Podcasts!

Hey zäme! 🎧 Ich höre id letzte Ziit en Podcast, wo grad so spannend isch wie ein Krimi mit Schoggi – “Die Verborgene Welt vo de Chääs-Schnitte”! 😜 Es geht drum, wieso mir so oft Schoggi im Chafi finde und was das über üsi Psyche ussagt. Und ja, ich empfehle au “S'Gschichtli vo de Blender”, wo alles über Lüüge und Schwank geäussert wird. Wer isch dabei und het no meh solch absurdi Tipps? 🍫😂

Ich han bis jetzt nur 1 Podcast gfunde wo für mich alles stimmt.
Mir fallts schwer fokusiert zuezlose, vorallem wenns eifach irgendwas labered.
Drum losi eifach ‚Mordlust‘ - finds immer spannend, ich liebe true crime, find dStimme vo dene 2 Fraue super und ich find sie verzelled dFäll mega guet und es packt eim richtig


Han scho anderi true crime podcasts versuecht zlose, aber bis jetzt het mich keine au nur ahsatzwiis so chönne Fessle wie Mordlust.

Ab und zue hani au Zivadiliring oder Fest & Flauschig glost. aber jez scho ewigs nüm

De erst Kontakt zu Truecrime esch de unter Verdacht Podcast mitem Alexander Stevens gsi. Findi no easy, zum Teil au recht witzig/kurios und ned immer so Todernst.

Oder Verbrechen der Vergangenheit het paar spannendi Folge, au wenns mängmal chli langatmig wird. Gaht i de Ziit zrugg bis zu de ermordig vom Ötzi.

Im Moment bini "dini Mundart" am lose.
Wie de Titel seit, gahts um d'eigeheite vo de schwiizer Sprach. Lauft glaub au regelmässig im Radio

Comedymänner
Tech-telmechtel (Digitec)

Ond sosch no paar je nach Ziit, Lust und Luune.
Meistens losis aber im Auto. Aso je meh dassi Auto fahre, desto meh Podcasts losi.

His2go
Comedymänner
Und dini mundart send glaub die drü woni am regelmässigste lose
Und i de ski saison natürlich de "podcast am pisterand" no

ich lose ultra selte podcasts, los halt am liebschde musig.
aber weni en podcast lose, denn de vode streusel:
open.spotify.com/show/5tk8MZyw9OcIcOwL9X4eJo?si=cb7799795fc74ae3

wieso? will sie eifach ultra luschdig isch, ihres lache steckt eifach ah
und de Simon ihre Co-Host isch au ganz witzig

Ich bin en mega true crime fan und lose eigentlich immer irgend en podcast weni met em auto onderwägs ben =)

- Zeit - Verbrechen
- Mord auf Ex
- Verbrechen der Vergangengeit
- Aktenzeichen XY uvergessene
Verbrechen
- Mordlust
- Focus echte Verbrechen
Etc...

Aber au so allgemeinwüsse PCs fendi cool:
- Spektrum
- aha! 10 minuten alltagswissen
- p.m. schneller schlau
- Durchblick (vom Blick)
- NZZ Akzent
- Never Mind - psychologie in 15 minuten
- Zeit - geht da noch was?
- aha! History
- terra x history

Ich liebe podcasts

Critical Role <3
Einglech ä (Video-)Livestream vo englische Voice-Actors wo Dungeons & Dragons spiele. Aber da mr zVideo nid unbedingt brucht, zum de Gschichte chönne zfolge, chamer sech das ganze sehr guet als Podcast gä
Finde d'Art vom Storytelling sehr einzigartig und mega spannend wiu halt ou vieles zimli improvisiert isch, zudem si Ihri Roleplay Momente eifach köstlich zum zuelose

Anderi Podcasts losi nid würk, da CR scho zimli Ziitintensiv isch und ig schüsch doch eher dr Musighöhrer bi.

- Fest & Flauschig (D): Immer mal wieder mit Unterbrüch. Sone klassische 7/10 Podcast.

- Dungeons and Daddies (E): 5er-Grüppli us Autor:inne wo zeme DnD spile. D Charaktere si 4 stereotypischi Ami-Familievätere wo i d DnD-Welt müesse iri Söhn ga sueche. Richtig dämleche (Schnäbi)-Humor mit guete Plot Twists. Staffel 1 isch super, Staffel 2 so mittelmässig, weu viu Meta-Humor, Staffel 3 isch wider besser.

- Geschichten aus der Geschichte (D): Mi Iischlafpodcast. Di zwe Dudes rede so wunderbar monoton über random Theme us dr Vergangeheit und gö drbi recht tief i d Materie ine.

- Das Podcast-UFO (D): Zwe Type wo wunderbar doof cheu labere und sech um ke Wortwitz oder absurdi Situationskomik ds schad si. Am Afang hei si überhoupt ke Figg druf gäh wie si bi de Zuehörer achöme, sondern hei eifach glaberet. Mittlerwile si si chli abgflaut.

A dere Stell möcht ich Susi Youtube-Show plage, wo mer jede Mittwuch am 8i live machen, mer chas aber natürlich au später luege, zB. uf Spotify. Uf Youtube gitts die einzelne Segment au separat. Mer mached politischi und gsellschaftlichi Theme us de ganze Welt.

youtube.com/@zeitgeister/featured

open.spotify.com/show/6WGobg3bwrmderrf5zCtsS

Geschichte
Historia Universalis 4/5
His2Go 5/5
Ausgesprochen Alt 5/5

Abenteuer
Wild&Fremd 5/5

Gesellschaft und Politik
Zart wie Kruppstahl 4/5