Online Dating - Sinnlose Zeitverschwendung?

gelöschtes Mitglied

gelöscht

Guten Morgen

Ich habe aus Neugier in einem Selbstexperiment ausprobiert, was Online Dating angeht.
Was war mein Ziel?
Nun, ich wollte herausfinden ob Online Dating wirklich hilfreich dabei ist, einen Partner zu finden.
Was wurde getestet?
Ich habe Twoo, Badoo, Lovoo und Tinder getestet.

Ergebnis
- !Mit der Annahme, dass ich nicht sonderlich schlecht aussehe und auch nicht sonderlich gut - Durchschnitt halt! -

Die drei grossen - Twoo, Badoo und Lovoo (Zufall, das alle mit 2 o's enden?) haben alle das gleiche Ergebnis gebracht.
Online Dating bringt für Männer nichts. Für Frauen - Ja.
Warum?
Nun, diese Platformen funktionieren alle gleich. Mann meldet sich an, lädt Bilder hoch und dann geht man auf die Suche nach Frauen, die einen ansprechen. Was zählt? Allein das Aussehen.
Danach schaut man sich das Profil genauer an.

Was dann? Man schreibt eine Nachricht. Geht auf das Pofil oder die Bilder ein. Also keine stupiden "hey Baby" Nachrichten.
90% werden nicht beachtet. Die restlichen 10% der Frauen geben sich wenigstens die Mühe, dein Profil überhaupt mal anzuschauen.
Von diesen 10% jedoch anworten dir VIELLEICHT 5%.

Diese 5% stellen sich dann als vollkommen desinteressiert heraus. Warum? Weil genügend andere Typen schreiben.

Ich nehme an, das ist das Problem - Frauen werden überhäuft mit Nachrichten. Sie werden fast schon arrogant und verwöhnt.
Der Typ bleibt alleine, die Frauen verlieren den Überblick.

Was dazu kommt - man bekommt kein Feedback. Man steht da mit der Ablehnung alleine.
Selbstzweifel kommen auf - schrieb man die falsche Nachricht? Ist man einfach nicht attraktiv genug? Man weiss es nicht.

Am Ende steht man immernoch alleine da - jedoch mit weniger Selbstbewusstsein, als man am Anfang hatte.
-------------------------------------

Was dazu kommt - viele Frauen auf solchen Plattformen sind nicht angemeldet, weil sie eigentlich jemanden kennenlernen wollen, sondern einfach aus Langeweile. Sie wollen unterhalten werden und sich begehrt fühlen.

Rein aus Sicht der Frauen - lohnt es sich für den Mann? Nein.

-----------------------------------

Was denkt ihr darüber? Was sind eure Erfahrungen? Männer ?

Und Frauen, was denkt ihr darüber? Was kann Mann denn falsch machen? Und was richtig?
Quasssel

Quasssel +2751

So tragisch wies au tönt, ha mini fründin über badoo kenneglehrt. Glih mol anderthalb johr zäme. Und funktioniert.

Jetz bruchi badoo au nommeno zum längwili bim schaffe überbrücke xD
gelöschtes Mitglied

gelöscht

han min fründ au über badoo kenneglernt :ugly:
Malina

Malina +943

Ja guet me muess au säge (ohni öpper persönlich azgriffe) die manne wo dert druffe si viu maus uh strange sii oder uf schnäue sex us.

I bi mol au us neugier bi 2ne agmolde gsi und ha noch fasch jedem 2-3 briefli eidütigi agebot becho und i dänke das isch dr grund asme irgendwenn oh de kreative und luschtige nümm glaubt oder vertraut asis ärnscht meine. I hätt mi niemaus mit eim troffe oder schüsch öppis.. D'masse macht as eim aui verleide, oh die wo villech ärnschthaft sueche.

Und dezue chunnt du wirsch vode manne fasch bombadiert, ha pro tag mängisch 20 briefli drinne gha ude verlürsch dr überblick u es überforderet fasch. :lol:
gelöschtes Mitglied

gelöscht

also das badoo zügs isch scho recht überfordernd.. han eis, zwei kenneglernt wo me na easy chli schriibe hed chönne, allerdings isch de gröschti teil äfach recht niveaulos und macht eim das ganzi recht z verleide. Usserdem fangsch halt echt ah sehr oberflächlich werde, schribe eich gern na allne zrugg wo sich melde, willi finde das wer aständig, aber wenn dermasse bombardiert wirdsch loggsch dich äfach wieder uus ^^ isch mir uf jede fall so gange..

S best vo all däm findi na tinder, isch zwor recht oberflächlich, aber chan der au nöd jede vollpfoste schriibe und me sortiert scho e bizli uus..
gelöschtes Mitglied

gelöscht

JaneSkywalker

denn hani also recht mit de vermuetig das d fraue überfordered sind.

stimmi zue - tinder hani als letsts testet. und hans ezt na.
gelöschtes Mitglied

gelöscht

ich han mich uf friendscout24 agmäldet ka (mis mami het gseit hützutags lehrt meh doch lüt übers internet kenne und ich ha ihre welle bewiese das das ned eso isch :p emel ned uf sonere plattform)
Ich dänke scho das es us mah schwierieg isch uf sonere site vorallem wenn dus ernst meinsch well es git eifach viielzviel idiote wo eifach scheisse uselönd. ha vo eim jede zweiti tag es briefli miteme gedicht übercho und nachem 4mol het er sich afange wiederhole. Werum? Au wenn du denn seisch danke kei intressi, s gaht eifach witer. Oder de schriebsch mit eim und im 3te briefli chunnt "i wott di figge" hallo?? da muesch di scho frage und da schisst denn au ah, mich emel!

S git sicher au Fraue wo sich en spass drusmache so manne z verarsche und klar es gaht halt hauptsächlich ums usgsehe.Alles isch gschmacksach klar aber mein gott mehr cha ja trotzdem aständig bliebe.
gelöschtes Mitglied

gelöscht

hm.. ii kenne keini vo dene plattforme..
me wörd etz vo dim tescht no wonderneh öb grondsätzlech vom ufbou här.. aso wasd so hesch müesse/welle/chönne för ahgabe mache ond optione wod hesch gha.. die wod hesch teschtet doch aui öbe glich si..
gelöschtes Mitglied

gelöscht

kaffi

Friendscout hani nöd testet. de altersdurchschnit hed mi z hoch dunkt. au d poluarität in ch.
wasi nöd verstah bi dene type wo nur sex wend.. wieos meldet sichs nöd bi c-date usw ah? es git gnueg siitene wo nur für das gmacht sind. wos au fraue hed wo nur uf das us sind - z.b. vo friendscout - secret.ch
gelöschtes Mitglied

gelöscht

@DerMeister Ja, alsoo ebe cha nume für mich rede, aber wenni en viertel stund agmolde bin und scho ca. 50 gschribe hend denn hani iwie scho gar kä lust meh alles azluege.. und wenn denn na laufend primitivi sprüch chömed scho gar nid.. :lol:
sheyna

sheyna +4160

I finge uf so site isch me haut eifach outomatisch rächt oberflächlech. Aus maa schribsch ja sicher o vorauem die froue ah wo di o optisch aspräche oder? I schribe bi de meiste lüt wo sich chli müeh gäbe zrüg weni nid grad dr postigang vou ha^^ aber i luege zum bispiu ufs auter, unger 19 und über 30 geit garnid :unsure:
ha dä seich immerno (badoo) eifach aus zytvertrieb und wöui mit paarne scho lenger schribe aber mini natelnr nid wott gäh :ugly:
gelöschtes Mitglied

gelöscht

Ha gar nix vo all dem und au nüm s bedürfnis da uszprobiere xD
Denke wenn mer tm het langed da :lol:
Ha mi ma churz bi some ding agmeldet (kei ahnig meh welles) aber wenn de im erste satz scho was vo sex etc staht ischs mer echt z blöd na antwort z geh xD ha mi de schnell wieder glöscht gha :P
Instagram findi na super, chasch chli lüt us de umgebig kennelerne :bina:
Und findes super wenn mer zerst eifach ganz nurmal ines gspräch cha cho zum eifach ma merke ob mer die person überhaupt sympathisch findet :)
gelöschtes Mitglied

gelöscht

Früener uf mypix oder wies gheisse hät durchschlagendi Erfolg gha. Uf Netlog häts au eimal mitere Fründin klappet. Suscht...naja..
Badoo, Lovoo und das andere wär nüt für mich. Bi Badoo hani mi glaubs mal us Versehe aagmäldet vor Jahre, ken Blasse.

De Brüetsch isch uf Lovoo aagmäldet und hät genau das Problem. Er suecht eich nachere Frau, aber 3/4 lueged eich nu churz sis Profil aa und lönds dänn. Mit eire hätter denn mal was abgmacht, dasmer sich anere Dorfete trifft. Sie chunt au us dä Nöchi da, und ich ha sie vo dä ÖV kännt, er aber nid. Denn simmer beidi a de Dorfete gsi, sie go sueche, und sie isch denn mit irem Fründ am umemache gsi. Übel gloffe...und genau drum findi so Sache n Scheiss.
gelöschtes Mitglied

gelöscht

aso ich han mich us langwiili mal bi lovoo agmeldet.. nach öpe eim tag hanis wieder deinstalliert wills mer eifach z blöd gsi isch xD

eifach nur scho das oberflächliche dassd die scheiss bildli bewertisch (wo mer dezue ane nur öpe 10 % devo gfalle hend xD) und im allgemeine hani eigetli eh gar nöd so luscht gha öper kennezlerne.. und scho gar nöd so.
nicklassix

nicklassix +284

Naja, onlinedating isch wie en schlächt gfüerte zoo wo all i ein chäfig hocket. und all wennd de könig sie, übertrumpfet sich mit kommentär und kompliment und muskle und ach so schlaue zitat, etc. Bi fraue ischs d mängi ah stoff wo na uf de pics isch, im schöne winkel fötele dasmer ja au alli kurve gseht, immer chli vu obe abe für de usschnitt...

Onlinedating isch solang ok, wiemer sich nöd devo laht bewärte
gelöschtes Mitglied

gelöscht

tm langet da förig :lol:
s'het ou do diversi type wo nor s'einte wend.
gelöschtes Mitglied

gelöscht

Werum das Manne über Online-Plattform mache? Naja ziemlech simple.. me isch relativ anonym und me muen ke Eier ha zum wer direkt azspreche und stragische isch das oft mal eini druf igoht.. jedem das seine. Da mit de Rückmeldig und em Selbstwert-Gfüehl glaubi dr.. Aber wenn nach Rückmeldig suechsch denn sprich öpper im RL ahh.. det bechunnsch sicher eini.. I glaub mi wörds au recht schliife wenn nach 5min scho um die 20 Nachrichte hesch bzw. würd au sortiere wemi schriibe würd.. :upside:
gelöschtes Mitglied

gelöscht

piXels
Jop rl isch immeena am beste.
Brucht halt muet ubd uebig. Aber meh bechubt au es feedback.
deadmau5

deadmau5 +334

zum dis selbstexperiment z beende wür ich mich no als frau dete amelde. wer weiss, vilicht schribt der denn sogar no eine wod kennsch :rofl: ... luschtig wärs mal na :D
Schwengeltyp

Schwengeltyp +1192

Hesch relativ rechtig beobachtet, uf dene Plattforme send eher d Fraue as d Manne s problem. Wöl eifach zo 90% Attention-Whores sind ( Ufmerksamkeitsgeili-Fraue ) wo eifach wänd onterhalte ond bespasst wännd werde. Drom chamer auh keis normals gspröch füehre wöll absolut kei Feedback chont ond mer nor de unterhalter mues spele. Das het zor folge das type eifach emmer aggressiver kommuniziere om wenigstens die paar fraue abzbecho wo eifach en schnelli nomere wänd.

Relativ guet z beobachte esch de trend beh tinder gsih, da relativ neu. Has recht am afang gha ond wök vel sympathische fraue kenneglernt ond gschrebe, denn eschs halt bekannt worde ond all die kapute Fraue hend d app öberfluetet.
gelöschtes Mitglied

gelöscht

@sameagain bei diesem Post:
tm langet da förig :lol:
s'het ou do diversi type wo nor s'einte wend.

Das findsch ueberall. Und eigentlich isch es ja au noed verwerflich. Es isch eher dArt wo verwerflich isch.
Wir verwenden Cookies. Weitere Informationen zu unserer Verwendung von Cookies findest du in der Datenschutzerklärung. Mit der Nutzung von thats-me.ch erklärst du dich damit einverstanden.