Dating: Ghosting

@Kai was meinsch du?

I be no nie ghostet worde ond has au no nie gmacht. Gseh de grond ned ganz, wieso dass mer das sett mache.

Im schlemmste fall eifach dene do alüte:

Ich find ganz am ahfang nach eim date, hanis au scho gmachd aber meh willses ned hend welle tschegge weme gseid hed es passt ned.

Ich has persönlich scho oft erlebt und s isch au ok gsi ir ahfangs phase. Aber ha etz 2x (1x nach 4 monet date und eimal nach 7 monet date) das döffe erlebe, wo mi sehr sehr mitgno hed. Me wür ja gern e grund wüsse, was ned passt hed zum abschliesse und so wirdme eifach ir luft hange glo. Kes geils gfühl. Aber ebe me hed ja wie ke option ohni selber e mega creep zwerde

Muessmi do scho grad chli oute, han das (wenimi guet erinnere) au scho gmacht woni jünger gsi ben, 16-20 oder so. Im nachhinein esches natürlech mega unfair, aber das esch schwerig zrächtfertige bzw. beweggründ z'erkläre. Es werd halt ergedeinisch "zu viel" und me esch eifach komplet öberforderet met de situation, und desto länger dasme wartet met schribe/mälde desto schlimmer wirds und den esch halt di eifachschti reaktion, gar kei reaktion

Ghosting isch scheisse und gaht definitiv gar nöd.
Züügt vo fählende Eier/Eierstöck, Punkt.

Au ich muess ah dere Stell zuegeh, dass ich sowohl Täter, wie au Opfer gsi bi.
d Täterschaft esch zum Ziitpunkt vom Gschehe knapp 20i gsi.

D Beweggründ zum Ghoste:
Mich hets i dem Fall ahgecklet, mit dere Person wiiter Kontakt z ha.
zuegäh, s esch zu eim einzige Date cho, wo ich denn au "notfallmässig" ha müesse go, wells so dermasse piinlech, langwilig, gruusig, enttüschend und farblos gsi esch.
Denn hani, zuegeh, kei Muet gha, das au so z kommuniziere. Ich hau au s Gfühl gha, wenn ich dem guete Herr a dem einzige Date öppis ha welle erkläre, het er aboslut nüd vo mine Wort verstande und dementsprechend hanis eifach siloh.

d Opferrolle:
Wenns am Ahfang gsi esch, hani das so akzeptiert und kei Gedanke me drah verschwändet.
Wenn denn aber doch scho länger e Kommunikation bestande het, hanis 1-2 Täg setze loh (gwartet) unds denn nomol probiert. und wenn denn nüd meh gange esch, hani mi gschlage gäh und mi zruggzoge.
ich ha probiert mi abzlänke mit mine Huustier, Pflanze, Hobbies, Büecher, etc.

Mich het offtmals de Gedanke "anderi Müettere händ au höbschi Söhn" dobe phalte.
Tönt im erste Momänt oberflächlich, aber es esch effektiv so; d Sonne dreiht sich nid um d Erde, sondern d Erde um d Sonne.
Dorom, wenn de gueti Herr Ghoster nüd mit mir wett ztue ha, eschs besser, er het de Zug jetzt scho gspielt, als wenn mir vell wiiter gange wäre zäme.
Es chonnd öpper Nöis, woni daf kennelehre unds wärt esch, mini Energie dri z investiere.

Das hani chürzlich ersch grad erläbt, isch wörkli kei schöns Gfühl.
Klar wärs schön gsi de Grund für de Kontaktabbruch z erfahre, generell hät mir d Nachricht aber scho nur glängt, dass ebe kei Interesse me do isch. Au wenns wie klar isch, dass die Person wohl kei Kontakt me ha möcht, hangts denn glich no so lang ide Luft. Es zügt eifach vo Unriifi vo dere Person, schlussendlich wetti mit so Mensche au nüt ztue ha.

Im übrige findi aber ischs kei ghosting, wennmr 1x gseit het, dassmr kei Interess me het. wenn s Gegenüber das ned wett verstoh, obwohl me sogar Gründ gnennt het, findis völlig in Ornig weme sich nüm meldet. Ich mein was wetsch mache?

Ich kenn das aber ned nur vom dating, e schiinbar gueti Fründin het mich au mol ghosted.
Do merktme denn, dass die Fründschaft ebe doch ned so guet gsi isch.

Als Teenager hemmr doch alli Scheiss gmacht und eus falsch verhalte, aber abeme gwösse Alter döfmr sich Konflikt eifach nüm scheue.
Und sorry, e churzi Nochricht sött eigetli drin ligge, s git jo denn im Aschluss d Blockieren Funktion, für die wo so feschd konfliktscheu sind

Ich han das au scho gmacht gha, aber nie so direkt, immer eifach weniger gschriebe, chürzeri Antworte geh usw.... eifach willi aml kei Eier gha ha zums direkt säge...
wies denn so will, het mich sKarma heigsuecht vor ca eme Jahr.... lustigerwiis het mer de glich Typ denn vor paar Wuche wieder ma gschriebe... er het denn wieder welle abmache zum erfahre was alles gnau abgange isch i mim abgfuckte letschte Jahr und ich ha denn gfunde: nope! du hesch mich i minere zerbrechlichste Phase gheie lah, ignoriert und etz wo alles verb isch magsch wieder Kontakt ha? nope nei danke... au wenn er sust eich mega cute gsi isch.... aber wie dobe öper scho gschriebe het (mag grad nöd uescrolle und nahluege: Anderi Müettere hend au schöni Söhn

Selber hanis nie würkli gmacht well ich eifach immer klar sege wasi denke... und wenns de öpper nach 3 mal erklere as nüd wird imernoned checkt het.. de hani hald ghosted...

Also s letste Mal woni übelst ghosted worde bin isch es zitli häär.. aber s isch mer bis hüt noned so usm chopf well ich sowas derart abartigs nonie erlebt ha vomne mensch.. nei gfühl sind natürlich nüm ume aber halt ja .. sind sache wo me sich merkt..
I ha öpper sehr guet überne längere zytrum dörfe kennelerne.. es isch ufne beziehig usgluffe. Er het mer sini liebi gstande... und ganz klar gwüsst we ich fühle...
dänn het er sich eifach nümm gmolde.. i ha s persönliche gspräch gsuecht gha ihm aber au ahbote as mer eifach chennd schriebe wenns ehm wöhler isch... aber er het mi dänn usm nüd use fertig gmacht und blockiert..

Ha im nachhinein per zuefall vo sim Arbetskolleg erfahre, as er bereits e fründin gha hed wo er mi dated het.. isch scho chli e schlag id magegruebe gsi zumal i nüd devo gwüsst ha ...

Jää isch ned so geil wenn das passiert .. im allgemeine eifach ned ide ornig!
Es isch leider eifach, i eusem zytalter de #ignore z mache wenn me öpper wött ghoste.. vorallem wenn me ned grad mega nöch wohnt..

Also ich find emfall öperem nöme z antworte, wo es Nei nöd akzeptiert, hät nöd viel mit Ghosting z tue. Das wär für mich denn eifach konsequent de Kontakt abbreche nachdem mer ja kommuniziert hät, dases nöd passt. Das isch ih mine Auge total legitim und nöd verwerflich - im Gägeteil, da findi öper warm bhalte obwohl mer gseit hät mer isch nöd interessiert schlimmer.

Ich bin ei mal für iwie 3-5 Wuche "ghostet" worde nach mehrere Dates und eigentlich sehr regem Kontakt denn eifach mal komplett ignoriert worde. Wo er denn usem nüt wieder gschriebe hät hanis denn au nöm für nötig ghalte namal z antworte.

Grundsätzlich hani je nach Definition demfall au Lüt ghostet, für mich ischs das aber nöd gsi. Wennd mit öperem wod nanie gseh hesch online chli schriebsch und merksch es passt nöd fänd ichs fasch ahmassender das gross z begründe und z erkläre - ide meiste Fäll beruets ja denn uf Gegesitigkeit und de Kontakt verlauft is nüt wasi denn ehrlich gseit voll okay finde. Also ich red da würkli vo chli hi und her schriebe ohni irgenwas abgmacht z ha oder so.
Nach me persönliche Treffe findi gahts gar nöd eifach nöme z reagiere. Wenn ich nach eim oder mehrere Dates gmerkt ha dasis nöd möcht wiederhole hani das immer so kommuniziert.

bin au schomal ghostet worde. afang letscht jahr isch wieder kontakt entstande mit einere, woni vor 10 jahr mal ganz churz datet gha han. isch denn schnell täglichs schriebe und zuespamme drus worde und me het eifach en geile vibe gha. me het sich denn wieder mal troffe und eis het halt zum andere gführt und so het me sich no es paar mal troffe. bis ufzmal abrupt de kontaktabbruch ohni vorwarnig vo ihre cho isch. ich ha denn no 1-2 mal nagfragt, aber has denn si glah, weli selber gmerkt ha dass es mich zu sehr mitnimmt. het ez nöd gseit, dass ich gfühl entwicklet han, aber vilicht so chli es verknallt si und drum ischs halt schwierig gsi z'akzeptiere. ha denn vorem summer (drunk texting halt) wieder naghakt und denn endlich mal isch en antwort cho, wo aber ez au nöd grad viel usgseit het, usser dass ich nüt falsch gmacht han und dass sie halt iwie nöd vor no zrugg gwüsst het usw usf. bin denn au nid bös gsi, für mich ischs erlediget gsi und mer hends guet gha/mittlerwile. mis fazit drus isch halt iwie eifach, dass me sich als "opfer" vo ghosting mega gedanke macht, was het me falsch gmacht, und de fehler bi sich suecht. aber es liit i 99% vo de fäll eifach am ghoster, wo d'riifi nöd het zums beende, oder susch was.

mues zuegeh, has au scho gmacht. isch mer au scho passiert.
teils wills eifach unahgnehm worde isch und ich gfunde han, das isch ez die bremse woni mues zieh

han letscht jahr mal es guets date kah und danach nix meh ghört, han denn doch irgendwenn mal gschribe und gfragt wieso ich eigentli ez ghostet worde bin, han e solala-antwort becho aber het mir vil rueh bracht, die person isch ned ready gsie und het gfunde si schadet mir wenn mir in kontakt bliibed, denn ischs halt so und i han chönne abschlüsse

generell findis natürlich ned toll weme sowas macht, aber mir isch bewusst dases di eifachst variante isch und drum für gwüssi lüt us bequemlichkeit gmacht wird. das isch es problem vom ghoster, ned vo mer schlussendlich

Has sowohl seuber gmacht aus o erlebt.

Ds selber mache isch usemne Mix us "wes di angere mache chani das o" und "ds weni Eier" use passiert, isch natürlech überhoupt ke Rechtfertigung drfür...

Bim selber erlebte hets mr jedes Mau e Knacks is Selbstwertgfüu gäh, haut weui ner ha drann umegstudiert werum und wieso unds ner eich immer ufemne negative Grund isch blibe lige i mim Chopf.

Vo dem her hättis eich sowieso scho früecher seue erkenne und mir seuber igestah, dass ds es No-Go und o "online" meh aus fair isch, weme offe seit was louft oder werums ebe nid louft.

Öbis hüt nümm würd mache? Ke Ahnig. I bi scho lang nümm i dere Situation gsi und wett itz o nid vorusgriffe a la "Ja eh mann, bisch ja ke Arsch meh weus itz besser weisch". Weu i weis haut nid, wies ner ir würkleche Situation usgset unds itz nid eifach heissi Luft wär und ig zwar tiptop reflektiert und suber mis Erfahrigspckli hätt, aber im "Ernstfall" ner trotzdem wider es "Chliine Schnäber Verhaute" würd a Tag lege 🙃

I wünsches mim Zuekunfts-Ich emu, dases de anehout wes so wit chiem 👍🏻

Ha mini "Liebeskarriere" mit ghostet wärde aagfange. Bi mit 15ni z'Bremgarte mit einere verabredet gsi, woni online käneglärnt han. Sind ad Reuss gläge und ha det min erste Kuss becho . Mer hend na en super Namitag gha und ich bi denn wieder hei. Druffabe hät si mer 4 Mönet nid gschribe und ich mit minere erste rote Brüle bi "Eimal Höll eifach, bitte" oni Halbtax. Nach dene Mönet het si denn endlich Antwort gä, si segi im Spital gläge und heg kein Empfang gha.

Sit do ischs mer eigentlich nüme passiert, bisi etz als single ab und zue uf de "Lovetastic"-App chli "umeschmökere". Das isch e Dating App oni Bilder, wod eifach Text und Stimm chasch driitue. Da druff ischs natürlich eifacher z'ghoste, bzw. ghostet wärde.

I Liebessache findis e Frag vom Respekt, dasmer öper drüber unterrichtet, we me fühlt, oder ebe nöd. Streng nach de Regle "Wie du mir, so ich dir".

Ich ghoste glaubs vor allem im Kolegechreis.

ich glaube ich han nie öpper ghosted.
Also ja, isch au scho vorcho dasi öpperem gseit han dases für mich nöd stimmt (oder ähnlich) und de das nöd akzeptiert het und denn hanen blockt (meischtens hanis vorher sogar no ahkündet ) Aber wie anderi au scho gseit hend, isch das ih mine Auge kei Ghosting, han ja mini Gründ mitteilt und nöd eifach nüm gschribe.

Wenni evt. glich mal öpper ghosted han denn eifach will er sich au nüm gmolde het unds sich so für mich erledigt het.
Ich ha aber au nie erläbt dass sich eine nüm gmolde het wenns ih mine Auge guet gloffe wär.. Also wenn denn hanis au biz ‚verstande‘ dass er nüm gschribe het und hetmi denn au nöd gstört..

wia i xeh, bini nid dia ainzig, dia ghosting erlebt het. miar gohts gnauso wia de maista vu eu. doch öppis hani mi oft gfroget: ide bio vu typa betonen sie oft, dass sie offa, diskussionsfähig sind und ehrlichkeit mögen. daher amüsierts mi a biz, dass sie genau s gegatail tuan, indem sie ghosten. aifach kai courage ha (au wens bequem isch), aber hey, miar hend üs troffa.

ghosting isch für mi nur relevant, wenn ma sich nachem treffa nüma meldet.

wenn ma sich nunia troffa het, aber tagalang gschriba het und denn plötzli nüma antwortet, isch das für mi kai ghosting.

aber um ehrli zsi, bini froh, dasi nid dia ainzig bin, dia ghosting erlebt het. ab und zua hani miar de kopf müassa zerbrecha, dases a minra ghörlosigkeit bzw. a miar liit.

Ich glaube im Liebeslebe hani bisher selber weder ghostet, no bini ghostet worde. Bin aber au scho so mengs Jahr vergeh, dasi mi gar nüm so mag erinnere...

Bin aber mal vo minere damals beste Fründin ghostet worde. Ich glaub im Nachhinein betrachtet isch sie nöd demit klarcho, dass ich ihre gseit ha, dass ich mit ihrere neue Flamme Jahre zuvor schomal was gha han . Aber nur e Vermuetig, sie het mir nie gseit, warum sie plötzli de Kontakt abbroche het...

Ich selber chönt vermuetli nöd ghoste - ich liebes Sache uszdiskutiere & hasse Sache wo "eifach so ide Luft stönd"... ich bi eher s Gegeteil & schriebe eher mal z'viel als z'wenig 😅

also uf so dating apps hani durchus au scho eifach nüme gschribe. will ich schribe au ned gern ewig hin und her ohni sich träffe, aber wennd merksch da chunt vom gägeüber würkli so garnüt, denn schint ja au relativ klar s interesse ned so gross zsii und denn fühl ich mich ehrlichgseit auned verpflichtet müsse gross begründe werum das ez ned zu mine standards passt.
wemmer sich aber scho mal gseh het oder mer merkt, dass de ander füür und flamme isch, denn findis unfair sich eifach nüme mälde. denn sägi lieber, dass s'inträsse bi mir ned da isch.
mir isch glaub au scho paarmal passiert, dass mer ein eifach nüme gschribe het. aber ebe, wemmer sich nonie gseh het, hanis bis ez nonie so tragisch gfunde wills denn meistens sochli uf gegesiitigkeit beruht het mitem fehlende intresse. nacheme initiale träffe, ischs mer glaub nonie passiert.

drum findi ez ned dass mer pauschal cha säge ghoste isch nie ok. chunt sochli ufd situation drufah und wie mer "ghoste" genau definiert.

instagram.com/reel/C4sxOVdrrFw/?igsh=MXR4anVkYmJydDVsZQ==


HAHAHAHAHA SO TRUE!!! Genau so bini

ich bin mal 2 Wuche nachdem ich als "d Frau fürs Läbä" vorgstellt worde bin, ghostet worde.... da mir offiziell es paar gsi sind, hani müesse zum creep werde (han na paar sache bi ihm dihei gha woni gern wieder zrugg gha het)... woni ihn denn endli ha chöne konfrontiere, heter sich entschuldigt und gseit es segem eifach alles z vill gsi han ihm denn scho gseit, er het mich ja au nöd vor sim ganze Tennisclub und em Iishockey Verein als d Frau fürs Läbä müesse vorstelle händ denn drüber gredt und das ganze beendet

Ich dänk, mer muess halt scho differenziere bim ghoste, was kontext gsi isch. Wie lang hät mer sich gschriibe, hät mer sich schomal troffe oder sinds grad mal 2 - 3 messages gsi.
Drum ja, d'meiste händs wahrschinlich gmacht und händs erlebt, but ofc there's always gonna be an exception; Wenn du aber bsp. kompletti normal unterhaltig mit jemandem füehrsch und dis gägenüber denn komplett uf en andere konversationsstil switcht wo dir nöd passt, denn weisch, de vibe isch off und es bringt nüt - denn ghostisch / blocksch halt, done. Hingäge, wenns du dänn ebe voll fühlsch und dir s'gägenüber au s'gfühl git, das sie/er das au tuet und denn plötzlich eifach nümme zruggschribt - das isch denn IMO scho chli arschloch.