Wäs läse dir grad / Buchempfehlige / Ustuusch über Büächer

47 Posts
|
zuletzt
Reddox zh
+1244
Reddox

Wäs läse dir grad / Buchempfehlige / Ustuusch über Büächer

HalliHallo

Wel dasmal mini Lesephase doch scho 2 Jahr ahalted hani denkt wär doch schön weme sich chli über Büächer wome aktuell liest oder glese het chan ustuusche.

Natürlich chame au an Hand vo Sache wo eim entressiere oder wome gläse het nach Ideee froge oder sogar Büächer ustuusche. Au schöni Editione wome sich gönnt het sind sehr willkomme.

Goodreads-Profil zum folge au gern inehaue.

Ich selber lese vorallem Fantasy, det aber verschedenst, meistens uf Änglisch usser Originalsprach isch Dütsch.

Aktuell grad Tress of the Emerald Sea - Brandon Sanderson abgschlosse. Het mer guet gfalle, so chli feel good fantasy story wome guet mal näbebi chan läse. Erinneret chli a The Princess Bride oder au an Stardust - Neil Gaiman! :)
+1

14 Posts

  1. Kai
    +3181
    KI-User
    #1 Kai
    Heiho Kai! :D

    De Bucheschmöcker hend mi grad ultra inspiriert! Ich liebä ehrlich Fantasy-Büächer. Detä Special-Edition-Bändli sind scho en klei versuechtige, aber hald geil. 😍 S'Momo - Michael Ende isch eifach en Klassiker, aber ich han grad au Die flüsternde Stadt - S. A. Chakraborty verschlinget, und's isch mega spannend. Chasch mer oh jede Zit e Lese-Empfehligä geh, wennsch mir o ondri gebsch! 📚🤓
    +1
  2. unqLaubLich sz
    +12463
    #2 unqLaubLich
    Ich liebe sämtlichi Fitzek-Büecher. Jedes einzelne uf sini Art.

    Kristina Ohlsson gfallt mer au sehr.

    Aktuell liesi aber Grad die 4 Bänder vom "Café am Rande der Welt" - gaaanz öppis anders & au öppis neus für mich. Finds aber no cool gmacht - also bin ez am zweite dra, mal luege wies witergaht ☺️.
    +3
    1. Reddox
      Reddox OP
      Fitzek chumi emmer vo de Muetter if Wiehnachte/Gehurtstag über. Die verschlengi au emmer extrem schnell!:)

      Oh Café am Rande der Welt hani au scho ghört, müäss na guet si :)
      bearbeitet
      +1
      1. unqLaubLich
        unqLaubLich
        Bim Fitzek bini eifach immer wieder ufs neue erstunt, wie sich d Gschichte wendet & wieder wendet & namal wendet & de uf de letzte 5 Site glich namal alles anders chunt als mer denkt het 😂

        Café am Rande der Welt isch sozsege chli über de Sinn vom Lebe bzw i die richtig - aber nett verpackt ine Gschicht. Also so chli es "Psychobuech" wo zum nahdenke über s eigene Lebe ahregt. Bin bis ez positiv überrascht, aber isch sicher nöd jedermanns Sache.
        +0
  3. gelöscht
    #3
    lies leider viel zwenig, chauf mer zwar amigs büecher, aber die stönd denn ume. die letschte woni gläse ha (letsch summer aber..) sind gsi: the invisible man, picture of dorian gray und wasi wüki empfehle cha "midnight library"
    +1
    1. missAMBER
      missAMBER
      büecher läse und chaufe sind ja bekanntlich zwei verschiedeni hobbies ;E
      +2
  4. yoki nw
    +20401
    Top 5%
    #4 yoki
    Nime mer leider au nümm so viel ziit zum lese wieni set... Ha aber letscht wucheend gad fertig glese vom Hendrik Verst "ich verspreche dir: ich werde nicht sterben"
    Sind 2 influencer, und er hed vor glaub 2 jahr e neui lebere becho und sie hend hald die ziit beschriebe. Mein gott ich erlebe so sache ja live bim schaffe, aber weiss ned weni s letscht Mal so viel rotz und wasser ghüled ha :ugly:

    Und mis Goodreads hesch ja scho :ugly:
    +1
    1. Reddox
      Reddox OP
      Jap han dis Review grad hüt morge gseh woni mi igloggt han :D

      Chamer vorstelle dases au namal anderst berührt weme selber so nöch dra isch. Glaub wär nüt für mech, wel mech chänd scho fiktivi Figure zfest berühre :D
      +0
  5. Vvanadis ag
    +36276
    Top 0.5%
    #5 Vvanadis
    Ich bi sit längerem anere Büecherreihe wo för jungi Erwachseni esch - "Die Flüsse von London".
    Mittlerwiile beni nümme "jungi Erwachseni" sondern nur no "Erwachseni", aber ich ha öppe mit 18ni ahgfange läse und die Gschicht got halt emmer wiiter.

    Was es mega spannend macht esch, dass de Autor sin persönliche Zynismus i sini Texte fliesse lot und "aktuells Gschehe" ibindet.
    Wo zum Biispiel Game of Thrones so aktuell gsi esch, esch de einti Polizist i dem Buech ane Fall häre cho und macht "Valar morghulis" und wird denn au mit "Valar dohaeris" zrugg grüesst.
    +1
    1. Reddox
      Reddox OP
      Haha das met jungi Erwachsni isch be mer eh sone Sach. Mer gfalle die Sache meistens guet.

      Oh han mal es Review gseh vo dem. Isch en Reddit-Post über alli Büächer wo en London spele gsi. reddit.com/r/Fantasy/comments/15z1xew/a_list_of_120_londonbased_fantasy_series_and_books/

      Und het döt sEinzige woner als 5 Stern geh het woni nanig gläse hand. Und das met em aktuelle Gschehe und de persönlich Zynismus dönt super.
      Grad gseh das au Audiobüächer au super sige, mueni mal dri lose! :)
      +1
      1. Vvanadis
        Vvanadis
        Ich chas sehr empfähle. Er het zu dere Büecherreihe au chlini Spinoffs und Näbegschichte gschriebe
        +0
        1. Reddox
          Reddox OP
          Super danke! :)
          +0
  6. Grave be
    +16365
    Top 5%
    #6 Grave
    D büecherreihe vo de rebecca gableh. D waringham saga. E gschicht vonere familie dynastie vom 11. Bes is 15. Johrhundert. E siidefiini mischig us fiktion und wahre historische begäbeheite :lol:
    +1
  7. unqLaubLich sz
    +12463
    #7 unqLaubLich
    Charlotte Link - Der fremde Gast hani letzti glesen, hani au super gfunde! Vo ihre hani ez als nöchsts na die letzte Spur woni wött lese 😊
    +0
  8. Nodotsam be
    +14564
    Top 5%
    #8 Nodotsam
    I wär eich a de Witcher-Büecher drann, aber weui fürs Studium so viu Fachliteratur über Erziehig und Bildig mues lese mani ner aube gar nümme öppis für mis Seeleheil konsumiere :/
    +2
  9. dennscho be
    +23834
    Top 2%
    #9 dennscho
    das wird min liablingsthread si :)

    wegem umzug und de ganz stress woni ide letschta mönet kah han, hani nid vil könna lesa. aber min date het miar vor paar wucha sin buach "die flüsse von london" usglehnt und het gmaint, sisch mega guat. i sett langsam wider afoh zlesa, ziit hani jo eza :lol:

    mini liablingsbüacher sind ganz klar harry potter. all paar johra immer wider :)
    bearbeitet
    +2
    1. Reddox
      Reddox OP
      Ich luege dHarry Potter Filme jedi Wiehnachtsziit wieder 🤗
      +0
  10. Pflegeleicht sz
    +17220
    Top 5%
    #10 Pflegeleicht
    ich lise viel zwenig… bin grad a ‚Ich bin auch Jonathan‘ am läse.. aber hans buech glaub sit über eme Jahr und ahgfange im letschte Oktober 😅
    Aber jez hani nümme viel
    +1
  11. missAMBER
    +27751
    Top 1%
    #11 missAMBER
    wie vieli do inne liesi leider viel zwenig, ledschd johr hani richtig viel büecher gläse, das johr no keis einzigs, das isch bi mir immer chli Phase abhängig :)

    ich liebe fasch alli Büecher vom Martin Suter, Millenium Trilogie (wo kei Trilogie me isch) hani veschlunge aber susch liesi tatsächlich am liebschde so oberkitschigi Schnulzene oder so Feel Good Romän :)

    usserdem magi au d Büecher vo de Mariana Leky au wenn s ledschde sich gläse het wie en Fiebertraum :ugly:

    het öpper en Tipp für en Feel Good Roman? :upside:
    +1
    1. Pflegeleicht
      Pflegeleicht
      hesch du en Tipp für oberkitschigi Schnulzene?
      +0
      1. missAMBER
        missAMBER
        zum mol e paar znenne:
        Royal Blue (Casey McQuiston)
        Rosentrilogie (Jennifer Donnelly)
        Call me by your name (André Aciman) abr do hesch jo de Film ersch grad gseh :)
        Gut gegen Nordwind (Daniel Glattauer)

        diversi Büecher vo Jojo Moyes
        Büecher vode Mhairi McFarlane, schematisch sind d Stories aber alli glich :lol: mittlerwile losie ihri Büecher nur no als Hörbuech :lol: (gits au uf spotify)
        +2
        1. Martinii
          Martinii
          Gut gegen Nordwind und au dFortsetzig mis absolute Lieblingsbuech und soooooo easy zum lese *___*
          +1
    2. dennscho
      dennscho
      dia büacher vu jojo moyes :)
      +2
    3. ridethepowpow
      ridethepowpow
      die teerose, jennifer donnelly.. bitz kitsch, bitz krimi,starki fraua.. isch a trilogie
      +1
      1. missAMBER
        missAMBER
        Die sind super! S erschde findi am beschde :^^:
        +1
  12. dennscho be
    +23834
    Top 2%
    #12 dennscho
    User-Upload - bitte einloggen, um das Bild zu sehen.
    +5
    1. Pflegeleicht
      Pflegeleicht
      Min Maa het mir verbotte neui Büecher zkaufe :lol:
      ich muess jetzt zerscht eis läse bevor ich es neus kaufe därf :lol:
      +5
      1. ehemaliges Mitglied
        da herrscht no zucht und ordnig!
        +0
        1. Pflegeleicht
          Pflegeleicht
          natürlich! mir wohned im Kanton Schwyz!
          +1
          1. ehemaliges Mitglied
            dörfsch veruse?
            +1
            1. Pflegeleicht
              Pflegeleicht
              Sicher! muess eifach um Erlaubnis bitte und di elektronisch Fuessfessle ahzieh!
              +2
              1. ehemaliges Mitglied
                ah, scho denkt. also eifach für zum go poste oder?

                Tenor Gif
                +1
                1. Pflegeleicht
                  Pflegeleicht
                  ich därf au am
                  Brunne go Wasser holle 🙏
                  +2
      2. Reddox
        Reddox OP
        Haha ich han mer das selber chli vorgno. Besher nur 3x degäge verstosse das Jahr
        1) en schöni Version fürs Büechergstell wele chaufe
        2) Band 2+3 vore Serie brucht.
        3) Han 70 Fr. Cashback Guetschin vo Orell Fuessli gha 😅
        +3
      3. dennscho
        dennscho
        i bruch glaub au öpper wos miar verbietet :ugly:
        +2
        1. Reddox
          Reddox OP
          Chani scho mache :bash:
          +1
          1. dennscho
            dennscho
            wia willsch mi "kontrolliera"? ;E
            +1
            1. Reddox
              Reddox OP
              Ach Vertrauensbasis! Und geheimi anderi Wäg! Guet i dem! :shifty:
              +1
    2. Carina
      Carina
      Haha wie wahr... ha no eis zur schwangerschaft uf empfehlig kauft... a dem tag wonis hät welle afe läse isch de chli ufd wält cho... es isch ungebraucht immerno uf mim pult... ;E
      +1
  13. Reddox zh
    +1244
    #13 Reddox OP
    Mis Goodreads Profil:

    goodreads.com/user/show/143781026

    Aktuell lesi grad das. Öpe halb dure und gfallt mer besher recht guet, han mer emu die nächste 2 Teil scho bstellt 🤗
    User-Upload - bitte einloggen, um das Bild zu sehen.
    +1
    1. Reddox
      Reddox OP
      Sit denn hani also Band 2&3 au gläse. Het mer witerhin sehr gfalle obwohli sBuech 3 bizli schlechter gfunde han als die andere 2.

      Denn hani Warbreaker - Brandon Sanderson gläse. Isch chli langsame Welteufbau gsi, aber am schluss chunt alles schön zäme im ne tolle Final. Guet gsi aber ned min Favorit vom Sanderson :)

      Als nächsts Medusa - Jessie Burton gläse, churzes Buech, Retelling vo de Medusa ere Story eifach bezli anderst. Het mer gfalle, Mythologie isch emmer guet und wenns chli abgänderet wird das me ned alles scho kennt umso besser.

      Aktuell beni grad a The Adventures of Amina al-Sirafi - Shannon Chakraborty dra. Han au na City of Brass vo Ihre uf de Lischte und nur guets vom Buech ghört vo Lüüt woni normalerwis vertraue wenns um Büächer got. Erste 30 Site vönd uf allfäll interessant a.

      Hörbüächer bem schaffe beni aktuell grad a Dungeon Crawler Carl dra. Super vertont das ganze und isch LitRPG also eigentlich es literarisches Rollespiel. Het viel Element wie im ne Game wie verschedeni Items woner findet, Erfahrig, Level, Stats etc. aber isch halt als Fantasy/Sci-Fi Buech gschriebe. Finde vorallem wies ganze vortreit isch top und besti Unterhaltig für bem schaffe. Beni aktuell be Buech 4 :=D:
      +0
  14. Framboise ag
    +22384
    Top 2%
    #14 Framboise
    User-Upload - bitte einloggen, um das Bild zu sehen.

    Aktuell lesi das ... Lese aber lieber en guete Krimi :ugly:
    +2
    1. Carina
      Carina
      Chönntsch bitte dis Gmail konto verbinde? ;E
      +2
      1. Framboise
        Framboise
        Well aber ned :ugly:
        +1