Schlafparalyse

gelöschtes Mitglied

gelöscht

Hey Leute
Vor ca. 4 Jahren machte ich ein ziemlich unangenehmes Erlebnis:
Ich machte (da ich in der Nacht arbeitete) einen Nachmittagsschlaf. Als ich auf einmal aufwachte, konnte ich nicht aufstehen oder mich bewegen, geschweige denn sprechen. Nach ein paar nachforschungen habe ich herausgefunden, dass es sich um eine Schlafparalyse handelt.
Bekommen kann man das durch verschiedene Ursachen. Bei mir war es psychischer Stress (hatte eine Horrochefin).
Ich musste dieses Erlebnis noch ca. 3x erleben, danach nie wieder- dank Umstellung der Ernährung und neuem Job.
Mich nimmt wunder, wer von euch auch dieses Erlebnis hatte und wie ihr euch dabei gefühlt habt?
Mir fiel zum Zeitpunkt des ''sich nicht bewegen können'' auf, dass ich das unangenehme Gefühl hatte, jeman steht da und beobachtet mich oder hat kontrolle über mich. Erklärt wird dieses Gefühl, weil das Gehirn eigentlich noch am schlafen ist, also überschneidet es sich mit unseren Träumen.
Ich bin gespannt...
Quasssel

Quasssel +2603

Hani au mol gha, vor paar johr. esch rächt unagnähm gse xD usser es bitzli prbiere summe hani ned viel chöne mache =) abr sitt denn hanis au nöm gha. Jetz woni wösst wases esch hätti glaub au kei problem me dermit
gelöschtes Mitglied

gelöscht

Jope. Das hani vor öppe 2 Jahr ide Ferie ufem Camping erläbbt. Bin verwached weli was ghört han bzw. hani denkt öpper isch im Vorzelt. Han aber dene schnell checkt dasi mi ned bewege chan und min Paniklevel isch rasant ufe. Weiss nümme wie lang dases gange isch, aber glaube so um die 2min. Vorcho ischs mer wiene ewigkeit.

Zum Glück sitt dene niemeh gha...
gelöschtes Mitglied

gelöscht

Benshy Ja genau so hanis au im Gfühl gha..wie e ewigkeit. Bisch ufem Rugge glege..?
gelöschtes Mitglied

gelöscht

Hani so mit 16/17ni regelmässig gha. Und bis vor paar Jahr no ab u zue mau. Isch recht unagnehm und i bi ner so i Panik cho dasi ha afo schreie bis ä Ton isch use cho u i drmit ner imr mini Ex gweckt ha :') Si het mi de ner aubes wach grüttlet bis mi Körper ou widr da isch gsi.

Wieso i das ha gha chani mr bis hüt nid erkläre. Ganz am afang bini no so naiv gsi u ha zgfiu gha mi Seele isch grad am Astralreise und eifach noni zrugg lel :ph34r: :lol:

gelöschtes Mitglied

gelöscht

Kenne Schlafparalyse nur im Zämehang mit Klarträum. Ha s Phänomen aber na nie gha. Söll aber em Klarträume zueträglich sii, ghört mer.
gelöschtes Mitglied

gelöscht

DeepestLove Jope, bin wie versteineret ufem rugge glegge, aber de chopf liecht schräg, ha welle umeluege aber das isch ja ebbe au ned gange...
gelöschtes Mitglied

gelöscht

Ikaros inwiefern sell das de klarträum zueträglich si? ich kenns nur im zämehang mit astralreise (out of body experience)

ich has selber auscho erläbt und es chan am afang würkli sehr unagnehm bezw. angstiflössend si.. aber mi chan d'paralyse au bewusst herbifüehre, indem mer während em ischlafe durch e spezielli meditation wach blibt.. es bilded sich denn zuenehmend en art spannigszuestand im körper wo sich mittels chribble und unfähigkeit sich zbewege üsseret.
unqLaubLich

unqLaubLich +2126

Ich ha das mal vor X Jahre einisch gha... ha denn aber im Nachhinein denkt, ich heg mir alles bur ibildet :nono: jetzt weissi demfall wases isch...

Wasi au scho gha ha, isch dassi schreiend verwached bin (und all mini mitmensche um mich ume denn au ^^) & völlig usser atem und verschwitzt und alles gsi bi... das isch au sehr gfürchig gsi :S
gelöschtes Mitglied

gelöscht

interessant was ehr so erlebt hend, vorallem dass es so vielne passiert..! uffällig isch, dass eusi seel empfindlicher isch als mer eus zuetraued... ich heddi nie denkt, dass mich mal en Mensch so fest stresse cha, dass min kopf eifach nümme fertig mit dem wird. und wegem rugge ligge: Benshy me hed usegfunde, dass d paralyse immer idere position usglöst wird, darum heds mi gad no wunder gno..!
gelöschtes Mitglied

gelöscht

Ikaros das isch sehr interessant.... mini sis hed sich mal im alter vo ca 13..14 bim trampolin springe de kopf so sehr ade knü agschlage, dass sie en Moment weg xi isch: nach ca. 1 woche hed sie eus verzellt, dass sie sich selber am bode ligge xe hed. das hed zwar nüt meh mit Kontrolle oder träume zdue, allerdings findis spannend, dass mer das tatsächlich cha !
gelöschtes Mitglied

gelöscht

DeepestLove da kenni. So esxhs mer im koma gange
gelöschtes Mitglied

gelöscht

vihreae oha das findi mega krass..! ich ha mer nachdem horror emmer denkt, dasse im koma so si muess..! zum duredreie.. wie bisch den weder erwacht? ich begriffe das mitm koma allgemein ned so..! isch das verglichbar medme schlaf?
gelöschtes Mitglied

gelöscht

DeepestLove aso i meine so we dini sis. Ned s andre
gelöschtes Mitglied

gelöscht

Hani na nöd gha

gelöschtes Mitglied

gelöscht

Hani vor ca 6 jahr mal gha.. Ha uu stress mit de abscjlussprüefige vu dr BM gha und da i sus scho problem ir schuel gha ha ischs natürli na heftiger mim druck gsi..

I weiss na ganz genau wes gsi isch.. De horror.. Has echt zum glück nur das eine mal det erlebt gha..hed glanget..

I bi we "wach gsi" und ha zur tür chenne luege bi abr ufm rugge glege.. Mi aber ned chenne bewege und wo i ha welle schreie ischs so gsi as weri gwürgt worde.. Wes du seisch..ha z gfühl gha as öpper ume isch aber hans ned gse..

Naja.. Ha mi de ubrhaupt ned demut bescheftigt wells mer z krass ihgfahre isch.. Lustig as i ez de thread lese und nach 6 jahr weiss was da passiert isch..
gelöschtes Mitglied

gelöscht

Mega krass hoffe han das nie :O aber müest das mal mim Mami verzelle die isch au scho schreiend ufgwachet.. :neee:
efendi

efendi +999

Nonie gha,i glaub de grund isch. Das mi körper nachere gwüsse stressstufe eifach seit fuck it und alles häreschmeisst, no praktisch.
gelöschtes Mitglied

gelöscht

Wo ech no deheime gwohnt ha, hani da sehr oft gha. Uh am afang woni allei gwohnt ha ou.

Be ame es bett uh de plötzlech beni "verwachet" uh ha s gfühl gha es hockt öber of mer obe uh wörgt mi. Ha welle om helf schreie uh s esch ned gange, ha mi ou ned chöne bewege. Uh d panik het sech de usbreitet. Ond de plötzlech verwachi de wörkii, schweissbadet uh voller panik. Ha de ame gar nöme gschlofe.

Die letschte 2-3 mou woni da gha ha, hani mer chöne wie irede dasi mer da nor ibelde uh dasi etz muess ufwache uh mi probiert sälber zwecke.

Be froh esch da nie me passiert, het mer ame scho rächt angst gmacht :(
gelöschtes Mitglied

gelöscht

Ich bin froh, dass ich das noch nie erleben musste. Ich glaube das wäre der Horror für mich. Gut, dass du es überwinden konntest und auch die Ursachen rausgefunden - und abgestellt hast.
gelöschtes Mitglied

gelöscht

ich han das regelmässig. chan de zuestand mitlerwile sogar bewusst abrüefe wenni ufem rugge lige. isch e bestimmti art vo Meditation und brucht nur wenigi Minute... s lustige isch... me isch wie glähmt und chan sich nöd bewege, me het s gfühl me wird beobachtet, me gseht umriss vo Sache und figure wos eigentli gar nöd gä setti. und ufe bestimmti art und wis machtsmer kei angst, obwohl ich weiss dases abnormal isch. wenn de zuestand sich erwitered hetmer s gfühl me hebt vom eigene körper us ab... (astralreise) creepy scheiss eigentlich. aber sobald de zuestand verbi isch gahts mer super und bin vo Energie nur so glade... trotzdem penni den grad i. nice to know, hä. tschüsszäme :D
Wir verwenden Cookies. Weitere Informationen zu unserer Verwendung von Cookies findest du in der Datenschutzerklärung. Mit der Nutzung von thats-me.ch erklärst du dich damit einverstanden.