Wand-Katzenmöbel

Lerocque

Lerocque +1270

Halo zusammen

Vor kurzem bin ich auf Katzenmöbel gestossen, welche man an der Wand oder der Decke befestigen kann. Ich finde diese extrem toll kombinierbar und sie upgraden jede Wohnung für Katzen:

eingefügtes Bild


eingefügtes Bild


eingefügtes Bild


Die Angebote, welche ich finden konnte, beschränken sich auf extrem überteuerte Möbel, wie z.B. hier: goldtatze.ch

Kennt jemand einen Shop wo man solche Möbel zu anständigen Preisen findet und habt ihr bereits Erfahrung damit?

PS: Selber machen kommt leider nicht in Frage, ohne das jemand bei meinem "handwerklichen Geschick" zu Schaden kommt.

Cheers

Welches Haustier hast du?

Stimme enthalten
gelöschtes Mitglied

gelöscht

i finde das nidmau so tür. schliesslich wirds ir schwiz vertribe, d'idee bzw. d'konstruktion isch vo dere bude, es steckt sehr wahrschinlech handarbeit drhinger und d mwst isch inkl.
und es gseht zimlich robust us, auso chame au erwarte as das züg mehreri johr hebt (+5 jahr gwährleistig sicher). anschinend chasch mit ihne au gad säuber öppis konstruiere. auso nüt 0815 :D
würd drum nid am fausche ort spare. wär blöd wenn öppis biuiger nimmsch nur wüu ufe pris luegsch und när ischs de aber nach 2-3 mönet kaputt vor chatz wüus eifach nid geeignets material gsi isch oder mitnem büuig chläber kläbt worde isch. ha leider keni erfahrige mit so wandmöbu aber ha d'erfahrig mitnem büuig-chatzebaum gmacht ;) vüu glück no uf dr suechi wenn no witer luegsch :)
Lerocque

Lerocque +1270

basicxx

Also ohni wele knauserig werke, aber 350.- för es Stück bearbeitets Holz metemne Chorb dene fendi den doch echli vell, ob i de Schwiiz produziert oder ned. Wenn das tatsächlech nur vo dere Firma produziert wird den esch de Priis wohl uf Grund vo de Monopolstellig eso aber weg dem ned weniger tüür :) Ech meine die Sache werded ad Wand/Telli boohrt/gschrubet vo dem här haltet das Material de easy mol s Gwicht vonere ned allzu fette Chatz us. Susch stelli mini Frog um und sueche noch Schriner wo mer sowas för weniger Cash chönd mache :D
efendi

efendi +1392

gseht luschtig us fürne chatz, aber bisch sichr dass das ir wohnig wotsch? i finge sgeht übelst ugly us :O
Lerocque

Lerocque +1270

efendi
So hohi Sache fended mini Chatzene scho zemli geil, de chönd si ere Usbeldig zu Ninja-Ech-Attackier-Alles-Vo-Obe-Chatze witerfüehre. Übelscht ugly fendis ned aber hät au lieber dünklers Holz.
Dingo

Dingo +932

spötestens wen chatzehoor i dinnre suppe findsch merksch es isch es schlechti idee gsi...
Lerocque

Lerocque +1270

dingo
Glaubmer, wenn e Chatz hesch stellt sech d Frog ned wo das Hoor send, well d Antwort esch dänkbar eifach: ÖBERALL!
Dingo

Dingo +932

Lerocque drum hani kai. nai saich bi efiach allergisch geg chatzehoore.
gelöschtes Mitglied

gelöscht

so cat walks si scho lässig, cooli klättermöglichkeite odr schlofplätzli ...
ire mietwohnig, würi biz ufpasse, wennd x löcher id wand bohrsch, d vermieter hei da nid so freud dran u chönnt zu dim nochteil wärde, wennd mal usziehsch :lol:

günstig chunnts, we sowas säubr machsch. weme säubr ke werkstatt oder zumindest s richtige werkwerkzüg drzue hesch, chasch di nachme FabLab i dire nöchi umeluege, cat-walk aleitige findsch e huufe im WWW :upside:
evtl. chasch o bire schrinerei nohfroge u dr es agebot mache loh.. vilicht chunnts günstiger (odr o nid), chunnt haut druf ah, was gnau wottsch ^^

sösch het zooplus paar sache, wo chli günstiger isch.
oder o profeline-katzenshop.de/kratzmoebel-catwalk catwalk-kratzbaeume.de/info/alleteile%20.htm
gelöschtes Mitglied

gelöscht

xehd no spannend uus, mueni nöcher untersueche... mini hetted wohl en riese freud drah :lol:
gelöschtes Mitglied

gelöscht

Me chennt ja au eifach e chratzbaum usenand ne und der ufe tue ad decki oder ad wand... Selfmade ..

Aber naja i bevorzugs eher bodeständig wett ke löcher ide decki..
gelöschtes Mitglied

gelöscht

Sonen chranke Scheiss. Warschinli leisch dire Chatz für dä Winter au na en Puli und Söckli aa...
gelöschtes Mitglied

gelöscht

Aso mini Büsi chöne veruse ond det chönes uf de Böim omechlättere. Ond ide Wohnog händs ei Chatzebaum ond sösch mini Möbel :rofl:
sheyna

sheyna +4164

m.ikea.com/ch/de/catalog/functional/10364/10398/
Auso mi vater het für ds büsi ganz normali tablar ufghänkt, eifach unger de fänster damits chli cha ufd strass useluege. Weiss iz nid ob usem ikea, aber o dert wirds geigneti ha ;) klar, gseht nid ganz so luxuriös us, aber es erfüut dr zwäck. Und so chratzböim/ufstiegsmüglechkeite si zimlech eifach zum säuber mache, das schaffsch sogar du ;)
gelöschtes Mitglied

gelöscht

gang mal uf amazon det findsch au ähnlichs ebs de vode qualität besser isch weissi nid
hm, also tür sind die produkt nöd. handelsüblichi pris für de schwizer markt. grad für chatze wet mer ja eigentlich öpis langfristigs (10 jahr und meh), da söti qualität vode mechanisch beaspruchig sowie de ästhethik durchus stimme was so en pris au bekömmlich mache söti.
und suscht machsch halt selber eis. ich denke es paar bretter schnide und zemenagle schafft au jede untalentiert handwerker (halt eifach polsterti handschue alege. :-P)
han als chind mit mim vater en chatzeturm baut und det staht hüt na im wohnzimmer und wird benutzt.

so gsteller für ad wand oder decki sind echt toll fürd katz - für bsitzer isches fraglich. zum eine wegem abstaube etc und zum andere het mer es grössers problem je nachdem wo mers montiert, wen katz dete isch und mer si wet hole (tierarzt, veruse tue etc.)

eingefügtes Bild
Quelle: ecdn.funzypics.com




Lerocque

Lerocque +1270

ROIBER bei diesem Post:
Sonen chranke Scheiss. Warschinli leisch dire Chatz für dä Winter au na en Puli und Söckli aa...


Nä-ä
Penal4

Penal4 +3

Hallo,

ich habe deine Frage gelesen und ich mochte gerne meine Meinung dazu sagen weil, ich hoffe, dass ich die mit meiner Antwort weiterhelfen kann. Deine Frage hat mich an meine Erfahrung mit der Kletterwand erinnert. Vor kurzer zeit habe ich auch online nach diesen Sachen gesucht. Und ich habe einen gute online Shop für Kletterwand gefunden. Ich habe eine katzentreppe balkon bestellt. Aber ich habe auch so etwas für die Wand gesehen und meine nächste Investition wird sicher das sein. Diese Seite kann ich dir nur herzlich weiterempfehlen, weil ich mit ihren Diensten sehr zufrieden bin. Ich hoffe, dass ich dir ein bisschen geholfen haben.

Viel gluck und liebe grüße.

// link vom moderator entfernt
Wir verwenden Cookies. Weitere Informationen zu unserer Verwendung von Cookies findest du in der Datenschutzerklärung. Mit der Nutzung von thats-me.ch erklärst du dich damit einverstanden.