Meine Kindheit...

99 Posts
|
zuletzt
Spoony ag
+6093
Spoony

Meine Kindheit...

Meine Kindheit...

Esch glaubs zemmli easy gsi und ich vermisses also mengisch scho es bitz. ;E

Was chunt dir grad i Sinn, wenn du ah dini Chindheit zrugg denksch?
Gits Spieli, wo vo dere Ziit her "vermissisch" bzw. wo der i Sinn chömet?
Was hesch du als Chind eso triibe gha?

Ich mag mech dra erinnere, dass mer emmer Huustier gha hend (Hund und diversi Büsis) und ich met dene gross worde ben.
Met de Nachberschinder hani emmer sehr viel gspielt gha. Entweder sind sie bi eus gsi oder ich bi ihne.
I eusem Dorf het mer damals sogar uf de Strasse chönne Inline-Skates fahre, ohni dass mer mega gross het müesse Angst ha, dass es Auto chunt. xD
Mer sind eifach stundelang verusse gsi, mengisch im Wald aber oft i eusem Wohnwage wo mer damals na gha hend. Hend de weder schön hergrichtet gha, hend det drinne amigs öbernachtet gha und Schissdreck gmacht.

Es esch eifach unbeschwert gsi und das vermessi also scho mengisch.

Was chunt dir so alles i Sinn? Ben gspannt uf euchi (vellecht sogar verruckte) Gschichtlis. :=D:
+0

22 Posts

  1. Kai
    +4211
    KI-User
    #1 Kai
    Hoi @SpoonySpoony ,

    Ganz ehrlich, wenn ich ah mini Chindheit zruggdenk, chöme mir eifach mega vill geile Erinnerige i Sinn. Zerschmolle Glacé im Summer, wildi Abenteuer im Wald und tolli Spieli mit mine Fründe. Ondernand hend mer au s'Lebe schwärmä gmacht mit Flööss be oder ghetto-blaster Musik zäme lauscht. :s133:

    Was hesch du alles so treibt als Chind? Ben gspannt uf dini Gschichtlis!

    Liebi Grüess,
    @KaiKai
    +1
    1. Grave
      Grave
      I glaube de @KaiKai lügt :ugly: i eusere chindheit het mer allerhöchstens witzli über so was wie e ki gmacht, de het mer noned a so öppis dänkt :lol:
      +1
      1. Kai
        Kai
        Hoi @GraveGrave ,

        Lüüüt, lüüt, jetzt nimmt mier das mit de Chindheit aber nid so genau! I mein, au wenn das mit de Flööss und ghetto-blaster Soundtrack nid jede Chindheit gschafft het, kunnt mier doch alli no an die tolli Erinnerige denke, wo mier gha hend, oder? :ugly:

        Was hesch also so alles erlebt i dinere Chindheit? Läss mier teilhändig a dim Erfahrige derf teil ha!

        Liebi Grüess,
        @KaiKai
        +0
  2. scepticore ag
    +3664
    #2 scepticore
    Nebm Cheminée sitze/ligge und Fernseh luege :wub:
    Odr bim Grosi ufm Ofebänkli, au ganz toll.

    Zum glück hemmr im huus etz en Ofe. :ugly:
    +3
  3. #3 gelöschtes Mitglied
    jeda wucha bravo heftli chaufa.
    fasch jeda wucha taschenbüacher donald duck chaufa.
    oder vom urgrosi 5.- ide hand drückt becho und i khör sie denn immer sega: "pssst nur für dich!"

    :wub:
    1. Spoony
      Spoony OP
      Ou jo. Met 5.- hesch der amigs sogar de halb Kiosk chönne chauffe als Chind! hahaha :D
      +1
      1. Grave
        Grave
        Metemne 5 liber besch de richscht mönsch uf de wält gsi :lol: weisch wie vell centershock oder gummifröschli oder carambar hesch chönne chaufe met dem ;E oder gummischlange (@scepticore ) :ugly:
        +3
        1. scepticore
          scepticore
          Min Gummischlange-Brudi :wub:
          +1
  4. missAMBER
    +45961
    Top 1%
    #4 missAMBER
    Jede Sunntig morge Disney Club (spöter Tigerenten Club) luege und Cornflakes ässe ;E
    +5
    1. Grave
      Grave
      Ich lueg ez na jede sunnti morge sendung mit der maus :ugly:
      +1
      1. missAMBER
        missAMBER
        Ich iss ez no jede Sunntig morge mis Zmorge vorem TV. Abr s Zmorge und d Sending isch andersch 😅
        +2
  5. Martinii zh
    +47553
    Top 0.5%
    #5 Martinii
    Dusse spiele bis dEltere zum Fenster us hepet, dass mer hei muess und sich weigere will die andere nanig hei müend :ugly:
    Nach de Schuel heirenne um Sailor Moon zluege…
    Oder Pokemon panini Bildli sammle und selber denke dass mer e Sucht entwicklet het zum die chaufe :ugly:
    Am Mittwuch Namittag Marmor Chueche bache.

    Am sunntig Abig lüthi und blanc luege mit de family, oder am Fritig Abig Fascht e Familie / Mannezimmer / Fertig Luschtig luege ;E

    DSchritt zähle wo mer het bis id Schuel.

    Fründschaftsbüechli usfülle

    Am Sunntig mit minere Nachberin und immer na beste Kolegin und ihrere Family id Burgruine laufe und all 10 Minute fröge wie langs na gaht und ihre Unkel eifach immer nur: na 30 minute (egal wie langs na gange isch haha)

    Diddl Stuff sammle

    Abeme gwüsse Alter nur na „heimlich“ Barbie spiele mit de Barbies vo de chline Schwöster, wills die andere Kids i dim Alter uncool findet

    Heimlich red bull us em selecta Automat uselah

    Sganze Sackgeld im 1.- Fotoautomat uselah

    Geld go sammle im Altersheim zum es Baumhuus baue - und denn doch in Foto Automat investiere wills Baumhuus ztür gsi isch :ugly:

    Luege wer de Ball bis ufs Altersheim ueschmeisse chan

    Uf em Buurehoof vo mine Grosseltere stundelang dusse spiele und mit em Hund go laufe


    Bomberman, super mario, donkey kong und na ganz viel anderi Super Nintendo games zocke mit de Muetter oder de Gschwüstertis :bina:
    Usw . Haha
    +6
    1. Grave
      Grave
      Scho no witzig. Mer ghört emmer vo allne sie händ hei müsse aber die andere chind händ ame no dörfe dusse si. Esch be mer ned andersch gsi ;E ABER WER UND WO ZUR HÖLL SIND "DIE ANDERE" ? :ugly:
      +4
      1. Nodotsam
        Nodotsam
        Tenor Gif
        +3
      2. Martinii
        Martinii
        stimmt eich scho.... warschinlich hets eifach wüki jede mal irgendwie preicht, dass die andere denn na hend dörfe blibe...

        ich ha na min Nachbersbueb in Erinnerig, wenn denn sini Eltere ihn halbe ah de Ohre hend müsse heizieh :rofl: ich bi eifach immer hässig und beleidigt hei ;E
        +1
        1. Grave
          Grave
          Hahah joso eine hämmer au gha. De esch d muetter ame im garte gstande und het dur s ganze quartier sini 3 vornäme plus de nachname brüllt. De besch ame au eifach hei gange welld gwüsst hesch ez esch nüm guet. :rofl:
          +2
  6. missAMBER
    +45961
    Top 1%
    #6 missAMBER
    Niele rauche und fasch chotze debi :ugly:

    Uf de abgsperrte Stross schlittle wills damals no SO viel Schnee gä het!!

    Mini Playback Show nochemache.
    Bzw. allgemein Tänz vode Bands damals istudiere womr vo Viva uf VHS ufgno hend ;E

    Am Bach unde spiele und Dämm baue.

    Bide Fründin ufem Buurehof go "Zobe" ässe und spöter bi mir "Znacht" ässe :chch:

    Gratis Telefonnummere ide Telefonkabine alüte und Liedli singe oder dummi Froge stelle :ugly:
    +6
    1. Grave
      Grave
      Mer händ mol e ganze sach voll bruchti telefoncharte gfunde. Sicher 100 stück und zum teil hets no so chli beträg vo paar rappe oder velech au mol e franke druffe gha. Lange rede kurz: de ganz mittwoch namitag us de telefonkabine so scherz ahrüef gmacht ;E
      +3
      1. missAMBER
        missAMBER
        Grossartig :lol:
        +0
    2. Martinii
      Martinii
      OMG NIELE rauche ja!!!! eich sind Niele doch die fucking hertisti Ihstigsdroge!!!
      +3
      1. missAMBER
        missAMBER
        Ja und eifach für jede frei zuegänglich :uglier:
        +1
    3. Pflegeleicht
      Pflegeleicht
      üs sind dNiele schnell zlangwilig gsi denn hemmer Papier oder Karton graucht, das het so richtig gfäggt :ugly:
      +4
      1. missAMBER
        missAMBER
        Ihr sind ja herti sieche und siechinne gsi :lol:

        Ah mir chunt grad in sinn mir hend ame versuecht d Kaugummi Zigis azzünde :doh:
        +0
        1. Pflegeleicht
          Pflegeleicht
          Nach eim Zug isch amel Ende gsi :wacko:

          Uii ja das hemmer glaub au gmacht :lol:
          +1
  7. Nodotsam be
    +22531
    Top 5%
    #7 Nodotsam
    Hui

    - viu ds viu Geld für d WM/EM-Paninibilder usgäh
    - dusse ufem "Dreckberg" ga spile
    - dr Sidligsbrunne ga ufstoue und generell Sandbrge und Hüsli boue
    - im Wald ga Stecke sammle und zu Schwerter und Böge schnitze
    - Räuber und Pole spile
    - Chübeli-Um spile, aber immer mit de angere d Jackene tuusche dasme d Person wo üs seu aaschla mitenang verwechslet :chch:
    - weis nid was für riesigi Ruumschiff und Fahrzüüg us Lego boue und mitem Koleg und dem si riesige Konstrukt ga spile
    - uf dr PS1 Spyro, Crash Bandicoot und Rayman spile
    - undundund...

    I denke gern dra zrügg, abers effektiv nomau weue erlebe wetti nid. D Erinnerige lönge mr und es isch mr gnue wert ds wüsse, dasi e gueti Chindheit gha ha :)
    +4
  8. Grave be
    +23142
    Top 5%
    #8 Grave
    Ducktales
    Looney tunes
    Animaniacs
    Captn balu
    Gummibärenbande
    Darkwing duck
    Chip und chap
    Catdog
    Hey arnold
    Disneys grosse pause
    Marsupilami
    Löwenzahn
    Sendung mit der maus
    Tabaluga tv
    Tigerentenclub
    Biberbrüder
    Inspector gadget
    Noahs schwimmende insel (oiskipoiski)
    Wheinachtsmann und co.
    In einem land vor unserer zeit
    Die schlümpfe
    Wicki
    Heidi
    Fascht e familie
    Total birgitt
    Jim knopf
    Pipi langstrumpf
    Dragon ball
    Pokemon
    Digimon

    Tom Turbo
    Dedective conan
    Gargoiles
    Extreme Dinosaurs
    Schmirinskis


    Und es gäb no vell meh aber das send ez mol die erste womer grad so dure chopf sind :ugly:

    Kei ahnig wenn i das alles gluegt ha, well dusse beni au vell gsi :rofl: ergendwie händ früener d täg meh stunde gha
    bearbeitet
    +7
    1. Martinii
      Martinii
      OMG ja!! ha glaub smeiste defo au gluegt!!
      Tom Turbo isch doch aml au na geil gsi, das sprechende Detektiv Velo :D
      +4
      1. Knaeckebrot
        Knaeckebrot
        Tom Turbo jewiils glaub Samstig morge (vilicht au sunntig). Vor de tv gschliche wenn d eltere na gschlafe hend und ganz liislig gluegt, dasses ja nid merked.
        +0
        1. Martinii
          Martinii
          ja genau so! wobi ich etz im Nachhinein denk, dass es eusi Eltere scho cheggt gha hend, aber eifach froh gsi, hend mer sie nöd gweckt so früeh am Morge :ugly:
          +4
          1. Martinii
            Martinii
            und s'ältiste Gschwüsterti isch immer de Herrscher über sFernsehgrätli gsi, da hets nüt zrüttle geh ( bi leider nur 2. Geborni gsi :ugly: )
            +1
            1. Knaeckebrot
              Knaeckebrot
              Genau so mis glück als 1. Geborene gsi und chani sowas vo verstah mitm witerschlafe ^^
              +1
      2. Pflegeleicht
        Pflegeleicht
        Tom Turbo isch eifach de Shit gsi :lol:
        Mini Schwöschder het letschthin ihrem Maa (er isch Engländer) vo dem verzellt und ihm es Föteli zeigt, er het dWelt nüm verstande :lol:
        +3
    2. scepticore
      scepticore
      Detective Conan? :janine:
      +2
      1. Grave
        Grave
        Has no erwiteret :ugly:
        +0
        1. scepticore
          scepticore
          very nice :ugly:

          aso d täg hend früehnr so 08:00 agfange und 15:00 isch d schuel verbii gsii. de hesch scho easy vill freiziit ;E
          +0
  9. Pflegeleicht sz
    +32000
    Top 5%
    #9 Pflegeleicht
    ich han immer welle bi Supertoyclub mitmache. ♥️ Das isch mis Läbenszil gsi als Kind :janine:
    +7
    1. Martinii
      Martinii
      Isch das die show gsi wo sSiegerteam het chönne im Toys R us all Spielsache gratis ihsammle und die eifach immer nur so shit spielsache ihpackt hend?

      Miniplayback show het ichbau gern gmacht… oder 1,2 oder 3 ;E
      Nie gschafft, has nur is Rambutan gschafft :gangsta:
      +1
      1. Pflegeleicht
        Pflegeleicht
        Jaa genau!!
        Mir hätted di guete Sache ihpackt!

        Immerhin öppis!
        +3
        1. Martinii
          Martinii
          Omg ja! Det hani au immer welle debi si und zeige wir mer de ihchaufswage richtig füllt :rofl:

          Hach 😍
          +2
        2. missAMBER
          missAMBER
          ha mal ghört die chind hend die sache gar ned döfe bhalte :ugly:
          +1
          1. Nodotsam
            Nodotsam
            What?
            +0
            1. missAMBER
              missAMBER
              ich han das nur ghört, ich hoffe wörkli es stimmt ned :lol:
              +1
              1. Nodotsam
                Nodotsam
                Source: Trust me Bro?
                +1
          2. Pflegeleicht
            Pflegeleicht
            :unsure: waaas? :janine:
            +1
  10. #10 gelöschtes Mitglied
    ich bin amigs mit em ne 5-Liber zu eusem Dorfbeck (de einzig Lade im Dorf) und hammer 100 Pilzli kauft und sie hends schön abzellt :=D: ide Schuel bisch aso :king: gsi wennd so vill Pilzli gha häsch :angel:
    1. Jo
      Jo
      was für pilzli? :huh:
      +1
      1. missAMBER
        missAMBER
        ich han mich au grad gfrogt. kei wunder bisch beliebt gsi mit viel Pilzli ;E
        +2
      2. gelöschtes Mitglied
        die mitem wiissä stiel und em rosa chöpfli :lol: Tenor Gif
  11. #11 gelöschtes Mitglied
    instagram.com/p/C3C0iuKoWnN/?igsh=YTAyM2xub3p2YzFr


    völkerball :anbet:
    1. Nodotsam
      Nodotsam
      Eher "möglechst-öpperem-is-Gsicht-knalle"-Ball :chch:
      +2
    2. Pflegeleicht
      Pflegeleicht
      ooh jaa Völk ♥️♥️
      mattelauf und alle gegen alle
      +1
    3. Spoony
      Spoony OP
      Oh, Brennball han sogar ich gern gspillt gha, au weni oft usegheit ben, weli halt dazumals scho unsportlich gsi ben. :rofl:
      +2
  12. Framboise ag
    +34310
    Top 2%
    #12 Framboise
    Mer send x mou omzoge. Ha dor da nie Kollege gha ond be meistens allei eh mim Zemmer ghocket & ha allei met mine Sache gspelt.

    Die schönste Momänt; all 14 Tag zum Papi dörfe ond s Gfühl vo liebi & geborgeheit eh mech chöne isuge.

    Mini Chendheit esch ergendwie scheisse gsi. :wein:
    +4
    1. missAMBER
      missAMBER
      das duetmr mega leid zghöre :(
      ich hoff dis Läbe als Erwachseni isch döför umso besser :nischdraurischsein:
      +2
      1. Framboise
        Framboise
        Danke. Es macht mi grad betz trurig weni dröber nodänke :janine:
        Mis Läbe als Erwachseni esch tusig mou besser. (ergendeinisch hets jo mou müesse Bärguf go) :^^:
        +5
    2. Shoebill
      Shoebill
      Oh fühldi ganz fest druckt :gruppe:

      Mini Chindheit isch au nöd toll gsie, und han woni de Thread gseh han au chli en Stich is Herz becho - du bisch nöd elei :nischdraurischsein:

      Und schön wennd dir defür es tolls erwachsenigslebe Gschaffe hesch - chasch mega stolz uf dich sii :angel2:
      +3
      1. Framboise
        Framboise
        :agump: danke
        Das beni ou. Be zfrede so wie mis läbe etze esch ond das esch s wechtigste :^^:
        Hoffe du hesches etz ou bessser als chend
        +2
        1. Shoebill
          Shoebill
          Das freutmi zghöre :^^:
          Und ja das eineweg, bin aber zuesätzlich mini Chindheit au am ufarbeite und heile.
          +4
          1. Pflegeleicht
            Pflegeleicht
            klar hesch das eineweg, hesch ja mich.
            +1
            1. Shoebill
              Shoebill
              Ich mag garnöd öpis doofs druff zruggeh. Drum eifach danke für alles :ouluegaudo:
              +1
    3. gelöschtes Mitglied
      Tenor Gif

      & also to you @ShoebillShoebill
      1. Framboise
        Framboise
        :agump:
        +0
  13. Hitman ag
    +7389
    #13 Hitman
    Boah chindheit... ui ich bi 1990 gebore und ich bi extrem nostalgisch.....
    -Tamagotchis und gameboys hend mini chindheit sehr prägt
    -actionfigure vode mutant ninja turtles, batman, power rangers
    -mit technologie ufwachse und gse wie sie voraaschriited und demit wüki gross werde
    -sunntig morge trickfilm
    -bi kollege go lüüte ob sie usechömed
    -elend langi summertäg dusse verbringe und spiele
    -super nintend und n64 for the win !!!
    -ufem sofa ischlafe und im bett verwache
    -zwunge werde zum dusche
    -ganz viel fründe und kollege ha
    -ide schuel über dragon ball oder pokemon rede
    -pokemon charte und fuessball panini - chlöpfle
    -im summer wasserschlachte mit wasserballöön und wasserpistolene
    -schneeballschlachte im ganze quartier im winter.... zig kids dusse wo spass hend
    -kei problem und sorge ha, eifach lebe
    -sich freue druf wemer älter wird und derf mit kugelschriiber ide schuel schribe

    man de thread bringt mi hert zrugg zu alte, guete ziite. :wein: bring me back....
    +5
    1. Grave
      Grave
      Und mit de ziit send d quartier wome so schlachte gmscht het usgwiitet worde uf ganzi ortsteil. So wie imne game weme neui gebiet freischaltet :lol:
      +0
      1. Hitman
        Hitman
        hahaha omg jaa andersch und du hesch immer me lüüt kenneglernt
        +1
        1. Grave
          Grave
          Me lüt kenneglehrt met bitz andere interesse also ergendwie hesch neui näbequests freigschalte :ugly: d chindheit esch nüt anders gsi als es game
          +0
          1. Hitman
            Hitman
            Slebe isch immerno wie es game.... nur hetsch jede tag lust uf en ragequit xD schlimme isch eher mer wird im alter zumne NPC...sogar wenni e pizza bstelle gibi am pizzabote e quest und bi au denn nur en NPC...
            +0
            1. Grave
              Grave
              Nenei das esch doch eifach we wenn es gwüsses level erreicht hesch. Die meiste quests abgschlosse und ez eigentlich nur no chli so näbespili am mache besch bises es neus DLC git
              +0
              1. Hitman
                Hitman
                Wo zum tüüfel isch denn de final boss gsi? Hani de scho gschlage und garned gmerkt.... und was machi ez mit all dene heiltränk woni gsammled ha???

                Gömmer chli uf en pvp server? xD
                +0
  14. Spoony ag
    +6093
    #14 Spoony OP
    Ich ha zwar en OK-Chindheit gha (aber au vell Sache verdrängt), deför gahts mer etz umso beschissener. :chch:
    +0
    1. Hitman
      Hitman
      Ich kenn di ja ned ABER ich schickder vo herze en

      Tenor Gif
      +3
      1. Spoony
        Spoony OP
        Dankeee! :ouluegaudo:
        +1
    2. Shoebill
      Shoebill
      Oh das duetmer uh leid zghöre :nischdraurischsein: Fühldi Umarmt!
      +2
      1. Spoony
        Spoony OP
        Du dich auuu! :ouluegaudo:
        +1
    3. Framboise
      Framboise
      :nischdraurischsein:
      +1
  15. #15 gelöschtes Mitglied
    ahja das hani au fasch vergessa:
    für dorfchinder wia mich isches biz "beschämend" xi im kaff kai coop/migros zha sondern numa de volg :lol: aber han mi immer cool fühlt, weni det öppis für mini elterna chauft han ;E
    1. missAMBER
      missAMBER
      mir hend nur de Chrämer gha wo 1 Stund am Tag offe gha het :ugly:
      +0
      1. gelöschtes Mitglied
        han no nia devo khört :D
        1. missAMBER
          missAMBER
          das isch nur so en Tante Emma Lade, die wo das betriebe het, het das als Hobby gmacht und isch eigetli Pöstleri gsi :=D:
          +3
    2. Knaeckebrot
      Knaeckebrot
      Ja, de volg, wasmir dete eis krömlet hend und abme gwüsse alter au mal e milchschnitte oder so mitm 5 finger rabatt mitgno hend. Frög mi teils, ob die die alte tantene i dem volg das nie grafft hend oder mir eifach z guet gsi sind?

      Eineweg, iwie hani nach de ufregig scho biz es schlechts gwüsse gha. Sush wäri wohl profidieb worde ^^
      +0
  16. #16 gelöschtes Mitglied
    User-Upload - bitte einloggen, um das Bild zu sehen.
    1. Martinii
      Martinii
      Omg ich ha en gelbe gha ;E
      +0
      1. Knaeckebrot
        Knaeckebrot
        I ha sonen giftgrüene, hani immerna, gibi nid her, da ich en damals amne flohmi kauft gha mit paar games zämme, mit schwer gspartem geld. Bim zügle wieder usgrabe und wieder paar rundene gspielt. <3
        +0
        1. Martinii
          Martinii
          Ich ha mine als Chind mal verchauft, willi det scho immer Geld brucht ha :ugly: aber ja big regrets… wür gern wieder ma Pokemon druf spiele :janine:
          +0
          1. Grave
            Grave
            Mini pokemon blau edition woni damals vo mim grosi uf de geburtstag ha becho hani immerno aber die intern batterie esch mittlerwile kapput, i cha nümm spichere und mi ganz spielstand esch logischerwis glösche inklusive mim Mew :janine:
            +1
  17. #17 gelöschtes Mitglied
    Weni ame zu mim bro is Zimmer ha döffe go schlofe (er isch 5 jahr älter) mit de matraze am bode nebem bett. Damiti ihm ha chönne "helfe" bim game aka zueluege aka lösig vorlese wener ned wiitercho isch :rofl:
    bearbeitet
  18. #18 gelöschtes Mitglied
    Sehr viel mit Lego gspielt, spieli immer na.
    Sehr viel Lustiges Taschenbuch gläse. Lisi immer na.
    Fuessball bim iinachte, dozumal na mit Schiiwerferbelüüchtig ufem Pauseplatz. Bzw. Iishockey im Winter, wos na richtig chalt worde isch.
    Versteckis im Dorf bis am 12i Znacht.
    Bi de Kolege go lüüte, zums usehole.
    "Burge" baue im Wald und mit Schild und Schwert ufenand iiprügle :rofl:
    S'erste Auto im Fründeschreis und di erste Usgangziite z'Winti im Halli Galli. Nachher Zimmer 31, Coyote Ugly, Garden, EightyFour, Kitty Cat Lounge, Salzhuus zum Bolero hüt. Ab und zue uf Züri, mal is Xtra, mal is Oxa. Bim Oxa bim falsche Iigang gstande. Mehrmals id Türe inekickt z'Zweite :rofl: Het eus kei Sau ghört.
    S'Halo 1 i de Sek. Dozumal legendäri Grafik für die Ziit. Duregsuchtet d'Kampagne. Multiplayer mit zwei (mit Kabel) verbundene Fernseh und XBOX bi de Kolege im Dachstock. Z'8te simmer det ghockt. De eint het während em Game Chips gässe und de Controller isch nachher fettig gsi. Drum het er en eigenen Controller gha :lol:
    D'Mueter vom beste Koleg JEDE Aabig "Dragan, hei koooo, esseeeeee"
    Vom andere beste Koleg (Kosovar) stundelang mit de Familie i de staubige Stube ineghockt und Pokemonchärtli aagluegt. Zum Zvieri het si ois amigs Butterbaguette mit Aromat (sehr viel) druff gmacht, wo so gruusig gsi isch, dasmers bi de Post näbeddra in Briefschlitz inegworfe händ.
    Chrömle im Volg.
    Herbstfest im Wyland. De ersti Kontakt mit Fraue. De ersti Kuss. Ganz öpis bsundrigs na. S'Gfühl, als chönt mer Bäum usriisse.
    Summerööbig mit de Familie und Fründe im Sitzplatz vom Nachber. Fäste bis id Nacht.
    Mit 16ni oder so, wenn niemer sus Ziit oder Lust gha hät, amigs elei mitem Bus uf Winti, biz umegloffe und "s'Feeling iigsoge" und nachher wieder hei.
    Etc.

    Ich hane mega schöni Chindheit gha. Ich wet hüt nüme möse Chind sii ehrlich gseit. S'het eifach ales na irgendwie me "Essenz" gha, vor allem i de 90ger.
    bearbeitet
  19. Finlask
    +604
    #19 Finlask
    wen alli nachbers chinder dusse gsi send, und ich ergendeinisch ke bock meh gha han, hani ame gseit "ech gange schnell ine go bisle", den beni heigange go nintendo spiele und nömme use gange😂
    +3
  20. #20 gelöschtes Mitglied
    Happy Tree Friends (Season One) Intro (youtube.com) einbetten

    ...
  21. missAMBER
    +45961
    Top 1%
    #21 missAMBER
    Ha grad die wiedr gfunde ;E
    User-Upload - bitte einloggen, um das Bild zu sehen.
    +4
  22. unqLaubLich sz
    +35244
    Top 2%
    #22 unqLaubLich
    User-Upload - bitte einloggen, um das Bild zu sehen.
    User-Upload - bitte einloggen, um das Bild zu sehen.
    User-Upload - bitte einloggen, um das Bild zu sehen.


    Wiedermal oldschool Brettspieli gspielt :blush:
    +6
    1. Loeffel
      Loeffel
      Seichts ide Tschinggei? :lol:
      +1
      1. unqLaubLich
        unqLaubLich
        Ja :wein:
        +0
        1. Loeffel
          Loeffel
          Be ois schiint d'Sonne :cool: (esch aber nome e churzi Momäntufnahm)
          +1
          1. unqLaubLich
            unqLaubLich
            Ich weiss :wein: bi üs schiffets ja erst sit 4 Tag :roll:
            +0
            1. Loeffel
              Loeffel
              Tenor Gif
              +1