Dating

Hei Kai

Also ehrlichgsait, miä bini eifach zu geil, dassi no nid ufgstörglet wordi

Also vo mim schlimmschte Date: Ich han es Mol es Tinder-Date gha und der Typ isch sofort i deigt, dass er en Schwiigertochter im Schädel isch

Aber hey, jede Date bringt eifach e neui gschicht, odr? Bis gli!

Fiires ja gad selber, obwohl no ned mal es date drus entstande isch aber:
ha en typ - dä luis sägemerem - im OPS kenneglernt. Mer münd ja ame dpatiente i OPS bringe und döt hälfe umlagere und er schaffed det unde und vor paar monet isch es huere chaos gsi, well sie e patient is falsche bett ta hend und ich bi eh scho huere gnervt gsi, well so viel los gsi isch und hane dementsprechend ahgfieled. er hed aber mit sinre art mir weder es lache ufs gsicht zaubered - bisi mitm bett dur ihres büro ha müsse.
Paar monet fürespuele, hani mit de studi mit i ops müse - und weder es huere chaos - wieder er ume, na hani gseid "gopf luis, immer wenn du da bisch!" und de hemmer halt chli afo chäsperle, bis de assistenzarzt gfunde hed, mer selled ufhöre flirte und wiiterschaffe
die sach ischmer nümm usm chopf (obwohli det no e fründ gha ha) und ha nur si vorname gwüsst. drum hane scho damals im personalfinder gsuecht, aber ned gfunde - weline ir falsche abteilig gsuecht ha uf jedefall hani hüt en luis gfunde und ihn uf facebook und co gsuecht, aber er hed niene sis face druffe gha - ha aber gseh daser mitre guete arbetskollegin vo mir befründet isch und sie gfrogt. long story short, 2h spöter hani sini nummre gha und er hedmi ahgfieled wieso ich ned abe ahglüte ha in OPS zum nach de nummre froge

waiss nid woni afoh bzw. wasi verzella söll

Ich ha mal in jungen Jahren sehr churz eini datet, wo sehr em Klischee vo de Blondine entsproche hät. Also würkli es Zimmer mit rosa Interieur, zimlich blond, zimlich blöd. Und zwei chliini Hündli i Handtäscheformat.

Hät demit aagfange, das ich nach em schaffe zu ire bi und s'gheisse hät, es gäb Znacht. Ich also hungrig uftaucht, aber ke Znacht ume. Mer sind denn wels so spat gsi isch relativ gli is Bett. Si het i min Arm wele. Dadefür het sie es rosa Plüschchüssi uf min Oberarm gleit und iren Chopf denn druff, demit iri Haar gliich bliibed.

Ich ha ke Huustier und bis mer nöd gwöhnt, das i de Nacht im Bett irgendwas umestreift. Uf jede Fall gspüri zmitzt i de Nacht öpis a mim Fuess. Ich bi verschrocke, ha us Reflex usgholt und geg abe ginggt und dadebii s'einte Hündli troffe, wo denn jaulend durs Zimmer gfloge isch. S'Andere isch nachher irgendwie au nebed mich anegumpt und das hani vom Bett abgeschupft. Bi denn na zmitzt i de Nacht hei


Eimal hani eini vo chli wiiter wäg datet und mer hend ois z'Zug troffe, sind ines Kafi gsässe und hend ois stundelang (!!!) sehr guet underhalte. Wo's iinachtet, hämmer ois entschlosse zäme go Znacht ässe und sind i sone spezielli Location, wo's so Food Ständ hät inere Halle verteilt (mega cool). Sind denn aneghockt und sie hät während em ganze Ässe immer so chrampfhaft versuecht über de Tisch z'lähne. Woni d'Händ mal ufem Tisch gha han, het sie mini Händ gno und zu sich zoge. Ich ha das dermasse komisch gfunde, dasi biz abblockt han. Si het mer nachem Date gschribe, das vo irere Siite kei Gfühl ufcho seged.

Bime wiitere Date, hani mi mit einere vo SANGALLÄ troffe bi mir i de Nöchi. Wel sie mitem Zug cho isch, han ich als Tschäntlmän (und Idiot) ire a zwei Ööbig hinderenand aabote, sie heizfahre. Bi a zwei Ööbig hinderenand vom gliiche Blitzer i irem Quartier i de 30ger Zone blitzt worde.

ich han mal es date mit eim gha womi so nachde hälfti öbbe gfrogt het ober mer chan en zaubertrick zeige.
nachdemi churz dumm zude wösch usgluegt han, hetter denn tatsächlich es deck charte zude jagge usgholt und mer agfange chartetricks zeige hahaha. ahja und münztricks hetter mer au zeigt. aber s geile isch gsi, dasser würkli uhuerre guet gsi isch!
het sich denn usegstellt, dasser näbebrueflich als magier schafft und er het sowohl mich wie denn au de tisch näb eus prächtig underhalte
es het keis zweits date geh, aber a sine skills ischs definitiv ned gläge und ich han en mega coole obe gha

I bin im Juni 2022 ufs Torfeld Süd ad Geländeeröffnig, wo de Verein woni damals debii gsi bin under anderem d Eröffnig mitorganisiert het. Und sie isch det grad mega früsch dezue gstosse im Bereich Deko.

Eusi weg hend sich allerdings scho öfters krüützt, nur hani halt wie nie d Ufmerksamkeit ufgwändet und sie isch immr bizli "beleidigt" gsi, dassi nöd weiss wie sie heisst und sie mich immr mit vollem Name het chönne aspräche.

Und a dere Eröffnig am früeche Nomitag hani gfunde, chumi ihre zuvooor und han ihre vo wiitem scho "Grüüüezi Frau Burger" gseit.
So hend sich denn d Gspröch ergäh für öppe en stund, andrthalb bisi gfunde han: "So. Ich muess. Mini Best Kollegin & ich göhnd etz as Argoviafäscht. "

Irngdwenn 4 Täg spöter, nachdem sie mr uf insta gfolgt isch, hani denn mol gfunde ich schrieb ihre so en tumme spruch: "und, hani no was vrpasst, abgseh vo dir?" - und dänn hät denn nachm Greenfield, wo det au no dezwüsche gsii isch, s ganze dating agfange mitme afängliche hin- und her und ich wo ned gwüsst han, obi etz würkli was ernsts will odr nöd.

Jo, fast forward - mir sind etz ghürote und erwartet endi April euses erste Chind.

Also mi Maa hani über Lovoo kenneglernt..
Eigentli bi ichs satt gsi mit de Lüt det z schriebe.. ha ungloge über 100 Nachrichte no offe gha und sini hani nur göffnet weli falsch gläse ha.. ich ha nämli gläse as er mier es bild gschickt hed.. ha natürli denkt "yaaaaa mis erste Dickpic wohooo" .. nei er hed mer nur ufne Zeichnig vo mir gschriebe ob ich das wük zeichnet ha.. joa bi hald e chlini Künstlerin

Ha de churzahbunde we i mengmal bi eifach mit "jap" gantworted..uf si ewig lang text.. i wenn hani es schlechts gwüsse gha weli denkt ha de gseht ja ned so schlächt us und isch ja glaub e liebe... de hani hald no ufe rest gantworted... joa de hets eis ums ander ergä... bi eusem erste Date isch übrigens sini Ex am gliche Ort gsi.. guet isch si eus ned übere Wäg gluffe sus hätti glaub zimli is Fettnäpfli troffe binem (kenne si vo früehner und si hed es Erbsehirn.. naja Fehler macht ja jede mal...) und ich hätt s Muul ned chönne zuela ohni böse Kommentar gege si.. s chani hüt noned

Er isch ja voll ok demit.. asi immer dummi Speüch mache weg ihre ja mer hend a dem erste Date nie denkt as mer i wenn ghürate sind und es chind hend vorallem, well ich ihn de no drna zemegschisse ha well er mer ke richtigi Antwort hed chönne gä ob mer eus nomal wönd gse.. aso er hed de am Abe nur gschriebe "mer chend üs schomal widereinisch gse..." üüh ja da musch ufpasse bi mir mit so antworte.. es git bi mir nur ja oder nei de Rest isch Zytverschwändig jap das hani ihm klar gmacht ..

Und im endeffekt bini überrascht und wüki happy wes ez cho isch und mega dankbar.. Im September hemmer es wunderschöns Hochzyt dörfe fiire mit eusne ängste Familiemitglieder und Fründe...
Ich ha im Januar dörfe euse chli Schatz gebäre, was nach eusere gschicht ned sälbstverständli isch... 🥰
Und wüki alles was i dere churze zyt gsi isch wo mer erlebt hend hed üs mega zemegschweisst und au wenns einigi Träne und vili Ängst mitsich zoge hed.. heds üs gmeinsam nomeh zemegschweisst

Boa we kitschig...

Ich han min Maa absolut romantisch uf Lovoo kenneglernt
Zu dere Ziit wo er mir gschribe het bini gad inre intensiv-dating phase gsi und ha mit vielne Manne gschribe.
Han ihn bim schribe mega sympathisch gfunde aber anderi sind eifach ‚offensiver‘ gsi und hend gad nachme date gfragt und mit ihm hani amel eifach chli gschribe und dänkt ok de het glaub kei interesse amne Träffe
Irgendwenn hani ihm denn nüm zrugg gschribe, will üsi Unterhaltig mir irgendwie under gange isch..
6 Mönet spöter het er mich inre Ziitig gseh und denn gfunde er schribt mer wieder mal, han mi denn recht gfreut und ihn denn ziemlich sofort gfrögt eb er mal es Bier wöt go trinke und ja, sind denn gli druf us El Lokal go Bier trinke und will mir beid absolut ‚abentürluschtig und ihfallsrich‘ sind, hemmer üs di erschde 5 Dates glaub immer im El Lokal troffe haha
Ich bin so froh hanen gfrögt eber mit mir gaht es Bier go trinke, will er hätti mich wahrschinli hüt nonig gfragt will er eifach zschüch isch

Im Summer simmer 7 Jahr zäme, sit 2 Jahr verhürated und hend de tollschti Sohn woni mir wünsche chönt ♥️
Weiss nöd wasi ohni min Maa wür mache, er passt eifach perfekt zu mir und mir hend scho uh viel duregstande zäme.
Sit de Geburt vo mim Sohn hani immer mal wieder depressivi Phase und er isch eifach so guet zu mir, ich glaube da wäred vielli anderi scho lang devogloffe.
Ach ich bi immerno so feschd verliebt

Mussimer etz glich lovoo abelade

Han mini Fründin em Mai 2022 uf Bumble kenneglert. Tolls Föteli gha met em Hund und alles. Gfunde jap git es like.
Si het au gliket aber denn i dene 24h wo si Ziit het ned gschrebe, han ere den uf de App namal 24 Stund chönne geh und denn het si gschrebe.
Gmerkt das me gwüssi gmeinsami Inträsse het und recht schnell troffe. Mit Hund em Micas Garten und recht trunke und Momos schnabuliert. Direkt Drama dumped bem erste Träffe, vorallem au vo mire Site wel doch einiges schief gange isch im Läbe und ich gfunde ha das set grad vo Afang a klar si.

Het guet klappt und hend eus nacher relativ schnell weder 2-3x troffe. Vo det nach 3-4 Mönet emmer so 4-5 Nächt pro Wuche be ere gsi und em Dezember 2022 zämezoge. Jetzt wone mer scho über es Jahr zäme, hend en super Rythmus gfunde met Huushalt mache (macht si smeiste), choche (mach ich), met em Hund usego etc. Ha mi recht i ere Fründeskreis integriert und passt top. Bald 2 Jahr sit mer eus kenneglert hend, was mer au als Datum vom zämecho näme, wels denn doch nüm lang gange isch beses beidne recht klar gsi isch dases passt.

Hend eus beid sehr positiv beiflusst, zäme au mentali Sache apackt wo vellecht allei schwerer gsi wäre. Täglich extrem dankbar für si. Düänd eus gägesitig eifach guet und mal luege wielangs na got bes mer usefinde wiemmer uf Striit würde reagiere, hoffe na länger

ich freu mi für alli mit schöne stories mit happy end, aber muess mich glaub vo dem thread distanziere, da chunsch ja gad depressione über
han doch eigentli nur welle drama läse

Isch e Tinder-Match gsi bi mir... Hei üs zimlech glii grad live troffe, gloub grad 3-4 Täg nachenang weus grad so passt het 😅

Hebt itz emu scho bau 5 Jahr und möchts nid misse. Isch mr o egal öbs uf Tinder passiert isch oder bim gmeinsame Griff is Härdöpfukistli im Migros :p
Und ja, gloub de mit dr Bierduschi hani hie scho mau vrzeut, isch di Gliichi

Ich find Dating spannend, muen aber au säge han nöd so langi Zit als Single gha und chamer vorstelle, dases irgendwenn ermüedend isch wemer gern öper hätti..
Für mich ischs vorallem interessant gsi verschiedeni Mensche kenne z lerne und finde, mer lernt au viel über sich selber.

Min Fründ hani eich scho länger "kennt" bzw. mer sind im gliche Fründeschreis verchehrt und hend gwüsst wer de ander isch. Lustigerwiis hämer aber nie es Wort mitenand gredt. Das verstaht bis hüt niemer will er sehr guet mit mine engste us dem Fründeschreis befründet isch und mer hend eus echt eifach nöd emal hoi gseit oder so. Eich guet will wenns andersch wär, wäremer hüt wohl nöd zäme. Eines Abends woni denn mit anderne Fründine im Usgang gsi bi ischer liecht betrunke ih mich ine glatscht und denn hemer s erst mal mitenand gredt wills iwie au komisch gsi wär eifach z tue als würdemer eus nöd kenne. Isch recht e holprigi Unterhaltig gsi und mer hend eus denn wieder verabschiedet. chli spöter ah dem Abig ischer denn doch namal zu mir go schwätze cho, hät mi na vor me ufdringliche, betrunkne Herr grettet und nachdemi mi de am nächste Tag via Social Media bedankt ha hämer agfange mitenand schriebe.

Iwie hani sus leider kei spannendi Dating-Gschicht, eine woni uf Tinder kenne glernt ha hät mi mal mit "ui du bisch denn gross" begrüesst, das hani na wild gfunde. S heisst ja immer Fraue heget Müeh mit chlinere Manne, umgekehrt ischs aber oft nöd besser. Mer muen dezue na säge dasi 1.72 bin und nöd 2m und ich das i minre Bio extra gschriebe ha zum so Situatione vermide.

D Story mit mim Nachbar hani ime andere Thread scho gschriebe ah und einisch bini mit eim ide Stadt gsi für es ersts Treffe und chum simer losglaufe hät mer sin Hund quasi vor d Füess kackt. Ich hans glaub lustiger gfunde als er, ihm ischs glaub recht unagnehm gsi.

Na was witers witzigs, han es Data gha mit einere, am Schluss simer ime Kaffe verusse gsässe und es hät mi en Typ aquatscht. Das isch irgendwie chli lustig gsi und nachdemi ihm erklärt han, daser grad es Date gcrashd hät ischs em easy unagnehm gsi. S best isch aber, dasmer bi eusem 2. Date de Typ eifach wieder gseh hend, das hämer denn all drü huere lustig gfunde.

i bin siit anderthalb johra uf bumble/tinder unterwegs (zwüschadura hani mis profil paar mal löscht u denn wider neu erstellt ). am anfang bini biz überfordert demit, wia ma flirtet, etc., willi zuvor 8 johra lang iner beziahig xi bin anfangs bini mega neugierig xi u han s ganza sehr ufregend gfunda. mis ersta date nach de beziahig isch biz weird xi. nachem zweita treffa ischer schu i mi verliabt xi und het meh wella. i hanem xait, dasi s single leba gnüssa möcht. churz darauf heter schu a noia fründin

egal, i han unzähliga dates, willi aifach spass ha möcht. as het moment geh, i dena i dating plattforma astrengend u langwilig gfunda han. deshalb hani mis profil hi und wider löscht. im letzta dezember hani a match mitema typ kah. miar hend agfanga zschriba, aber nid vil, do er persönlicha treffa bevorzugt het. genau i dera ziit bini mitem umzug beschäftigt xi und han nid vil zit kah. doch trotzdem heter mini nummera wella. aswia hani denn doch ziit gfunda für a treff mit ihm. aber denn bini chrank worda wuchalang het stilla bis januar herrscht. i hanen schu vergessa, willi au denkt han, dass er sowiso nüma wiiter versuacha wür, willi jo immer kai ziit kah han. doch eines tages heter sich gmolda. ide zwüschaziit hani schu öpper anders paar mol troffa. i han denkt ok wiso nid aifach mol treffa. a dem abig, a dem miar üs troffa hend, hani absolut null bock kah, will miar so wenig mitenand gschriba hend und i nid iischätza kha, obs vibet oder nid. i bin würkli churz devor xi, ihm wider abzsega. wüssend iar, i han mini ziit nid für ihn wella verschwenda aber i han mis arsch doch könna ufrissa und bin uf aarau gfahra. woni ihn xeh han, hani denkt wueh a schöna ma. villicht lohnts sich doch miar hend würkli guata gspröch kah a dem abig. siitdem hemmer üs schu 5x troffa und i xeh ihn am wuchanend wider mit de andere typ hets nid funktioniart. i bin eza sooo froh, dasi ihm a disem abig nid abxait han

ob öppis ernsts darus wird, waissi ehrli xait nid. i han s gfühl, dasi nu nid bereit für a beziahig bin. ebafalls hani au s gfühl, i bin immernu biz "traumatisiert" (i positiva sinna) vu minra letscht beziahig. darum ja... kai ahnig

ahja, d' @ridethepowpow heten mol churz xeh, woni uf ihn am bhf wartet han und sie mi per zufall xeh het

Ich han eich mal vor, es Buech über gwüssi Dates zschriebe xD aber grad au us aktuellem Ahlass :

Ha mal eine kenneglernt uf Tinder wo ich gseh ha isch nur 1km entfernt… het sich usegstellt er wohnt ah dä Nachbersstrass, i de Wohnig wo früehner mine Eltere ghört het und sie sJahr zuvor verchauft hend… guet isch denn e super Ziit worde, het sich au usegstellt, dass er de ganz Dachstock vo de Wohnig mit Strom verleit het zum es Beruschends Chrut züchte i grössere Mengene… super Ziit gha er isch eich en liebe, bitz hangeblibe velicht und au sust nöd die hellst Cherze uf de Torte gsi… und ja de Sex isch ok gsi… ha immer gwüsst das isch nur was lockers für mich und meh wür für mich nie in Frag cho… irgendwenn het er sich denn verliebt und isch is aargau mitere zoge und hends alles guet und fine beendet aber sit det (~november 22) nie meh öpis vo ihm ghört… er het mer denn wo er mitbecho het dass min Dad gstorbe isch, eifach us em nüt vor 2 Wuche gschriebe: hey wie gahts ?
Ich ha so gfunde wtf lauft mit dir ? Ha em denn irgendwenn gantwortet halt das alles scheisse isch aber au wieder ok sii wird… denn het er ei wuche spöter, aso hüt gantwortet, obs scho besser gaht…
Ha mi denn wieder gnervt aber ha em gantwortet und gfrögt wies ihm gaht (will mich SO wunder nimmt will ha vome Koleg erfahre, dass er mit de neue e Patchwork family am plane isch, da sie beid scho es Chind id Beziehig bracht hend. Und er het immer gseit gha er will nie meh es Chind, und Mensche mit 3 Chinde sind dumm drum hani welle wüsse ob er echt scho bald wieder Vater wird)
Uf all fäll schribt er nur: dass es ihm au guet gechi, er aber scho na viel ah mich denki will dä Sex halt scho geil gsi isch (aso us sinere Sicht, cha das null bestätige )

What the fuck!!!! Ich wür am liebste grad sini Fründin usfindig mache und ihre dä kack Screenshot schicke und für Gerechtigkeit sorge!! XD
So en pfoste! Genau weg so Manne wie dem hani herti Vertrauensproblem 😒


Und aktuell date ich niemer, sWort date macht mer eh Angst… wenn öper schribt ob mer es Date wennd abmache bini grad scho dusse ob mer sich treffe will oder sust ma was mache will, okey… alles cool…
Bi momentan glaub grad zfest mit mim eigne shit am struggle dassi dating grad nöd uf dReihe bechume… aber ha etz au e recht langi dating-Phase hinter mir lösch etz denn au glaub echt all die kack dating apps wills meistens inere Katastrophe endet aber anderersiits han ich au würki tolli Mensche so kenneglernt wo e richtig krass gueti Fründschafte entstande isch… xD

i könnt ganz viel horrorstories verzella aber i glaub i bring au dia nett gschicht

z üblicha, kolleg vom fründ vur kollegin, i ha sie zum klettera animiert. sie het de ihri kollegagruppa zum bouldera mitgnoh.

han ihn cool gfunda (kunstturner und bouldera isch meistens a guati kombi) .

han kai bezüchig gsuacht will i mini letscht ufgrund vu mim volla pensum beendet han.

hend de so a F+ ahgfanga mitem. (zum glück hettr mi au guat gfunda )


er het sich de voll uf mi ihloh und mega guat gluagt zu miar (am morga am 3 an flughafa gfahra und luutr so züg). und de hend sich hald bitz gfühl entwicklet. aber "i ha jo kai ziit für a bezüchig, und i wett niamerem wehtua"...

noch ma johr woni mi gweigeret han zuazgeh dassmr a bezüchig füahrend (ja mengmol bini au bitz blöd ) hettr mi de mol sinr familia vorgstellt

etz lauft das immr no tiptop und er het zum glück genau s viel los wia ih, denn sind dia ziita zäma recht erholsam

Aaalso

Hane im badoo kenneglehrt hend gschrebe & gseit mer treffe eus im summertime z aarau. I natürli bede badi parkiert & er het no gmeint i sell umparkiere weni ke buess will. Hane so wieni bin grad mol dumm agmacht dasi scho kei buess bechume. Long story short, i ha im summertime knoblibrot gässe- er ned. & zrugg bem auto hani e buess gha trotzall dem heter mi nomol wele gseh. S nöchste treffe imne chline herzige resti troffe. Super verstande - weder e parkbuess igholt bem 3. Date ufem weg zu ihm e gschwindigkeitsbuess igholt 4 jahr spöter heter mi ghürote, 8 jahr spöter weder loh scheide & jetzt wohn i über ihm & sini inzwüsche neui verlobti esch eini vo mine beste kollegine & er min best kolleg.
Nach ihm hani relativ schnell uf badoo e neue typ kenneglehrt. Es halbs johr mitm troffe - den vom einte tag ufe ander heter mi ghostet. Ich no min herzschmerz de @zoejane verzellt & mi loh zämmeschisse daser mi nur usgnützt het. Es paar monet spöter ergendwie weder is schriebe cho ha denkt de sex esch 10/10 gsy aso cha mer sich weder druf iloh, schlussendlich hemer 4 jahr lang eifach e F+ gha bes mer im 21 offiziell zämme cho sind. Im 23 heter den e neui arbetkollegin becho & het mi schlussendlich metre betroge nachdemi suscht scho es super geils johr gha han.

Sither hani d finger vo männer gloh& be ganz glücklich demit.

Ich hami noni entschiede ob mi de thread ufmuntered oder deprimiert wobi ichs eigetli au grad rechd geil elei finde

I kenn mi Frönd setti 14ni ben, esch do mini ersti Liebi gsieh und emmerhen 9mönet zeme gsieh, för Teenager (oder emu mech) recht lang
De hets aber nömm so passt und hend üs trennt.
10Jahr spöter per Zuefall uf Tinder gseh und mösse matche, eifach nur zum froge wies ehm die letschte 10Jahr so ergange isch wege Neugier und so
Nach paar Wuche sporadisch schriibe, woni scho denkt han, dass sich da ganze erledigt het, da mer zu dem Ziitpunkt bed en F+ gha hend, het er mi de spontan zu sich zum Znacht ihglade zum zeme rede über alti Ziite und wies üs so ergange isch
Zersch bez komisch gsieh vor Stimmig her, het sich de aber baud glöst und hend viu z rede gha hane de au grad schockiert will ich meh isse als ich dernah usgseh und er scho Angst gha het er heig zweni kochet
Am Morge am 3 hetter de mal gfrogt öb er sell s Bett neu bezieh, damit dert schlofe chönng und nömme heifahre müess und er het de Gentleman like ufem Sofa gschlofe und am nöchste Tag Brötli gholt zum zmörgele. Ab do beni jedes Wucheendi be ehm gsieh und nach 2-3Wuche au fasch jede Tag under de Wuche, quasi ihzoge. Nach 4Mönet esch de mi Hund derzue cho Und de nach 6Mönet zeme ine grösseri Wohnig zoge.
Da esch underdesse au scho weder 3Jahr her und ben froh hemmer uf Tinder gmatcht 1. und jetzt hoffentlich letscht Liebi

Ich be scho emmer schlächt of online-datingsiite gsi, das esch gar ned miis met öper fremden öber irgendöpis ahfoh schribe. Meistens hets mi halt wörklech absolut gar ned interessiert (wie de smalltalk bemene fremde coiffeur)
Drum esch öper im real life kenne lehre vel besser. Vorletzt mol i de ferie (vor öpe 12 johr in aya napa ) ond letzt mol im vereinsläbe (guggemusig). De gmeinsami nenner esch offesichtlech de alkohol, bsoffe wörkli schinbar lässig ond sympathisch. (nicht)

Drom de tipp wer sis glöck no suecht: gönd ine verein wo gsoffe werd
Näi aber ernsthaft: es get nüt bessers als es lässigs vereinsläbe

Mer @primo hend eus 2013 uf thats-me kenneglehrt
Höt semmer glii 11 Johr zäme (5 devo verhürotet) und händ 2 Chind wo eus komplett (und soumüed ) möche

Ech gseh da, lovoo esch super

Nach dem ech met desem usem TM schloss gmacht ha, ha ech gfonde blibe lieber allei ond glöck als mer de shit nomou zghe.

Us luter langeweile hani mech de aber of Lovoo agmäldet. Dates hani keni welle. Die meiste händ eh nor gschrebe wäge vögle. Ond ergendeinisch het mer eine gschrebe, es völlig normals Gspröch agfang, rechtig ongwohnt gsi of dere Plattform. Of jedefall hei mer guet 1 monet metenand of lovoo gschrebe ond de mou d Nr. ustuschet. De hei mer per whatsapp witer gschrebe. Öber alles mögleche. Rechtig tolli gspröch. Vorem Greenfield hani ehn de mou gfrogt ob mer mou eis wänd go trenke. Er het de gfonde, er heig sälte zyt, het aber de glich en Vorschlag gmacht (em nochhinein heter mer gseid, heig extra de tag gwählt, well er devo usgange esch, dasi denn no am GF be, er het eich ke bock gha, weller zu oft vo anderne verseklet worde esch)
Hanem de gseid, de tag passi super.
Mer hei üs de troffe. Ab denn hei mer üs regelmässig troffe ond er esch de ou so schlichend be mer "izoge". So nach 1.5 johr hani de gfonde es war gloubs ah de zyt dass mer eus zäme en grösseri Wohnig sueche, sini wohnig zahlt er aber esch eich nie dehte & mini esch zchli för zwei. Send de zäme zoge ond nomou es Johr spöter hei mer es Hus kouft.

Sit gli 8 Johr semmer etz de zäme.

Ha gester grad na die Doku gluegt und finds na passend für de Thread irgendwie xD

Tinder, Bumble und Grindr – Wenn Dating-Apps ins Burnout führen | Reportage | rec. | SRF (youtube.com) einbetten

ich tue amel uf mim insta di beste dating profil screenshots sammle, ev tueni die da mal ufe. @Jo chani da en ordner erstelle für das?

letschti hani so es wunderbars date gha, wo mer en dude innerhalb vo einere stund 5 mal gseit hett, dasses weg sinre intelligenz ebe scho wük MegA SchWieRiG isch zum öpper kennelerne

dating apps au biz wild i letschter zit 🤡

I hasse dating
Nachdem mir üs einisch troffe hei unds eigentlich no cool isch gsi, hetermi paar tag später gfragt, wenn asi znächstemau zyt ha. Hanem zytfänster agäh woni cha. De isch de nütme cho, ou woni nomau nachegfragt ha. I ha när für mi entschide, dasses nid passt, wöuis gärn ha, wenn öpper chli verbindlech und zueverlässig isch. Hanem de das aständig mitteilt. Sini reaktion druf findi schochli übertribe

[Bild]

I hasse dating
Nachdem mir üs einisch troffe hei unds eigentlich no cool isch gsi, hetermi paar tag später gfragt, wenn asi znächstemau zyt ha. Hanem zytfänster agäh woni cha. De isch de nütme cho, ou woni nomau nachegfragt ha. I ha när für mi entschide, dasses nid passt, wöuis gärn ha, wenn öpper chli verbindlech und zueverlässig isch. Hanem de das aständig mitteilt. Sini reaktion druf findi schochli übertribe

Vorauem z blockiere fingi lustig. dä müesst nid befürchte, dassi däm jehmaus wieder schribe

Wer immer okcupid empfohle het...

Ich ha nu Aafrage vo Nigeria, Kongo, Südafrika, Elfebeiküste, Marokko etc.



Gar nid gwüsst zersch, das es international isch. Guet, anderersiits bim Name "okcupid" wird me wohl nid nu s'Chuemilch-Liseli vo Hinderpfupfige kenelerne.