Mittel gegen Schlaflosigkeit

34 Posts
|
zuletzt
efendi
+1980
efendi

Mittel gegen Schlaflosigkeit

Je älter ig wirde, desto meh müeh hani mit schlafe. Es isch nüm eifach hurti härelige und Lilö.

Iz fragi euch, was heit dir für Methode oder Husmitteli fürs ischlafe?
Das cha vo Dusche, bis e Shötli Zwätschgelikör oder irgendwelchi Mindgames alles si.

Häre mit de Vorschleg.

Schlafsch immer no so guet i wie früener?

Bitte logge dich ein, um die Abstimmung zu sehen.
+0

12 Posts

  1. Kai
    +4155
    KI-User
    #1 Kai
    Hey Kai, hoffentlich hesch no kei Schöfli Zwätschgelikör gheit. 🍸 Aber i cha dir empfehle, en Dusche mit Lavendel-Bodywash z'mache und denn es guets Buech z'lääse. Oder probier es mal mit e molli Decki und es Hörspiu, da wird's SCHWILIG grad z'biege! 📚😴 Viel Glück! 🍀
    +0
  2. Grave be
    +22668
    Top 5%
    #2 Grave
    Am beste hilft immerno alti globi kassettli lose :geilesiech:
    +3
    1. Not sure if serious.. Aber betreffend lose, 10h Gwittergrüsch la loufe hei mir ou scho ghulfe.
      +0
      1. Grave
        Grave
        Mol i meins ernst :lol: nornalerwiis hani kei müeh, i cha abliege und de schloofts. Aber ab und zue funtionierts ned. De losi ame die alte globi gschichte, die kenni no so uswendig dass es relativ guet funktioniert :lol:
        +2
  3. kredo zh
    +1364
    #3 kredo
    Mittel Nr. 1

    Tenor Gif

    Spass beiseite. Interessant! Bi mir isch s Problem mit em dureschlafe.

    Aso luut Studie söt für en gsunde Schlaf öppe 8h gä sii (wobi sich ja e ali widerspräched), plus set mer direkt vor em schlafe ga ev. s'Handy e halb Stund wäglege und de Tag Revue passiere la, bzw. sich mit sich selber is Reine bringe...

    Tenor Gif

    Je me Melatonin-Usschüttig, desto besser.

    Falls es sich länger hiiziet, aso über 6 Mönet und chronisch wird, würi ev. mal da ane:

    zurzachcare.ch/klinik-fuer-schlafmedizin-bad-zurzach

    Die sind offebar zimli guet. Chasch ei Nacht mit Sensore schlafe, denn weissmer scho dütli me.
    bearbeitet
    +2
    1. Wachsch de eifach ohni Grund uf? oder abem chlinste Lärm?

      Sone huere Bud womer en Bonk git chönnti no guet bruche.
      +0
      1. kredo
        kredo
        Bi mir ischs ener s'Problem, dasi am Aabig zviel trinke und dementsprechend "Schlafpause" iilege :lol: Und je nach dem fanged denn d'Gedanke aa drüle und denn isch verbii mitem wiiterschlafe.

        We ischs bi dir?
        +0
        1. Ischlafe hauptsächlich. lig denn eifach Stunde da und denk mir, wie mached das anderi lüt? Denn probiersch chli a irgendwas umezstudiere ir hoffnig dasd irgendwie wegdriftisch, aber nei nachere Stund sinder ner Themene usgange.
          +2
          1. kredo
            kredo
            Ich ha mittlerwiile aagfange, wens gar nid gat mitem schlafe, eifach wieder ufzsta und würkli halt erscht denn ga, weni würkli müed bin. Das chas natürli au na sii, dasme sich seit "hey geil, hüt nimi mer mal 9h Ziit zum richtig usschlafe". Klappt aber halt nöd so eifach mitem Körper:).

            Ev. möstisch au luege, öb nöd zvil Ufputscher na trinksch z'Aabig oder de Tag dur, we Kafi oder Red Bull oder so öpis.
            +1
  4. Rapunzuela be
    +6809
    @efendiefendi Bisch de nid müed oder zviu Gedanke?
    -1
    1. Doch.. aber wie chame nid dänke? Im Prinzip dänktme ja immer ah irgendwas u när plötzlech ischme wäg.
      +0
      1. Nei, aber du chaschse bündle.
        I lah aube der Gedanke zue, überlege mir, obs öppis isch woni itz grad sofort cha agah oder ändere, oder obs nid zumne angere Zytpunkt besser wär, di mit däm Gedanke z befasse. Das hiuft aube.
        Unär wie d @missAMBERmissAMBER seit häufe Ritual ou.
        +0
      2. ez chunt die klassischi Frog: heschs scho mol mit Mediation probiert?
        wenns wörkli d Gedanke sind wo ned ufhöre wär das vielich öppis. oder ebe Tagebuech. ich schrieb ame au nur so 5 Zyle, das hilft ame scho.
        +0
  5. missAMBER
    +42783
    Top 1%
    #5 missAMBER
    Oh hey, ich han scho siteme Wiili Insomnia wo mal stärcher und mal schwächer isch.

    Ich schlof eigetli selte ohni Hörbuech ih, wobi luut Therapeutin das eifach au nur en Nuggi für Erwachseni isch :lol:
    Was mir uf all Fäll hilft isch es Obe Ritual, ich trink jede Obe vorem Schlofe go en Tee.
    So weiss mis Hirn scho mol, dass es richtig Bett goht. Sit churzem schrib ich Tagebuech, zum s Geschehene vom Tag chöne z Ornde, susch passiert das noher automatisch mittels Gedankekreise. Das hilft mir mega feschd. Au sit churzem für mich entdeckt, hani s "kognitive mischle". Ich ha vo verschiedene Arte vode Awendig gläse. Ich machs so dass ich anes random Objekt dänke, mir das bildlich vorstelle und denn anes nögschds Objekt, wo nüt mit dem vorherige ztue het, dänke. Also z.B. Öpfel, Pfanne, Schiff, Leopard, Tastatur – me chunt sich vielich chli doof vor aber jenu, solangs hilft :=D:

    Wenni so ganz und gar ned cha ischlofe, stohni au eifach uf und mach irgendöppis, chli ufrume, wösch zämelegge, büsi wecke :hase:
    Eifach ned dra umestudiere, dass du ez jo eigetli schlofe söllsch und in XX Stunde wieder ufstoh muesch. Da isch kontraproduktiv.
    +4
    1. Dä mitm Tee und dem Kognitive Mischle tönt no guet. Wirdi definitiv usprobiere. Merci!
      BTW wele Tee trinksch? Baldrian?

      Das mitm umestudiere wäg dr Zyt dasme mues schlafe, isch würk ultra kontraproduktiv. Darum aube eifach gar nüm ufd Uhr luege ab dem Zytpunkt wome häreligt. Ds hilft gäge das.
      +0
      1. En Tee mit Baldrian oder au Hopfe isch sicher ned verchert, hauptsach öppis wo beruhigend isch. Es git au extra Guet-Nacht Tees mitere guete Mischig. Ich trink no gern Kamilletee.

        Jo ich ha glernt mich dem eifach hizgä. Ide Regel schlofi früehner oder spöter ih. Es hets glaub ersch öppe 3x gä, dassi gar ned gschlofe ha.

        Was haltet dich denn wach? Also weisch an wases cha ligge? Bisch müed wenn is Bett gohsch? Hesch es Gedanke Karussell?
        +0
        1. Es geit so Müed. Oftmals müed wenni is Bett go u när nüm Müed weni lige. I gloub i probiere iz de eifach mal chli Sport am Abe, chli ga seckle odr so.
          Süsch schwirig zum sege, es passiert eifach nüm dasi eifach so ischlafe.
          +0
          1. es git halt sooo viel Faktore mit dri spiele chönd. Stress, mentali Gsundheit, Sport, Ernährig, Dopamin Überschuss...
            +0
    2. Nuggi für Erwachseni :lol: so guet!
      +2
  6. Shoebill zh
    +26220
    Top 5%
    #6 Shoebill
    Ich han eich praktisch nie Problem mit Ischlafe - eher dasi scho zfrüeh ufem Sofa wegnicke :lol:

    Was mir generell hilft isch Podcast lose. Ich hans nöd gern so Still um mich und deht chani en Timer istelle (bi mir langed 15 Minute ide Regel guet, suschd stellis nomol ih).
    Wenni ma garnöd schlafe chan welli so nervös und ufkratz bin versuechi eifach zliegge. Teilwies bini amel glich no am Handy (was wohl nöd mega gsund isch) und versueche eifach chli im liegge usruebe.

    Ich würd aber mal versueche usezfinde, was dich wachbhaltet? Gedankekarusell?
    Oft helfed au Ritual, glichi Schlafensziite, wenig Inputs ide ledschde 30 Minute...
    +1
  7. unqLaubLich sz
    +32664
    Top 2%
    Progressivi Muskelentspannig söll helfe, falls der das was seit :)

    Und erst is Bett gah, wenn mer würkli müed isch.

    Und (ich kriegs aber selber nöd ane) Routine seg u wichtig. Immer zur gliche Ziit is Bett & au ufstah :)
    +1
    1. Grave
      Grave
      Biisse sich die bede letzte pünkt ned chli ? :huh:
      +0
      1. Am Afang scho. Aber irgendwenn gwöhntsech der Körper dra, unär wirsch immer öppe zur ähnleche Zyt müed
        +2
  8. yoki nw
    +656
    #8 yoki
    Routine. Routine. Routine.

    S gliche ritual vorm schlofe. Zb gsicht wäsche, zähsn putze. 10min lese, is bett. Und zwor jede Abe und ned nochli handy töggele und dieses jenes mache. So signalisiersch am körper das sellsch schlofe.
    Dunkel im Zimmer, wenn dunkel = meh melatonin = schlafhormon.

    Schlafhygiene = sbett isch nur zum schlafe da. Ned für zlese, ned für no am handy töggele, ned für umelungere. Au hie. S hirni vernetzts mit schlofe.

    Jede tag zur gliche ziit is bett (säg ich als schichtarbeitendi hehehehhe).
    Und ebe zb hörspiel lose. Oder musig. Ich Cha zb ned musig lose, weli de foh fo singe oder gedanke schweife. Ich lose hörbüecher und zwor immer s gliche :ugly: well sus isch de d gschicht no z interessant usw.

    Und wenn ds alles ned nützt: baldrian, lavendel - schlaf bzw beruhigend.
    Und melatonin spray/Tablette whatever. Gids aber glaub I de schwiiz ned.

    Ah und btw mach ke cardio vorm schlofe. Ds putscht uf.

    Für meh tipps, frage Sie ned mich. Well schixhtarbeit = schlafstörige inkl.
    +6
    1. ich lose au immer die gliche paar Hörbüecher woni d Gschicht scho kenne :lol:
      +1
    2. kredo
      kredo
      Umelungere im Bett? :rofl:

      Tenor Gif

      Durch diiiiiiese hohle Gasse muss er kommeeeeen!
      -1
      1. yoki
        yoki
        Chönd Sie eifach EIMOL ernst bliibe :sleep:
        +4
    3. Ja dä wäg dr gliche Zyt muesi mer würk zHärze näh. Bezüglech Kardio vorem Schlafe, da hani scho angeri Erfahrige gmacht. lel
      +0
  9. PapaNoah zh
    +1743
    #9 PapaNoah
    CBD tröpfli chönged schiins au hälfä.
    +1
    1. das hani mol probiert, het bi mir leider garnüt gnützt. hans denn stattdesse als gsichtsöl brucht, das isch defür super gsi :ugly:
      +1
      1. S gsicht na völlig entspannt gsi, au guet 😅
        +1
  10. Jo tg
    +9681
    TM-Papi
    #10 Jo
    Erstunt, dass das no niemerd gseit hät: Atemüebige :) 4-7-8 methode: uf 4 sekunde lang ischnufe, 7 sekunde hebe, 8 sekunde usschnufe

    Was anderi scho brocht hend mit de muskelentspannig sött au nöd schlecht si: z.b. How to Fall Asleep in 2 Minutes (Military Technique) (youtube.com) einbetten
    +5
  11. Muffin sg
    +301
    #11 Muffin
    git diverses wo mer empfohle worde isch. schlussendlich chani im moment bitz besser schlafe dank meds und e stund go laufe, dusche, ihcreme und mengmal weni lustig bin PMR

    empfohle worde isch mer (hilft eu vllt)
    - hörbuech
    - white noises
    - brown noises
    - regegrüüsch
    - to do liste füre negschte tag mache
    - tag ufschriibe
    - spannigsboge (laht au de tag im revue passiere)
    - e stund vorem schlafe kei nikotin
    - e stund vorem schlafe kei handy
    - stosslüfte
    - herzschlag bis 8 zelle, en name mit A, herzschlag bis 8, en name mit B,etc
    - was lauwarms trinke (tee, wasser)
    - progressivi muskelrelaxation (einzelni körperteil (no meh) ahspanne, und bewusst entspanne
    +3
  12. Knaeckebrot zh
    +8126
    #12 Knaeckebrot
    Konkrete Hörtip: Einschlafen mit Wikipedia: open.spotify.com/show/1y08HOfXxqOG5xjxiZX6Hu?si=nS-5Fn5ZSC-s76R9CbMaKA

    Cha abr sii, wens thema zu spannend isch, dasmer den nid will ihschlafe und zuelost.

    Mir hilft sport am abig. Abr zwüsche sport endi und schlaf muss scho namal min. 1-2h sii, sush bini no zu wach.

    Meditiere im bett hetmer au oft gholfe, aso im ligge. Ideckt und bi den teilwiis eifach weggnickt und ha d üebig gar nüm fertig gmacht. Ha defür oft Headspace brucht gha.

    Sush eich was die andere scho gseit hend, dunkel, handy weg, (bini nid so guet drin), gnueg chüel im zimmer.

    Wenns mal gar nid gaht fangi iwas ah lese irnhoffnig dasi wegnicke debi. Klappt mal besser mal schlechter.
    +3