gelöschtes Mitglied

gelöscht

Oh Mann, mir rolled sich bi dene Dokus scho bi de Titel d'Nägel uf. :ugly: Das tönt für mich wieder so nach Verschwörigskack und Pseudophilosophie, und öb das denn würklich sin Sinn het, na ich weiss nöd :lol: Ich find sowiesso, bi Dokus muess mer uhuere ufpasse, da gits sovill unverschämte Mischt. Nur will jetzt öpper öppis "dokumentiere" und "Wüsse" verbreite will, sett mer sich im klare sii, dass au die meischte Dokus vo irgendwelchne Interessegruppe gmacht werded und wieder anderi sind nur zur Underhaltig da (siehe History Channel mit Ancient Aliens und so Dräck). (und seriously? Quanteanaktivist? Bewusstsein aus quantenphysikalischer Sicht? Geheimnnis der Pyramide? Ultracorny, find ich :lol: )

Usserdem: Wer behauptet, es göch i de hüttige Film nur no um Sex und Gwalt, luegt eifach a de falsche Ort naa. Die letscht drü Film wo ich gluegt han:

- Grand Budapest Hotel: en vom Stefan Zweig inspirierte Wes Anderson Film, wos um en Kunstraub und es Hotel gat
- Liberal Arts: en Film vom Josh Radnor, wos um d'Beziehig vome eltere Universitätsagstelte zunere Kunststudentin gat (inkl. vill klassischer Musig und Literatur) (nocher hani no Happythankyoumoreplease gluegt, au vom gliiche Regisseur, rächt schöni Lebensusschnittsgschiche vo mehrere Charaktere)
- Inside Llewyn Davis: Fantastischi Komödie vo de Coen-Brothers wos um en gscheiterete Musiker i de Folk Szene gat. Fantastischi Musig und geniali Cast.
gelöschtes Mitglied

gelöscht

@TeoLolstoi pseudophilosophie.... :rofl: hahahah kolleg du hesch wohl en sehr begrentze dänkensrahme. Die dokus woni do dri do ha... helfet (wenn se würsch luege u nid grad blocke) nur dir selber und bringt schusst niemerem was. Aber findes cool wie vorignoh du bisch :no:
U du chunsch mit em History Channel.... de grösst witz xD "History" hahahahha :rofl:

Und wenn de Text richtig gläsä hätsch... würsch gseh asi gschriebe han die meiste. Lueg doch mau was mehrheitlich die grösste Kinoerfolge si...
U de rede mr nomau drüber! Es gid immer wider super Filme wie z.B. ziemlich beste Freunde usw. Wo de hammer si. Aber mehrheitlich isches eifach BULLSHIT!!!

Und no was vo wägä Verschwöhrigstheorie... betreff em Dr. Daniele Ganser.... isch dir bewusst was en Historiker macht... was sini Ufgab isch?
En Historiker duet nid die offizieli Gschicht eifach bestätige (Gschicht wird vo de Sieger gschriebe und publiziert) sondern die die wohre Gschenisse undersueche.

Auso überleg nextmau chli... oder befass di zertst mit gwüssne Themene... bevor wider so vorignoh chunsch cho dri spuke.

Peace, Flowers and LOVE
gelöschtes Mitglied

gelöscht

@TeoLolstoi aah und no so vo wege Pseudophilosophie....

Lueg gschicht ah.... alli wo mit neue Erkenntnisse cho si... wie z.B. d Erde sig ke Schiebe sondern en Chugele oder d Sunne kreist nid umd Erde sondenr andersrum... si us Spinner usw. Heregstellt worde...

Und siehe da.... paar Johr (Johrzent/Johrhundert) spöter hed me de erkannt und müesse igestoh as die "Spinner" doch nid so Spinner si gsi...

Aber es isch hald so... die meiste hei müeh en Paradigma (Weltbild) wechsel sich selber chöne igestoh. Rahmedänke hald.
gelöschtes Mitglied

gelöscht

@Coemgen

Oh, boy. Ladies and gentlemen, time fooooor:

http://thats-me.ch/members/TeoLolstoi/_jhRzXxdDqLjNNUTo.png

hahahah kolleg du hesch wohl en sehr begrentze dänkensrahme


Uf was basiersch du das gnau? Ich han offebar e anderi Meinig als du, nöd wahr. Langet dir das scho für so en Schluss?

Minere Meinig na basiered die Art vo Dokumentatione uf ganz vill logische Fehlschlüss. Drum (näbedere Zahl andere Gründ) Pseudophilosophie. Ich ha zwar die Dokus nöd gse, aber ich han irgendwie scho gnueg vo dene Sache im Allgemeine gse, dass mir die Zeiche woni gse langed, zum chöne säge zu welere Kategorie, dass die Sache öppe ghöred. Ich muess au nöd Twilight läse, zum wüsse, dasses keis Meisterwerk vo de Literatur isch. Demna muessi au nöd scho wieder e sone Doku luege, zum säge, dass das minere Meinig na Quatsch isch. Vo dem her, nei ich lehne das nöd ab, will ich vorigno bin, sondern, will ich meine, dass mir die Informatione langed, woni bis jetzt über so Theme gsammlet han.

U du chunsch mit em History Channel.... de grösst witz xD "History" hahahahha

Try again, ich han de History Channel ebe als Negativbischpil gno ;)

Und wenn de Text richtig gläsä hätsch... würsch gseh asi gschriebe han die meiste. Lueg doch mau was mehrheitlich die grösste Kinoerfolge si..

Sind demfall die Hollywood-Film, wo bi eus laufed "die meischte" Film? Oder chönts ächt sii, dass au no anderi Film existiered? Zum Bischpil tusigi vo Indie Film? ;) Es git nöd nur Hollywood. Es git ganz, ganz vill supertolli Film us jedwelche Länder. Du muesch nur wüsse wo luege. Zum Bischpil im Arthouse.

betreff em Dr. Daniele Ganser.... isch dir bewusst was en Historiker macht... was sini Ufgab isch?

Als öpper wo sich hobbbymässig mit Gschicht befasst, im Herbst es Gschichtsstudium afangt und e rächti Schwetti a Historiker i sim Fründeschreis het... Doch ja. :M

En Historiker duet nid die offizieli Gschicht eifach bestätige (Gschicht wird vo de Sieger gschriebe und publiziert) sondern die die wohre Gschenisse undersueche.


Nä-ä oder? Das hani doch voll nöd gwüsst! :ugly: Natürlich bestätiged en Historiker nöd eifach scho bekannti Sache :lol: De Punkt isch nur, dass das ganze Züg mit de Wahrheit ebe nöd so eifach isch. Für validi Forschig brucht mer validi Evidenze. Mir schiint, dass die i dene Dokus und generell bi dene "Forscher" ebe nöd gä isch. De Punkt isch: die wo öppis behauptet, hend d'Bringschuld für Bewiis, nöd die ander Siite.

Auso überleg nextmau chli... oder befass di zertst mit gwüssne Themene...
Will ich also nöd dini Meinig teile, han ich mich automatisch nöd mit de Theme befasst? Isch das din logische Schluss? Oder hesch irgend en clevere Grund, wieso ich mich nöd söll mit dene Theme befasst ha?

Lueg gschicht ah.... alli wo mit neue Erkenntnisse cho si... wie z.B. d Erde sig ke Schiebe sondern en Chugele oder d Sunne kreist nid umd Erde sondenr andersrum... si us Spinner usw. Heregstellt worde...


Selbstverständli, aber heisst das automatisch, dass all verruckte Behauptige automatisch stimmed? Nöd, oder? Usserdem gits en entscheidende Underschiid, zwüsched Johannes Kepler, Galileo Galilei und Kompanie. Die gnännte hend nämlich e nachvollziehbari Methodik agwändet, sie hend ihri Denk- und Forschigsprozess transparent dokumentiert und beobachtbari und theoretisch schlüssigi Bewiis gha für ihri Behauptige. Und vor allem sind ihri Ergebnis vo allne reprodduzierbar gsi.

Aber es isch hald so... die meiste hei müeh en Paradigma (Weltbild) wechsel sich selber chöne igestoh. Rahmedänke hald.

Ah, ich han Müeh izgesta, dass dis Weltbild s'richtige isch, oder wie jetzt? :ugly: Und wennd scho s'Wort Paradigma bruchsch, denn bitte korrekt. Usserdem het überhaupt ken Paradigmewechsel stattgfunde, aber das nur so am Rand.


___

Zum das Ganze wieder so chli uf''s Ursprungsthema lenke:

Ich find so Ussage wie "es git nur no Bullshit Film!" gnau so doof wie d'Ussag hüt sind all Mensche nur no dumm oder hüt gits kei gueti Musig meh. Das sind Sache wo all Lüüt dur d'Gschicht immer scho gseit hend über die aktuell Generation. Mer muess nur wüsse wo luege - denn findt mer immer gueti Sache. Hützutag wohl meh als früener sogar.

Zu de Dokus: Ich find - wie erklärt - mer muess vorsichtig sii mit Dokus und immer luege vo wem und us wellne Gründ die produziert werded, will wie bi allem andere au, werded Film au mit gwüsse Ziel erstellt und au Dokus sind mitnichte immer objektiv. Und so Verschwörerdokus mag ich nöd, will mir dete meistens die schlüssig Argumentation fehlt. Oder andersch: was jetzt "Film mit Sinn" sind, isch wohl sehr umstritte. ;E

TL;DR: Ich find vill Dokus fragwürdig, muess aber jede für sich sälber wüsse, wills nur gseit ha. Das heisst au nöd, dass ich en schmale Horizont oder suscht irgendöppis ha. Du musch mer au nöme antworte, will ich han gseit was ich gseit han (hani eigentli scho mitem erschte Post) und ich han das nur welle klarstelle. ;)
Tuilagi

Tuilagi +5219

Postet e Doku won ihr guet findet und susch lönds doch. Jede Thread go verschisse, wird ja kane zwunge das zluege... Aso würkli, noch 14 Johr Internet ide Schwiiz wüssemer doch wo diä Grundsatzdiskussione anegönd :)
gelöschtes Mitglied

gelöscht

Tuilagi Oder mer chan en Thread eifach ufmache mitem Titel "Hey, gäbed mer gueti Dokus!" anstatt Grundsatziskussione mitere tendenziöse Threadbeschribig z'ermuetige ;)

Und demiti näbed de drüü bereits erwähnte Film no meh biiträge ;E :

- Generell all Coen-Film. Bsunders no A Serious Man und O Brother Where Art Thou. Absolut faszinierendi Charakterporträts und meischtens fantastischi Cinematographie.

- Generell Wes Anderson Film: Villicht hin und wieder chli schräg, aber mitere tolllllllllle Bildkomposition und sehr eigeständige Gschichte.

- Waking Life: en tolle rotoskopierte Film über eifachi philosophischi Theme, so wie en Grundkurs vo de Philosophie in unterhaltender Form. Absolut wunderbar, wenn mer so chli id Philosophie ischtige wett und mal sich chli wott beriesle la vo interessante Ideene.

- Dead Poets Society: Schöne Film überen Englischlehrer und sini Klass i de 50er-Jahr. Au chli so e Minitour dur englischi lyrik vo de Romantik. Sehr empfehlenswert, vor allem i de Originalsprach.

- The Last King of Scotland: En "Historiefilm" beruehend uf de Diktatur vom Idi Amin in Uganda. Irücklich gfilmet und mitem Forrest Whittaker en absolut krasse Hauptdarsteller.

- Contact: Verfilmig vom gliichnamige Buech vom Carl Sagan. Wüsseschaftliche und gege Ändi chli humanistisch aghuuchte SciFi-Film wo zeigt was chönt sii, wenn mer es usserirdischs Signal uffanged.

- Primer: Hard SciFi Film üer Ziitreise. Nöd empfehlenswert wemer müed isch. En Block zum Miitschriibe hilft zum die verschidene Ziitebene identifiziere.

- Eternal Sunshine of the Spotless Mind: Drama mitem Jim Carrey (woni i allne andere Film verabscheue) woner sich sini Fründin us de Erinnerige lösche will (das passiert im Traum) und währender träumt realisiert, dasser da eigentli nöd will und demna dur sini Traumlandschaft muess flüchte. Sehr fantasie und gfühsvolli Darbietige.

- The Clone Returns Home: Japanische Film (executive produced vom Wim Wenders) mit sehr vill ästhetische Gmeinsamkeite mit 2001. Sehr langsam und atmosphärischi Story über en Klon wo sini Seel muess finde.

- We need to talk about Kevin: Absolut bedrückende Film um e Familie miteme Problemchind. Nur lluege, wemmer Nerve het. Wahnsinnig toll gfilmet und mit vill Flair für Farbe und Setpieces.

- Howl: Halbfiktive Doku/Biofilm über de amerikanisch Dichter Allen Ginsberg und d'Entstehgsgschicht vo sim Gedicht Howl inklusive animierte Gedichtsequenze.

- Moon: extrem tolle ScienceFiction mitem Sam Rockwell. Unfassbar spannend miteme tolle Hauptdarsteller.


Doku: Suicide and Me: australische (glaubs) Film über Suizid mit extrem idrückliche Ufnahme vonere Suizidhotline und derne Helfer.
HERDOEPFL

HERDOEPFL +68

netlogsprincess und ich.. mir liebed das leuchten der stille!!!!
gelöschtes Mitglied

gelöscht

YouTube Video mit ID 96AEzQYangE ist nicht verfügbar.