Wie wichtig ist Geld?

gelöschtes Mitglied

gelöscht

Geld regiert die Welt.
Wer den ganzen Tag arbeitet, hat keine Zeit, Geld zu verdienen.
Mit Geld kann man sich viele Freunde kaufen, aber selten ist einer seinen Preis wert.

Geld ist für viele ein Hass und ein Segen zugleich, viele würden gerne darauf verzichten, trotzdem ist man darauf angewiesen.

Wie wichtig ist Geld eigentlich?

Würdet Ihr, ganz ehrlich, einen Partner/in verlassen wenn wesentlich weniger Geld vorhanden ist?

In welchem Rahmen ist es Unterstützung und ab wann Ausnützung?

Würdet Ihr eine Beziehung beenden, wenn die Familie druck ausübt?

Macht Geld glücklich?

Braucht man Geld um zu Leben? Wieviel braucht man eigentlich?

Belastet euch Geld, wie weit wirkt sich dies auf die Psyche aus?

Die ganze Welt dreht sich um Geld und jeder macht Erfahrungen damit. Ich denke da hat jeder seine Ansichten und Geschichten. Let's talk.
gelöschtes Mitglied

gelöscht

Geld selber macht net glücklech. abr s macht einiges eifacher.
gelöschtes Mitglied

gelöscht

Wie wichtig ist Geld eigentlich? Geld esch wechtig, aber ned s Wechtigste. Di wäsentleche Sache em Läbe chamer met Geld bekanntlech ned chaufe.

Würdet Ihr, ganz ehrlich, einen Partner/in verlassen wenn wesentlich weniger Geld vorhanden ist? Nei

In welchem Rahmen ist es unterstützung und ab wann ausnützung? Die Frog esch sehr allgemein ghalte. Wenn öpper Arbeitslosegeld bezieht, aber aktiv nacheme Job suecht ond au gwellt esch, öppis z mache - denn esches Onterstötzig. Onterstötzig esches z.B. au, me Kolleg mol z helfe wenner grad knapp be Kasse esch - aber de weiss mer, dass es retour chont, sobald möglech. Wenn's ned retour chont esches Usnötzig.

Würdet Ihr eine Beziehung beenden, wenn die Familie druck ausübt? Nei, osserd es wär e berächtigte Grond ond i mösst au selber igseh.

Macht Geld glücklich? Z vell Geld macht ebe so wenig glöcklech wie z wenig. Wemer nie muess schaffe, zom sech öppis chöne leiste, gseht mer de Wert vo de Sache nöm wörkli

Braucht man Geld um zu Leben? Wieviel braucht man eigentlich? I säge, i bruuche emmer so vell zom mini Rächnige problemlos chöne zahle ond mer näbebii gliich no öppis chönne leiste. I ha de gnue Geld, wenni all Rechnige zahlt ha ond trotzdem de Rest vom Monet ned nor vo Brot ond Wasser läbe bzw. zwöschedore mol cha go Reise oder mer em Usgang mol en Drink chan leiste.

Belastet euch Geld, wie weit wirkt sich dies auf die Psyche aus? s belastet mi, wenni z wenig ha - wenni offni Rächnige ha ond nocher mega muess luege, wieni das alles zahl. di ander Siite, z vell, hani besher nonie erläbt :lol:
gelöschtes Mitglied

gelöscht

t'wort vo Wu Tang Clan sind da passend:
Wu-Tang Clan - C.R.E.A.M.

Geld macht nöd glücklich, aber es macht einiges liechter. Säged vill, und isch für mich au so ;-)
E Partnerin muess für mich klar mit eigenem Cash chönne uf beide bei stah, und nöd us minere Täsche läbe (und demit meini nöd uswärts ässe usw. sondern Mieti, Versicherige, Auto etc.)

//edit: FatSkinnyBetch isi figg di.
gelöschtes Mitglied

gelöscht

Ich hasse eig s geld aber gliichzitig liebis au,geld esch e bitch sie chunnt und gaht.vorallem i de schwiiz gaht gar nix ohne kohle^^ ich säuber wör jitz nie ahand vom verdienscht mini partnerin uuswähle,das duet rein gar nüt zur sach. So ubd jetzt zmittag zahle,mit ,,Geld,, E Guete! :yes:
gelöschtes Mitglied

gelöscht

xnmax was hani etz widr gmacht?!
gelöschtes Mitglied

gelöscht

leider gottes isch geld wichtig zum läbe. ussert mer will spartanisch läbe, das gaht scho irgendwie.
shr00my

shr00my +1773

FatSkinnyBetch bei diesem Post:
xnmax was hani etz widr gmacht?!

Du bisch schneller gsi als er :D
gelöschtes Mitglied

gelöscht

shr00my bei diesem Post:

Du bisch schneller gsi als er :D

ich schwör, da passiert mer susch nie! das esch s erst ma! :chch:
gelöschtes Mitglied

gelöscht

Oh scheiss ufs geld. Ech han kollege, handle mit dene amigs bim vermieter und chan au so easy zahle. #foreverbroke

Nei. Ech find geld esch wichtig.
Ech bin eig emmer die wo am wenigste geld het (danke lehrlingslohn) und han bisher na kei kollege verlore dur das. Si wüsseds ja, gömmer halt ned jedes we go abstürze und is wellness, aber mal eis go zieh oder in park oder sus was.

Merkes am ehnste wenn ferie oder usflüg ahstönd und ech denn gnau mue luege was/wo/wie. Sus gahts eigentlech

Kollegin het sech letschti vo ehrem fründ trennt well er mit 26gi kei usbildig und kein job het und si sech ehri zuekunft ned so vorstellt. Chani au verstah. Aber 'nur' will min partner weniger verdient als ech würis ned beende, au wenn d familie ned zfriede esch.
Hoffe aber ases umgekehrt au so esch :lol:
gelöschtes Mitglied

gelöscht

Chan nid sege dass mr Geld nid wichtig isch. Es isch nid alles, aber wie es paar scho xeid hend: s machts eifacher. Wenni weiss dassi gnue Geld han zum normal lebe machi mer kä Gedanke drum, bin au nöd giizig und gibe gern bzw. spendiere s eint oder s andre wills mir au freud macht.
Kä Geld ha hingege isch scheisse. Hani gnue lang müesse und wenn mer eifach xehd dasses vore und hinde nöd langet zum Rechnige zahle und zum esse machts nümme würklich Spass ;-)

Ich denke inere Partnerschaft isches schwierig wenn zwei uf Duur xeh würklich sehr grossi Unterschied im Ikommen hend. De wo meh Geld hed fühlt sich mit grosser Wahrschiinlichkeit mal uusgnutzt oder halt zruggghalte wenn die ander Person sich nid s gliche chan leiste (Ferie, go esse goh, go iikaufe goh etc.).
Wenn öpper die Usbildig isch und die ander Person nid xehds au wieder Andersch uus. Aber eine inere sehr riiche Familie uufgwachse und de ander chan sich nix leiste - das gid früener oder spöter Krise.

Wegem Geld ellei würi sicher nie öpper verlah, s wered denn wohl eher unterschiedlichi Vorstellige.

Vo de Familie müessti zum Glück nüd z befürchte ha, so lang ich happy bin isches ihne egal wie die ander Person situiert isch.

Ich mags, mir gwüssi Sache chönne z leiste und nöd immer mega druff müesse z luege, aber nur willi weiss ich hans selber verdient :) Ich wür mich nöd finanziere lah vo öpertem.
gelöschtes Mitglied

gelöscht

Also .. ich wür niemals min Fründ verlah wenn er etz weniger hetti als ich.. jedoch isch MOnney en Bitch... chunnt endi moned .. und es verpisst sich widr wege mieti/Auto/Handy/versicherige/esse.. ab und zue frogi mi echt wiso ich ga schaffe gange.. /Wasi eifach sicher nöd wür welle das min Partner wenn er nix hetti vo minnre Täsche läbe wür... Aber ebe.. ohni Geld kei Ferie kei Wohnig keis Auto keis Esse.. Nüt...
gelöschtes Mitglied

gelöscht

Ganz ehrläch, je euter ig wirdä, je wichtiger isch mir z Gäut, eifach wöu ig gwüssi Vorstelligä ha, wiä ig speter mau wett läbä.
Weni mit 40i+ nid 10.000+ verdienä, isch us mire Sicht i mim Läbä öpis gwautig schief gangä. :P
Anja88

Anja88 +1120

Ich fende gäld werd je älter mer werd desto wechtiger. Grad wenn mer so dra dänke mag en Familie z grönde. logisch gohts im chend am beschte wenn mers behüetet ond liebt-absolut klar. Gäld esch ned s wechtigste, aber ich möcht eifach au die schöne Sache vom läbe wie reise, usflög, badi, Glace ässe, zoo etc. mim chend chönne ermögleche. ond das wird nor met gäld goh. Ond falls ich kei chend wird ha, denn möchti die Sache no vell usgeprägter met mim Partner chönne mache ond denn bruuchts no veeeeeell meh gäld :-D Deshalb eschs mer wechtig, dass au min frönd es gwösses finanziells polster hett.
gelöschtes Mitglied

gelöscht

Sie sind auf der suche nach finanzierung für entweder erhöhen ihre aktivitäten oder für die realisierung eines projekts , oder sie kaufen sich eine wohnung aber leider die bank wird sie verlegung hat der bedingungen, unter denen sie nicht in der lage. Ich bin eine privatperson, die gewährt darlehen von 1000 bis 500.000fr für alle personen in der lage erfüllung seiner übrigen ist der zinssatz von 3% pro jahr. entweder sie brauchen geld aus anderen gründen ; zögern sie nicht, mich zu kontaktieren, um mehr informationen zu erhalten. ;E
gelöschtes Mitglied

gelöscht

Unwichtig, aber da ich im system überlebe will usw, bruch ich geld jea. Daher ischs für mich nur es mittel zum zweck.

Best things in life are free!!!
ZeroLimits

ZeroLimits +881

Mit Geld kann man sich viele Freunde kaufen
Gseni anders - die womer sech chan chaufe send ke Fründe.

Und ja - Geld esch wechtig. Ich wott reise, wott emol es grosses Huus und mer nie müsse Sorge mache Ende Monat ke Stütz me ufem Konto zha. Es isch ned alles uf dere Welt - aber wechtig.
gelöschtes Mitglied

gelöscht

Macht Geld glücklich?

ha ämu no niä einä imnä porsche 911 gt3 rs xe grännä.



:ugly:
gelöschtes Mitglied

gelöscht

Die einzige, wo behauptet Geld seg nöd wichtig, sind Lüüt wo entweder z'vill devo hend, oder vom Mami und Papi duregfüeteret werded. Es isch villicht nöd wichtig, riich z'sii, aber es isch wichtig für de eigni Seelefriede und au für e Beziehig, dass mer nöd jede Rappe muess umdreie. All wo anders behauptet lüged.
gelöschtes Mitglied

gelöscht

Wie wichtig ist Geld eigentlich?
Überhaupt ned. Wenn ich kei meh han, hett de Papi sicher no. :sleep:

Würdet Ihr, ganz ehrlich, einen Partner/in verlassen wenn wesentlich weniger Geld vorhanden ist?
Schwierig zum beantworte. Aber wenns so wiit chunnt dases en Beziehig so dermasse belastete - denne ja.
Dänke aber dass andrs zu dem Ziitpunkt au scho muess derbe schief laufe.


In welchem Rahmen ist es Unterstützung und ab wann Ausnützung?
Wemmer gseht dass de Stutz für irgendwelche unnötige scheiss usgeh wird.

Würdet Ihr eine Beziehung beenden, wenn die Familie druck ausübt?
Mini Familie staht hinder mier und wür das nie welle!

Macht Geld glücklich?
Es beruhigt. Aber glücklich machts uf kein Fall.

Braucht man Geld um zu Leben? Wieviel braucht man eigentlich?
"Nur" zum überläbbe langed es paar Franke. Ich dänke mal "s'Existenzminimum" triffts ziemli guet. Chas aber ächt ned guet beurteile.


Belastet euch Geld, wie weit wirkt sich dies auf die Psyche aus?
Mich reut jede Rappe, woni für mich selber usgibe. Bin aber für Persone woni mag grosszügiger.

gelöschtes Mitglied

gelöscht

Benshy give me all ur moneeeeeeeeeyyy :bsoffe:
Wir verwenden Cookies. Weitere Informationen zu unserer Verwendung von Cookies findest du in der Datenschutzerklärung. Mit der Nutzung von thats-me.ch erklärst du dich damit einverstanden.