Eure Haustiere

Salü zäme! Euses Huustierli isch de Marvel, es schwarz-wissi Chätzli mit viel Energie und 2 Johr alt. 🐈‍⬛ De Marvel isch eifach en unterhaltsame Gspändli und hät sogar sini eigeti Instagram Siite, #MarvelTheCat. Machet s'läbe sehr interessant, s'isch fasch wien en Kinoabbig bim Marvel z'luägä. Machet au gärn mal Nöchtsäs uuf de Chuchi und macht sich zum König vom Hüs.

Han 2 büsi sit gli 12 Jahr

D Sheika wo eich nie kuschled. Aber sit mi fründ weg isch, wo sie liebt.... Hanged sie a mir. Sie kuschled sus mit niemmerem
Und d Nemo, die kuschled scho immer und interessierts au ned, obmer wot oder ned. Sie platziert sich eifach und de wird kuschled. Oh well


Chönd ja rate weli weli isch

De Bragi (benannt nachem Nordische Gott vo de Dichtkunst ), Eurasier, 10 mönet, voll i de pubertät und drum im momännt chli ahsträngen

Ha leider no kes Foto vom Onyx , aber es wird e schwarze Labrador Retriever si! estimated waiting time 420 days! I bouä zur Zyt mis soziale Hundenetzwerk uf, damit scho mal für d Sozialisierig gsorged isch! Mi Hund wird frei si wiene Vogu, selbschtbewusst wiene Schäfer und ä Hundeliebhaber (zu anderne Hünd) wie ig! Er wird jeder Konfrontation uuswiche und mir bis zu sim Tod treu si. I wirde ihn spiegle!

We dir öpper kennet wo vil Hundeerfahrig het de vermittlet bitte! Danke

my fav thread. danka @yoki



rechts isch Piper. a 7-jährig diva. sie putzt sich sofort alles suuber, wenn mini kollega sie strichla hend. jedi gfühlti minuta 😅 sus isch sie mega scheu vor lüüt und isch schnell unsicher, wens öppis neus git. sie kuschelt mega gera, egal wie wo was (im bett, ufem sofa und sogar au ufem klo ).
ide mitte isch Polly, 8-jährig. sie isch a cooli socka, goht schnell uf lüt ih, sehr neugierig und kha sehr nervig si, wens um essa oder outdoor gaht 😅 kuschelt nid gera, hockt aber gera nebet miar. spilt nid gera, luagt liaber zua, wia Piper sich wianes clown bim spila benimmt.
links wär denn d'Lana. au a sehr cooli socka isch eza 5 johr alt. i und min ex hend sie, wo sie es welpa xi isch, zu üs zema gholt. doch laider nach 4 jahr hani sie nüma täglich bi miar. bis gester hani sie ab und zua fürnes wuchanend oder so zu miar döffa neh zum ufpassa. aber gester hani mi müassa vu ira offiziell verabschieda hoffes aifach mol, dass sie mi eines tages in bern bsuacha kunnt.

Die dunkli esch Zelda. Werd em Aprel 8ti. Mis Seelebüsi. Sie kuschlet gern & hasst es börstet zwerde.

Die roti esch Zoya. D Schwöster vo de Zelda. Si Terrorisiert eus gern, haut eim gern d Kralle es Gsecht wenn mer am schlofe esch si cha aber ou mega härzig si, ned zu mer, aber zu mim Frönd. Si liebt ehn, mech doldet si xD

Die wiisi esch d Jelena. Si werd am 10. Januar 6i. En mega schüchi, wo wäg jedem Grüsch devo secklet. Wenn ech aber ofem Sofa legge chond si gern go kuschle.


Die roti esch d Sora. Si werd da Johr 17ni
De ander esch de Sanji. Be em kenni s alter ned gnau. Werd aber ou so om di 15ni si


Das esch d Asuna si werd em August 11i,


& zum schloss no de Power Gun. Name esch programm. Er het vell Energie & vell Chraft.
Eusi Chatze liebt er, frömdi ned eso.
Er esch em Schotzdienst & em Stöffle usbeldet.

Aktuell hemmer leider kei Hustierli meh. Bis vor kurzem hemmer aber Degus gha. De Leonidas, de Yuppie & de Lümmel 🥰 und für kurzi Ziit het auno de Johnny bi üs glebt.
De Lümmel het jetzt bim Brownie es neus dihei gfunde, die andere sind leider über d'Regebogebrugg gange 😢🌈

Weli gad d fötteli duregluegt ha nochli Bragi-Spam

miar hend ganz sicher alli 100000 fotis vu üsra huustier ufem handy. und dia hälfti devo sind öppa glich


beschta biispil

zählt dr partner au als huustier?

Pippo 5 Johr, Single

mis Bebii isch 15ni und stellt mir sit 5 Jahr ihri Wohnig zur Verfüegig 🥰

Mini 2 Schätzis, wo leider bim Mameli dihei sind & ich go bsueche chan weni wot. Leider dörfi i minre Wohnig kei eigeti Büsis ha (obwohls bide Besichtigung gheisse het ja ).

Es werde beid 9i das Jahr. Oder doch 10i? Weiss es ned ganz uswendig. Buurehofbüsis & Schwöschtere.

Die Grösser esch d'Nala & mis Bonsai-Spätzli wo ihre Chopf emmer bi mim Arm versteckt esch d'Shila.

Giuseppe (Ruefname Giusi, 8i) und Penny (6i)



Giusi isch e ehemalige Strassehund us Rumänie. Er het e Ungerbiss, wone chli laht la gfürchig usgseh, aber er isch der liebst und verschmusischt hund woni kenne. Wener aube nid gstrichelet wird, hockter eifach vor eim und starrt eim diräkt id Ouge, bismene doch strichelet



Penny isch äbäfaus vo Rumänie, aber het nie ufder Strass gläbt. Derfür hetsi aus Wanderpokal fungiert und isch vo Familie zu Familie greicht worde. Darum hetsi es massivs Vertrouensproblem. I hase sit 5 Jahr und so richtig vertroutsimer itz öppe es Jahr.
D Lüt fingese immer sehr schön aber hei der Giusi lieber, wöu sie nid so der Schmusehund isch.
Si het extrem viel Energie. I säge aube, dass sie es ADHS het 😅 und si schnarchlet extrem lut


I liebe die zwöi über alles

sie sind eifach so süess

gn8 vu miar und polly

Mini Crew: Thanos 9i, Loki 10ni, Makkuro Kurosuke 6i & Rocket 7ni 🥰

kennt iar s problem? i kuma hai, han no nüt gessa und hocka erstmal churz ufem sofa zum sehrsehr bizzeli chilla könna. denn kömmend sie....nach 30 min immerno nüt gessa und i will sie nid "verloh" piper isch gad mini haizig

Euses spitalbüsi (und nei sie döft ned ine. Und ja ich bi 10min mit ihre zmitzt uf de stäge ghocked und hinde isch d notfallrpaxis wos öppe 10 lüt gha hed )

Min Wildfang, de Ari (baud 3j) 🥰 sett 2.5jahr be mer, leider weiss er ned dass Pubertät au mal Ende sett und wörd ne niemeh hergeh 😍

Da gäbs na es 'Huskies unter sich'

Das isch mis zuckerschnüütli, de Toby



Her mag zwar en schöne si, aber isch fr grössi weirdo. Ever
Aber das liit wohl a sim Pawtism wonder vo sinere Muetter vererbt becho het (it's me, ich bin d muetter)

ich ha zwei Büsi, de Vince (rot) und d Fay (die ander )
sie sind Gschwüsterti, 14ehalb jährig und bereits so lang bi mir
de Vince isch jo mi beschd Kolleg und eifach en coole siech
d Fay ghört ihre richtig Name nie, will ich säg ihre nume Bohne.
sie het e sehr luschdigi Persönlichkeit, me merkt gar ned, dass sie e liechti Arthrose het,
sie gumped immer no ume wie es jungs Büsi.

Ahja und wenni vo dihäi us schaffe gsehts ame so us

Diva

Ou, sone richtig böse Blick ergendwie! haha

ou ja darum de Name Diva 😂😂😂 sie cha extrem guet ihri Gfühlslag mitteile mit Mimik u Gestik.

Inca mis dööfi - ca 12 jährig, angsthund & böseböse kampfschmuser🥰



Diva - ca 5. Jährig, de name esch alltag - resting bitchface in katz


Mini 2 jünste - minny mouse links & jack skelleton rechts - 6 monet - tribet mi täglich in wahnsinn & hend e fuessfetisch🙄

Giusi ungerstütztmi bim schaffe

Sundaymood