Geschenk

gelöschtes Mitglied

gelöscht

Wer kennt es nicht, jemand hat Geburtstag und man möchte was ganz spezielles schenken. Aber alle Ideen die man hat sind nur 08/15 Geschenke.

Mich würde es Wunder nehmen was Ihr eurem Partner/Partnerin/Mami/Papi/Bruder/schwester/Kollege/Kollegin spezielles geschenkt hat und wie diese Person darauf reagiert hat.
gelöschtes Mitglied

gelöscht

Schnitzel und Blowjob, da freut sich jeder Mann zu jeder Stunde.

Oder koch oder back für ihn etwas feines da heter au immer freud. Am beste mit Produkt vo Dr.Oetker
Alte Werbung Dr. Oetker - Pudding & Backin
gelöschtes Mitglied

gelöscht

minere Mam, hani es Bodyshampoo kauft so mega gross het mega freud gha
mim Dad, en Haarbürste wüll die i sim Auto kaputt isch o.O het au mega freud gha
& grad vor 2 Wuche mim chline Brüeder s Parfüm One Million, er het mega freud gha, aber irgendwie nid wöller gfunde het ich han z viel deför usgä :)
dumdidum

dumdidum +64

Ech ha mim Mami es Dermal Anchor Piercing gschänkt, weusi mini so schön gfonde hed :roll: & sie hed ou mega Freud gha :)
gelöschtes Mitglied

gelöscht

mim schatz hani enart guetschi gschenkt, wo ich ihm s'bilett zahle für en tagesusflug :)
mim brüeder und mim mami geld, dass selber was hend chönne chaufe ^^
mim papi e tasse mit sim name druf und gfüllt mit praline

amne kolleg hani mal 2 kino guetschi gschenkt, woner mal mit sinre fründin en schöne obig mache chan :)
a einem hend ich und de fründ e grossi schachtle gnoh, gfüllt mit wc papier, sugus, denn hemer iwo en guetschi versteckt für es auto gschäft, will er gad 18ni worde isch und sich erschd gad es auto kauft het und no chli was het welle dra mache, also er het u freud gha :)
momoko

momoko +107

[user LemonGrass]

Du schänksch dinre muetter gäld?! Ohni scheiss jetzt?!

Aso ich ha mim mami mal en bsuech fürs phantom der oper gschenkt,mal gkochet für sie,minre sis hani en guetschiin für victoria secret bh's gschenkt aso es hend bes jetzt alli emmer freud gha :)
gelöschtes Mitglied

gelöscht

[user momoko] bei diesem Post:
[user LemonGrass]

Du schänksch dinre muetter gäld?! Ohni scheiss jetzt?!

Aso ich ha mim mami mal en bsuech fürs phantom der oper gschenkt,mal gkochet für sie,minre sis hani en guetschiin für victoria secret bh's gschenkt aso es hend bes jetzt alli emmer freud gha :)



ja wieso ned? sie het freud, wenn sie sich amigs selber was chaufe chan dermit :) es chleidigsstück odr so, dass sie ja vorher aprobiere mue, defür gangi denn mitre mit go poschte :D
nicktim

nicktim +35

so geburtstäg sind doch super zum dä scheiss zruggschänke wo mer selber zum geburi becho het :D
gelöschtes Mitglied

gelöscht

ich ha mim papi en guetschin fürs world of games gschänkt, hätt sich gfreut wienes chlises chind :D
gelöschtes Mitglied

gelöscht

[user DespisedIcon] bei diesem Post:
ich ha mim papi en guetschin fürs world of games gschänkt, hätt sich gfreut wienes chlises chind :D

geiiilll!
gelöschtes Mitglied

gelöscht

[user Reddox]

bechunnsch au mol eine, MIT roter schleife dasmol xD
gelöschtes Mitglied

gelöscht

[user DespisedIcon] bei diesem Post:
[user Reddox]

bechunnsch au mol eine, MIT roter schleife dasmol xD


und defür trinke mer zäme es gascho bier? :D
B0NNIE

B0NNIE +32

mim papi und sinere fründin es wucheänd uf paris. aber ned buechet well sie selber söle uswähle wenns gönd.

und jo, sie hend freud :)
gelöschtes Mitglied

gelöscht

i probiere meischtens öbis z schänke wo mer au wörkli cha bruche...
oft machis aber au sälber als keramik designere chani rasch mol e unikat tasse met name oder speziellem motiv entwickle oder söschtigi chlinigkeite met ergendwelche kombinatione...das chunt eigentli emmer u guet am :) ...
das johr schänki mim mam es sälber gmoldt beld wo si sech scho lang wünscht..wenni meh stötz gha hät wöri ihre glaub mol es welness weekend schänke...
mim papi hani en riiiiiise späckstei gschänkt woner sälber cha dra wörke... oder au scho speziells bier (1 meter bier)usem bier lade :) ..

aber i kenne ds isch ame rächt schwär...
i ha meischtens dörs johr 100 idee und denn wenns druf a chunt nöm so vell...jetzt schribi mer se ame uf :)
naninanaa

naninanaa +144

i brüchti unbedingt a gschenk für mini schwöster.. i wetti irgntwas originelles, aber i ha kei idea.. :ermm:
Sie macht gad a neui usbildig und den vrdiant sie numma wörkli viel, also weri eifach bargeld a option.. abr irgntwia isch mr das zu unoriginell :lol:
sie isch letscht september mitm fründ zemma zocha, aber fürd wohnig het se anscheinend scho alles..
a katz wür se wella, aber das well ihra fürnd ned. ^^
hettender sus no irgtnwelchi ideea?

ahjo, so bilder und so züg eher weniger.. i han ihra letschjohr scho a riesigi magnettafla und a polaroid kamera gschenkt.. :)
gelöschtes Mitglied

gelöscht

naninanaa
rubbellösli send je nochdem bargeld, nor weiss me ned wie vell (ond meistens machts spass).
chasch ere jo es chatz-plüschtier met es paar löösli ome hals schänke :D
gelöschtes Mitglied

gelöscht

salt du Chatz-Plüschtier
gelöschtes Mitglied

gelöscht

naninanaa wo goht si aume go poschte? wiu wesi ned viu verdient helftere evtl e gschenkcharte vom coop oder migi meh as ergend es riise gschenk? dezue chasch jo no ergendwas monzigs deko mässigs pöstele fr d wohnig.. ases ned so läär usgseht.
gelöschtes Mitglied

gelöscht

Es gschenk sedt zeige dassmer öpert kennt.
Das chan was chlises sie, vellecht au was grosses.
Aber am end muesses herzerwärmend sie wellmer sech berührt fühlt bide offebarig vom gschenk :^^:
gelöschtes Mitglied

gelöscht

Hans relativ eifach.. mim vater chaufi immer es Parfum nd mini mum het immer freud a Schoggi und Pflanze. Suscht.. e Schatzcharte (Tipp Cola über sPapjer und dSiite bitzli abrenne.. und mit wachs versiegle) zumne schöne Platz, Kerze anestelle und ahstosse.. Sege mi wett irgendwo hii, z.B. ga Grilliere odr so, aber naher in es guets Restaurant.. zMorge as Bett bringe. Oder wasi au immer guet find sind selbergmachti Guetschiin.. Oder e Fläsche Alk mit Gravur.. Es git so viel..
quisha

quisha +140

Ich bin ja nid so de Fan vo Sachgschenk.. Lieber öppis, womer zäme erlebt oder wo am Gegenüber was bringt.

De Brüeder het uf Geburtstag/Wiehnachte selbergmachti Guetschii becho. Am PC zwei Flugtickets bearbeitet, aso zB Abflugort ZRH, Zielort WDW (woduwillsch), dezue en Guetschii für glaub zwei Übernachtige mit Früehstück, die denn chli romantisch mit Schnörkelschrift plus na zwei chlini Visitekarte mit gelb/schwarz kariertem Rand als Taxiguetschii vo dihei bis an Flughafe und wieder zrugg. Will er scho lang gern mal es Wuchenend wür weg, eifach in e Stadt z Dütschland oder so, ihm aber sGeld nid langed.

D Muetter isch über ihre Geburtstag e Wuche id Ferie, weg de Hünd hani eh müesse Ferie mache und hanere denn i dere Ziit Chuchi und Stube umboue. Sie het absolut rein gar nüt gwüsst devo - de Blick isch unbezahlbar gsi, wo sie völlig selbstverständlich dKuchitüre ufgmacht het und imne ziemlich neue Ruum gstande isch. Es Foto vom Umbau hets bi mine Fotos.
Amne andere Geburtstag hani sie ufde Flugplatz gfahre, wo sie denn erfahre het, dass sie endlich darf go Tandemflüge.

Und au de Fründ muess dra glaube.. Eimal simmer eifach gmüetlich und sehr guet ga esse (gupf.ch - Wahnsinn) und später in Usgang. Bim zweite Mal denn chli früehner ufgstande, rasch in Tessin gfahre, ihn zVerzasca abem Staudamm gworfe, hei as Stadtfest und später na wiiter in Usgang. Umgekehrt macht ers glich, eimal simmer au nur go esse, eimal rasch in 22h mitem Auto uf Paris und wieder hei und für zwei Täg is Tessin.

Vo daher: Ich würd mit ihre würkli guet go esse, wos denn für zwei Persone mit Wii und Apero halt mal schnell paar Läppe chostet. Allefalls nachher no wiiters, weiss halt nid, was dini Schwöster so mag. Oder aber ebe en Usflug mitme unvergessliche Erlebnis, Bungeesprung oder suswas. Oder denn eifach irgendes schöns Chistli mit bruchbarem Züg, aso spezielli Nudle, Öl und so.. Viellich det denn na paar Lösli oder chlineri Guetschii ie - selberbachne Chueche, es Glas Wii bi dir dihei und und und.

Bi mine Usflüg und sustige Gschenk isch dÜberraschig aber eigentli amel sWichtigste.. De Fründ het fang uf Höchi Chur mitbecho, womer anegönd - eifach us dem Grund, willen susch ab sim ewige Gefrage susch bald mal ufem Pannestreife stah lah het. Ich mag das Überraschigmache halt eifach, wend lang im Voruus am Umeplane bisch und denn sGegeüber erfahrt, was mitem passiert :geilesiech:
Wir verwenden Cookies. Weitere Informationen zu unserer Verwendung von Cookies findest du in der Datenschutzerklärung. Mit der Nutzung von thats-me.ch erklärst du dich damit einverstanden.