Lasik Augenlaser-Operation in der Türkei

shr00my

shr00my +1828

Weil mir Brille und Linsen nach über 16 Jahren leid geworden sind, habe ich mich entschlossen, die Augen lasern zu lassen.

Viele können nicht verstehen wie man das in der Türkei machen lassen kann, "das sei doch viel zu gefährlich" oder "die hätten doch keine Ahnung".

Fakt ist, dass die Ärzte in Istanbul zum teil über 30'000 Operationen durchgeführt haben. So eine Erfahrung kann ein schweizer Arzt kaum vorweisen.

Am Sonntag geht es los und ich bin sehr gespannt, natürlich auch ein wenig nervös, aber es gibt z.B. keine Statistik die beweist, dass es im Ausland mehr Komplikationen gibt als in der Schweiz. Das Risiko ist überall das selbe.

Hat jemand von euch bereits eine Sehschwäche mithilfe einer Laseroperation korrigiert?
gelöschtes Mitglied

gelöscht

Ich selber nöd, abr han bekannti wo's teils gmacht hend. Bim einte hends gmeint, sie chönnds bis uf 3 Dioptrie odr so korrigiere, er het vorher glaub um die 9 oder 10 gha, weisses selbr nöd gnau. Weiss nur, uf allefäll hends irgendwie glück gha & er brucht etz eig. gar kei Brülle me :D

Abr vill glück ;)
Was hesch denn du für e dioptrie?(:
gelöschtes Mitglied

gelöscht

I ha sglöck dasi links ca 126%ond rechts 134% "guet" gseh.
Also nei, kei erfahrige gmacht. Trotzdem wönschi der vell erfolg ond wönsch der alles gueti!
Cya! (Hoffentli du au besser nach de OP) :geilesiech:
gelöschtes Mitglied

gelöscht

Uuuuh das wärmer z heikel. Ganz ehrlich. Und da chunt mer immer d Szene vo Final Destination in Sinn

Final Destination 5 Olivia's Death (HQ)

Und wenn di das nöd killt chasch churz ad Gränze go dä IS sali säge.

Nei, uf jede Fall TOI TOI TOI! Ich wür mer id Hose schisse
shr00my

shr00my +1828

Someonelikeyou -7.0 und -6.5

@K2 I luege us Prinzip kei Final Destination film :lol: und bi glaub nid ganz unfroh, dass i dä nid gseh han :D Und nei, i ha de link nid aklickt :lol:
shr00my bei diesem Post:
Someonelikeyou -7.0 und -6.5

@K2 I luege us Prinzip kei Final Destination film :lol: und bi glaub nid ganz unfroh, dass i dä nid gseh han :D Und nei, i ha de link nid aklickt :lol:


Und wieviel settsch denn nach de laserig ha?(: viel glück uf all fäll (;
shr00my

shr00my +1828

0 :D aso im Normalfall bruchi nocher kei Korrektur meh.
Wie lang das wird ahebe wird sich zeige. Aber au do wär e Nochbehandlig ide Garantie inbegriffe, müsst eifach de Flug zahle.

Und jo, priislich belauft sichs uf 1200€ + Flug + Hotel, ide Schwiiz chönntis mer schlichtweg nid leiste.
elisa

elisa +635

Ich kenne es paar wos gmacht hend und s het niemer problem gha.
Ich selber wirds in 4-5 Jahr au mache. Weiss aber nanid öbi lasere oder linse implaniere lan.
S geld spielt mer bi dem ke rolle, wenni für das wüki kei brülle oder linse me bruche. Isch sicher me wert (plus chostet das züüg ja au jährlich es vermöge)
shr00my

shr00my +1828

elisa Min Chef hets ide gliche Klinik gmacht, und er isch gange, well zwei Kollege vo ihm döte gsi sind.

Ide Schwiiz hani zum teil je noch Behandligsmethode 4'000 - 8'000 Franke gseh... Und vieli bütet garkei Korrektur vo 7 Dioptrie ah. Weil die schlicht nid die Technologie hend.
elisa

elisa +635

shr00my bei diesem Post:
elisa Min Chef hets ide gliche Klinik gmacht, und er isch gange, well zwei Kollege vo ihm döte gsi sind.

Ide Schwiiz hani zum teil je noch Behandligsmethode 4'000 - 8'000 Franke gseh... Und vieli bütet garkei Korrektur vo 7 Dioptrie ah. Weil die schlicht nid die Technologie hend.


Guet ich ha ke 7 Dioptrie und da müesst ez na recht was schieflaufe dasi vo 1.5 uf 7 chume :P
Und ich sege ned es chunnt druf ah wo dasmes macht. finds sogar im usland gar ned schlecht, wells eifach viel me erfahrig hend.
Ich han nur xeit de Priis seg mer glich. Au wenni 8000 müesst zahle.
shr00my

shr00my +1828

Achso, ich ha schlichtweg kei 8k föhrig :D
Vrijheid

Vrijheid +1887

shr00my

Da hani mer au scho überleit! Weri super wännd nach de Operation mal no was dezue sege chönntsch. Wis abglofe isch und alles. Würd mich sehr interessiere.
adema

adema +80

e kollegin vo mer het sech i do i de schwiiz i de pallas klinik lo operiere. was genau si het lo mache (lasere oder linse implantiere) weissi grad nümme. uf jede fall het si nach de OP no 40% gse und het e nochbehandlig brucht. d'ärzt hend au mega schwerig to und zersch het d'klinik die 2. behandlig gar ned ersch welle zahle obwohls im vertrag stoht! mittlerwiile gseht si guet, aso nach dem 2. iigriff. aber d'ärzt hend si ganz eifach ned gnüegend über d'risike ufklärt. si hend ihre zum biispiel ned gseit as me no 6 mönet nach sonere OP immerno verschwumme cha gse und de igschränkt esch im alltag. wo se de es arztzügnis brucht hend zum sech lo chrankschribe well si würkli ned het chöne schaffe hei si sogar weg dem no mega dumm to. also vo dere klinik roti jedem ab! und das esch ned die ersti negativi gschichte woni vo dene ghöre :/

aso au do i de schwiiz chas zu schwere komplikatione cho und eg wirdes sicher au i de türkei lo mache, ebe weg dene gründ wo scho gnennt wurde send (meh erfahrig, besseri und moderneri laser, günstiger) :geilesiech:

be de au gspannt uf dini rückmeldig :) hoffe emu es chonnt guet und drücke der d'düüme ^^
gelöschtes Mitglied

gelöscht

Han e kollegin wos erschd gad gmacht het da i de schwiiz, sie het kei problem gha und isch bis eze z friede :) naja, bi mir chämt da ned in frag, mich stört mini brülle eifach ned :D
gelöschtes Mitglied

gelöscht

Wenn du dir so sicher bish über die opereation, wieso tuesh di zweimal rechtfertige, dass du d' operation ide türkei machsh?

was mir im uslandspitäl immer sorge macht sind hygienezueständ...
shr00my

shr00my +1828

Ich hoff ich gseh denn no was und ha eu en Bricht schriibe. Würd sich suss öpper bereiterkläre mier e Braille-Tastatur z bringe? :biglol:
shr00my

shr00my +1828

@Montaign ich möcht mi nid rechtfertige, eifach de gängige Reaktione woni scho oft ghört han de Wind usde Sägel neh ;)

Hygiene isch in Privatklinike absolut keis Thema, die sind (fast) alli zertifiziert.
unqLaubLich

unqLaubLich +2227

Kenn öpper wos in Lausanne gmacht het und u zfriede isch :)

WALas mi na wür wunder neh:
Wie gsehts prislich us? Übernimmt da en Teil d KK? Wenn en Behandligsfehler passiert, gibts Problem mit zb Schadeersatz o.ä. wills im Usland gmacht hesch?
shr00my

shr00my +1828

KK übernimmt mines wüssens au ide Schwiiz nüt, weils jo nid zwingend nötig isch. Han folgendes im Internet dazue gfunde:
Nein, die Kosten für eine refraktive Augenoperation werden von den Krankenkassen generell nicht übernommen, da hierfür keine medizinische Indikation besteht. Lediglich in Einzelfällen, z.B. wenn ein sehr grosser Fehlsichtigkeitsunterschied zwischen beiden Augen besteht, kann es sein, dass die Krankenkassen eine Kostenübernahme erwägen.
---http://www.laservista.ch/haeufig-gestellte-fragen/

Schadeersatz wüssti nid, aber im normalfall unterschriibsch du jo en Vertrag, dass du die Risike in Chauf nimmsch. Denke es git nur was wo würd zieh, wenns quasi grobfahrlässig passiert. Ansonsten treisch du s Risiko und au d Haftig sälber. Wenn e Nochoperation nötig isch, wird das aber vielfach übernoh vode Klinik als sogenannti Garantie.
gelöschtes Mitglied

gelöscht

Ich ha en femto lasik operation hender mer ond wörds sofort weder mache.
Has aber ede schwiz gmacht. Klar, im Usland esches vel gönstiger, aber wenns om d'auge goht, wetti eifach en Asprächspartner ede Nöchi ha. Ond zwar de, womi glaseret het. Au för d'kontrolle muessi ned wit fahre. Has voreme guete Johr gmacht.
Die erste paar stond nach de OP send aber de Horror gsi ^^
Wir verwenden Cookies. Weitere Informationen zu unserer Verwendung von Cookies findest du in der Datenschutzerklärung. Mit der Nutzung von thats-me.ch erklärst du dich damit einverstanden.