Mittel gegen Schlaflosigkeit

Hey Kai, hoffentlich hesch no kei Schöfli Zwätschgelikör gheit. 🍸 Aber i cha dir empfehle, en Dusche mit Lavendel-Bodywash z'mache und denn es guets Buech z'lääse. Oder probier es mal mit e molli Decki und es Hörspiu, da wird's SCHWILIG grad z'biege! 📚😴 Viel Glück! 🍀

Am beste hilft immerno alti globi kassettli lose

Mittel Nr. 1



Spass beiseite. Interessant! Bi mir isch s Problem mit em dureschlafe.

Aso luut Studie söt für en gsunde Schlaf öppe 8h gä sii (wobi sich ja e ali widerspräched), plus set mer direkt vor em schlafe ga ev. s'Handy e halb Stund wäglege und de Tag Revue passiere la, bzw. sich mit sich selber is Reine bringe...



Je me Melatonin-Usschüttig, desto besser.

Falls es sich länger hiiziet, aso über 6 Mönet und chronisch wird, würi ev. mal da ane:

zurzachcare.ch/klinik-fuer-schlafmedizin-bad-zurzach

Die sind offebar zimli guet. Chasch ei Nacht mit Sensore schlafe, denn weissmer scho dütli me.

@efendi Bisch de nid müed oder zviu Gedanke?

Oh hey, ich han scho siteme Wiili Insomnia wo mal stärcher und mal schwächer isch.

Ich schlof eigetli selte ohni Hörbuech ih, wobi luut Therapeutin das eifach au nur en Nuggi für Erwachseni isch
Was mir uf all Fäll hilft isch es Obe Ritual, ich trink jede Obe vorem Schlofe go en Tee.
So weiss mis Hirn scho mol, dass es richtig Bett goht. Sit churzem schrib ich Tagebuech, zum s Geschehene vom Tag chöne z Ornde, susch passiert das noher automatisch mittels Gedankekreise. Das hilft mir mega feschd. Au sit churzem für mich entdeckt, hani s "kognitive mischle". Ich ha vo verschiedene Arte vode Awendig gläse. Ich machs so dass ich anes random Objekt dänke, mir das bildlich vorstelle und denn anes nögschds Objekt, wo nüt mit dem vorherige ztue het, dänke. Also z.B. Öpfel, Pfanne, Schiff, Leopard, Tastatur – me chunt sich vielich chli doof vor aber jenu, solangs hilft

Wenni so ganz und gar ned cha ischlofe, stohni au eifach uf und mach irgendöppis, chli ufrume, wösch zämelegge, büsi wecke
Eifach ned dra umestudiere, dass du ez jo eigetli schlofe söllsch und in XX Stunde wieder ufstoh muesch. Da isch kontraproduktiv.

Ich han eich praktisch nie Problem mit Ischlafe - eher dasi scho zfrüeh ufem Sofa wegnicke

Was mir generell hilft isch Podcast lose. Ich hans nöd gern so Still um mich und deht chani en Timer istelle (bi mir langed 15 Minute ide Regel guet, suschd stellis nomol ih).
Wenni ma garnöd schlafe chan welli so nervös und ufkratz bin versuechi eifach zliegge. Teilwies bini amel glich no am Handy (was wohl nöd mega gsund isch) und versueche eifach chli im liegge usruebe.

Ich würd aber mal versueche usezfinde, was dich wachbhaltet? Gedankekarusell?
Oft helfed au Ritual, glichi Schlafensziite, wenig Inputs ide ledschde 30 Minute...

Progressivi Muskelentspannig söll helfe, falls der das was seit

Und erst is Bett gah, wenn mer würkli müed isch.

Und (ich kriegs aber selber nöd ane) Routine seg u wichtig. Immer zur gliche Ziit is Bett & au ufstah

Routine. Routine. Routine.

S gliche ritual vorm schlofe. Zb gsicht wäsche, zähsn putze. 10min lese, is bett. Und zwor jede Abe und ned nochli handy töggele und dieses jenes mache. So signalisiersch am körper das sellsch schlofe.
Dunkel im Zimmer, wenn dunkel = meh melatonin = schlafhormon.

Schlafhygiene = sbett isch nur zum schlafe da. Ned für zlese, ned für no am handy töggele, ned für umelungere. Au hie. S hirni vernetzts mit schlofe.

Jede tag zur gliche ziit is bett (säg ich als schichtarbeitendi hehehehhe).
Und ebe zb hörspiel lose. Oder musig. Ich Cha zb ned musig lose, weli de foh fo singe oder gedanke schweife. Ich lose hörbüecher und zwor immer s gliche well sus isch de d gschicht no z interessant usw.

Und wenn ds alles ned nützt: baldrian, lavendel - schlaf bzw beruhigend.
Und melatonin spray/Tablette whatever. Gids aber glaub I de schwiiz ned.

Ah und btw mach ke cardio vorm schlofe. Ds putscht uf.

Für meh tipps, frage Sie ned mich. Well schixhtarbeit = schlafstörige inkl.

CBD tröpfli chönged schiins au hälfä.

Erstunt, dass das no niemerd gseit hät: Atemüebige 4-7-8 methode: uf 4 sekunde lang ischnufe, 7 sekunde hebe, 8 sekunde usschnufe

Was anderi scho brocht hend mit de muskelentspannig sött au nöd schlecht si: z.b. How to Fall Asleep in 2 Minutes (Military Technique) (youtube.com) einbetten

git diverses wo mer empfohle worde isch. schlussendlich chani im moment bitz besser schlafe dank meds und e stund go laufe, dusche, ihcreme und mengmal weni lustig bin PMR

empfohle worde isch mer (hilft eu vllt)
- hörbuech
- white noises
- brown noises
- regegrüüsch
- to do liste füre negschte tag mache
- tag ufschriibe
- spannigsboge (laht au de tag im revue passiere)
- e stund vorem schlafe kei nikotin
- e stund vorem schlafe kei handy
- stosslüfte
- herzschlag bis 8 zelle, en name mit A, herzschlag bis 8, en name mit B,etc
- was lauwarms trinke (tee, wasser)
- progressivi muskelrelaxation (einzelni körperteil (no meh) ahspanne, und bewusst entspanne

Konkrete Hörtip: Einschlafen mit Wikipedia: open.spotify.com/show/1y08HOfXxqOG5xjxiZX6Hu?si=nS-5Fn5ZSC-s76R9CbMaKA

Cha abr sii, wens thema zu spannend isch, dasmer den nid will ihschlafe und zuelost.

Mir hilft sport am abig. Abr zwüsche sport endi und schlaf muss scho namal min. 1-2h sii, sush bini no zu wach.

Meditiere im bett hetmer au oft gholfe, aso im ligge. Ideckt und bi den teilwiis eifach weggnickt und ha d üebig gar nüm fertig gmacht. Ha defür oft Headspace brucht gha.

Sush eich was die andere scho gseit hend, dunkel, handy weg, (bini nid so guet drin), gnueg chüel im zimmer.

Wenns mal gar nid gaht fangi iwas ah lese irnhoffnig dasi wegnicke debi. Klappt mal besser mal schlechter.

Öfters müeh wie früener tönt zwar extrem, aber au die paar Mal wos im Quartal vorchond esch wahrschienlich meh als früener.

I sertigne Momente grif ich zom Melantoninspray.
Isch vellecht ned jedermanns sache, aber mer hilfts und es isch amigs nome för ei, zwei Öbe ond denne klappets weder wie normal.

Wichtig isch, bevor ich is Bett gohne Bildschirmziit reduziere.
Grad Smartphones (Insta-Scrolling, Whatsapp-Chats) hani gmerkt sind recht en dynamischi Aktivität för mech, wo s'Hirni heiss lauft.