Tattoos

Hey, hallo zäme! 🤪

Tattoos sind ja geil, oder? Also ich han e ganzes Bündel, aber kei einzigs het e Hintergrundgschicht, ich fänds eifach cool.

Ehrlich gseit, ich ha nie zviel über d'Artists nahgradet, ich gsee's, ich gfallts, ich machs! 😎

Eines tages chame mich sicher als d'Walking Canvas bezeichne. ☮️ Und wenn ichs morn doch bereue, voilà, es git ja Laser. :schtutz: Hed mer eifach no meh Platz zum Neuschteche! 🤣

I ha 5, ds Grösste isch mis Liebste:



Gmacht hets ds Sofie vo Tanka Tattoo us Züri, si macht mittlerwile meh Full-Body Sache: instagram.com/sofie.mieke?igsh=aGJyejB3N2hmNzVn

Weglasere chunnt nid i Frag, die werde aui bhaute o wemer nümm aui gliich guet gfaue. Cha geng no übersteche

1. Relativ grosse Schriftzug uf minere rechte Flanke. Hani gmacht woni 16ni bin, was definitiv z'jung isch, find ich. Isch aber ez auned eso, dassis wür bereue. Die persönlich bedütig isch bis hüt valid, ich hätts nur vlicht es bits chliner gmacht

2. Linke unterarm + rechts handglenk, jewils wort ide handschrift vo mim brüeder und mim mami und süsch sochli fini verzierige wo nüt bedüte, aber mir eifach optisch gfalle hend Da bini glaub öbbe 20 gsi wonis gmacht han

3. Isch en realistisch gstochene Phönix + en Tannewaldszene wo fasch de halbi Rugge bedeckt, also relativ gross isch. Das piece isch ez ca. 3jährig und isch au mit Abstand mis lieblingstattoo vo dene woni han. Vlicht isch das aber au eifach wills am neuste isch haha

Da chani abgseh devo au de Artist würkli nume wärmstens empfähle, wenn dir de realistisch style gfallt. Ganz en agnehme und wahnsinnig talentierte dude. Redt aber nöd so guet dütsch wenni mi richtig mag erinnere. Er isch spanier und mir hend eus uf englisch underhalte. Sis eigene studio hätter glaub sit öbbe 2 jahr in Dübi.
Studio:
instagram.com/dr.nolimits?igsh=bTdqa3E5ZGJveTln
Er persönlich: instagram.com/dr.loyaltyink?igsh=MWtsaHhhbm55YWN4dw==

Zum föteli share bini z'schüch, mi scusi

ha kei tattoos, aber mini lieblings artists:
instagram.com/moducommun?igsh=MXdiMnFlOWE3N3JsNw==

instagram.com/michael.joss.tattoo?igsh=azBkNzlrZjY1NHZy

instagram.com/taetowierstube_lalaland?igsh=MWFweXFudW02cTR2cA==

instagram.com/casparwolfftattoo?igsh=MzRpbXd0Zjg2M2Zr

ich het e idee für dich @unqLaubLich für es motiv

Ich ha 9. Mini Tättowiereri share ich ned, ich muess ez scho gnueg lang warte bisi wieder en Termin ha

Ich han 4 - drü chlini und eis grössers 😊

Mis erste isch es chlises "N" hinterem Ohr gsi. Tattöwierer:
instagram.com/wonderworldtattoo/

S zweite isch de Schriftzug uf de Ussesiite vom Fuess gsi.


S'dritte isch de Traumfänger gsi & isch mis bisher grösste. Beinhaltet no mini Geburtsziit.


Tättowierer vom 2. und 3.: Jonathan: instagram.com/la_familia_tattoo_mafia/


S'vierte isch e spontani Sach z'Berlin gsi

Gstoche vo irgendme Gasttättowierer im Classic Tattoo z'Berlin.



Und ez no paar fremdi Tattoos (vo mim Maa die grösste Projekt 🤭)...

1. Gstoche im Studio 28 in New York:
instagram.com/studio28tattoos?igsh=djJqcWt4bG81b3dp



2. De ganz Arm (schwierig z'Fötele 🙈) gstoche bim Tino: highlight-tattoo.ch/tino

ich han eis tattoo. ich hans in prag gmacht. für 50 stutz. für das ischs nöd schlecht. s'motiv würi nüme so mache aber yolo

Ich han eis Tattoo. Das hani genau ah mim 18. Geburi, als Gschenk gstoche übercho vode Muetter vo minere damals beschde Fründin , dMuetter het det glaub öppe sit 2-3 Wuche tattowiert und so gsehts au us
Ich has sälber zeichned und für mich hetts e schöni ‚Bedütig‘ drum bereu ichs absolut nöd, da öffentlich zeige wöttis glich nöd :p

edit: ahja, wasi viellicht no säge muen, ich channau nöd schön zeichne

Ich gan 1000 Idee für Tattoos woni no wöt mache, han aber irgendwie nie Gäld gha und jez hanis gad au nöd so mega föörig und därf im Moment au nonig tattowiere, aber sobald ich wieder därf, wirdi sicher 1-2 vo mine Projektli realisiere <3

Ich ha nome eis ond ich wörds jederziit weder mache.

Ech ha keis ond werd ou nie eis mache.

Ich han aktuell 7 Tattoos, devo würi bis uf 1 alli sofort nomal mache.
Und das eine woni "bereue", well was selli sege ich han mitme Ex zämme di Schnapsidee gha eus zämme es Tattoo zmache. Es het sich vorallem bim abheile entzündet, het wohl selle es zeiche si

Mis erste Tattoo isch es Semikolon ufem Handglenk, woni irgendwo ide Türkei bimne Tattowierer gmacht ha für cheap


Mis zweite isch es Einhorn bzw en Einhornschädel und ich liebs mega fest


Denn hani en Granatapfel, wo für mich en rechti Bedütig het

Guets bild, i know

Denn hani no mit minere Bestie de @keepyourhopesup es Tattoo gmacht vonere Elstere wo ufem Albumcover isch vo La Dispute


Denn hemer das Tattoo woni definitiv nüme wür mache so, aber das het mer mit de andere Person ztue wos au het
Isch more or less eifach en Stern, aber bim abheile ischs entzündet uuuund bald set da es cools coverup drüber cho - was isch nur nunig so klar


Uuuuund das isch mis fav tattoo aktuell

Lobotomie Tools mitem Schriftzuug Live Laugh Lobotomy (eifach will funny)

Die sind alli vo ihre gmacht und ich cha sie nur empfehle - bi mega gern det, will au s studio isch mega toll
instagram.com/marielongeville?igsh=MXVtcjl0Z3k1ODNybQ==

Und zu guuuter Letzt hani no en Schwalbe tattowiert

Das isch gmacht vode Gina Madskull
instagram.com/madskulltattoo?igsh=bDgxMm5qZ2p6eHV2

Bis jetzt sind alli ade Ärm, aber es sind no vieeeeel meh in Plannig. Muess zersch eifach wieder chli budget ha

Okay danke that's it

Ich ha mis Familiewappe uf em Unterarm & als Ergänzig (för jedes vo mine Gschwöstete) 3 Bäretätzli i de Region „Hosenbund“
Sprich, i ha mini aargauer Bäre emmer debi.

Ah dere Stell entschoudigong för die miserabli Qualität vo dem Foti

Ich zell ez mini glich no uf, i de Reihefolg wonis gstoche ha:
Lotusblüete (bin en Millenial, k?), es Aug mit Herz (das hani träumt und selber zeichnet ), es Wildbluemebouquet, Mandala, Lindeblüete, Heidelbeeri, Kamille, Hafer und Kaffipflanze.
Und ja ich has chli mit Pflanze ha no ganz viel Idee und au no ganz schön viel Platz

Smilie und Herz hani selber gstoche contact me for bookings

Ich han 10 ich wür e paar nümme mache bzw andrsch bzw en bessere tättowierer sueche. Aber bereues ned - so dasis wür weg mache welle. Wie scho wer gseid hed, damals heds eim gfalle und drum erinnerige

Ich ha eich no eis grosses plant scho x jahre. Aber ha no ke tättowierer gfunde wo 1. Was i die richtig machd und 2. Hani au ned gsuecht

Han glaub 7 - oder so...

Linke Oberschenkel hani sones Frauegsicht mit Ornament - isch es Wannadoo gsii vo minere tättowiererin und i hans geil gfunde.
Plus han ich mit ihre so en Deal gha, will ich ihre Webshop betreue - de ischsi mr mitm Pricing biz entgegecho.

Vode gliche Künstlerin hani no en Löwe (au es wannadoo vo ihre) woni mega geil gfunde han, ufm rechte oberschenkel.

Plus hetsi mir mal no es gschenk gmacht, da hani en grabstei mit flügel und rose uf de wade, so als zeiche/erinnerig für min brüeder, wo leider en totgeburt gsii isch.

Vomne andere Artist hani sones all-seeing-eye ufm unterarm, dasch mis erste gsii und da hani anre flash-night in züri gmacht. ha gseit i gang det ned ohni tattoo hei und i finds bis hüt suuper und s het zur damalige zyt au sehr guet passt, will ich immer und überall irgndwie auge und ohre gha han

denn ufm schiinbei uf de siite hani vom kolleg vor 2 jahr en freehand-nagel tättowiert becho, willr det no apprentice gsii isch und ich bock druuf gha han, findi ganz cool.

und nachr hani s ganze schiinbei zwei noni ganz vollständige stick-n-poke tattoos, woni mer selbr gstoche han.

Fotis folgend denn bi glegeheit


Edit:
Die meiste hani bi ihre gmacht.
instagram.com/whiptillrip_tattoo/

Ich mach jetzt eifach mal en neue Post, zum luege ob denn s gelbe Pünktli weggaht...

Wehe @Jo wenns nöd funktioniert

s het das Wuchenänd ganz spontan es neus Tattoo gä

Spoiler!

User-Upload - bitte einloggen, um das Bild zu sehen.

i han 3.
mis allererschta tattoo hani in mallorca gmacht. dümmsti idee ever. aber zum glück isches guat versteckt, dasis mengisch vergissa

mit dem zweita bini nach paar johra plötzli unzfrida xi. i hans im märz das jahr usbessera loh mit meh details. am fritig kunnt a cover up über de spruch. i verstah mi nid, wiso i de spruch damals so schön gfunda han. eza findi de mega kitschig aber jo, ab fritig wirdi sicher happy si, dasi de spruch nüma xeh muass und s projekt denn definitiv abgschlossa isch. das isch definitiv s learning, dasi miar nia meh a spruch stecha lah.

s'vierta isch schu in planig
das wird mit abstand sicher s schönst tattoo si ever für mi.

das isch en Teil vo eim, gstoche het ers :

2ndskn.com/artists/louis-konstantinou-tattoo/



gsamthaft hani 5, wyteri folget bestimmt bereue duni keis (nöd mal die woni betrunke z'Malle gmacht ha 😂)

Mis Sleeve gmacht zBergamo bim: instagram.com/w.y.e.r

Irgendwen wetis de no ga erwiitere/fertig mache bis ufd Brust, abr ha dr Schmerz noni vrgesse

Schüsch hani no zwöi chlineri a de beide wade, hani abr gad kes foti.