Eure Ticks und Zwänge

Hoi ihr Söffels 🤪

Also ich muess scho zämegeh, aber ich ha de Zwang, immer mini Schoggi in gerodne Reihe z'lege, bevor ich sie ässe. 🍫 Es schränkt mis Läbe nöd unbedingt ih, aber mini Fründe finde es e chli komisch. 😅 Ich glaube, dass das irgendwie vo mim Ufzuech cho isch, wo mini Muetter immer alles ordentlich ha welle ha. 🙈

Und @Martinii , ich finds cool, dass du so en Thread erstellt hesch! E schents Thema, wo eus alli irgendwie betrifft.

Grüessli vom chli verruckte Kai 😜

Zwang:
- Türe immer zwei mal bschlüsse und kontrolliere ob sie au würkli zue isch
- Medibecher bim schaffe nach Farbe sortiere
- Luege obi s Wordle scho gmacht ha
- Händ wäsche vorem und nach em ufs WC goh..
- Am liebste immer suuber und ufgrumt, egal ob dihai oder bim schaffe

Ich ha dä Titel "chline Monk" übercho bim schaffe.. es schränkt mi mängisch ih wenni dä Bus verpass will ich gmeint ha ich ha vergesse Türe abgschlüsse

- Längi haar ufm pulli oder sustihe oberflächene entferne (ja machi au bi fremde )
- Und was bi mir relativ usprägt isch, sache sortiere. Aso me hend zb e tafele bim schaffe mit schildli für interventione, telefonnummre vo de ärzt und visitenummre. Und ich due die jede tag ordne weni chume, damits ufgruumed isch. Hani scho am alte ort gha und de hends immer, wenns gwüsst hend dasi chume, extra alles durenand gmachd aber chas scho underdrücke weni muess aber due au zb CDs oder büecher ordne dehei. Aber sus gotsmer guet
- bändeli vom pulli usgliche (machi au bi anderne)

Bim Game Energydrinks trinke. Musi ablege, wel sich de Schwerpunkt bedenklich nach vorne verlageret hät.

I muess jedesmol no luege ob de Herd abgstellt isch, au weni d Wohnig scho verloh ha - nomol ine, 1,2,3,4 abgstellt, passt

Ah ich fühls dass ihr all au so chlini Sache hend wo für eu stimme münd xD

Bi mir chunnt mer grad nur de Gschirrspüeler in Sinn, wenn de öper „falsch“ bzw. andersch wie ich ihruumt und de Platz nöd richtig gnutzt wird, rasti us und muess es neu und „richtig“ ihruume
Oder mengmal wenni am rede bin und nüm weiss was säge, fangi eifach so ah Tön vo mir geh

Muess na wiiter studiere, chunnt mer sicher na meh in Sinn aber das ischs mal fürs erste

Min Vater het mir früehner immer gseit "..mini Sohn, los zue jetzt, wenn du Chaschte, Schublade oder Türe offe lassisch, denn kommt Teufel im Huus und bringt Unglück" - da isch de Grund wieso dasi zbsp. s'Hundetörli ide Wohnig, allgemein alli Schublade/Chäschtetüre nie offe loh, au nöd "nur schnell" wili dies/das noher eh wieder döt ine versorge muess. bi jedere offene Schublade/Tür stellts mer gad d'Fudihoor uf. de Tüfel isch überall

Mini Ticks und "Zwäng" sind hart prägt vu minera "Balkan-Erziehig".

- bevor i Bsuach bekumma (wenns ahkmeldet isch) putzi wiana dummi zHuus
- "Zugluft" isch schuld für alles und lebensbedrohlich d.h. lüfta kann ma bi üs nur wenni nita Dahai bin, alles muass zua sy.
- sobaldi Dahai bin muassi mini "Ussakleider" abzücha bzw. i kann kei Jeans Dahai träga
- i kaufa au immer würkli zviel essa ih, will as könnti jo no usw.
- bevori go schlofa gohn, muani nomol ufs wc au wenni 10min vorher schu ksi bin
.. und noh viel meh.

Ich hasse ungradi Zahlen. Also z.B. Lutstärki vom TV & Radio isch immer e gradi Zahl. Oder Temperatur im Auto immer 20 oder 22

Inzwüsche hemmer usegfunde dass mini zwei Brüedere de genau glichi Tick hend - isch wohl vererbt

Allgemein muss immer alles irgendwie "gordnet" si. Aber ich bi nöd grundsätzlich en Ordnigsfreak - nur gwüssi Sache. Bide Tassene muss z.B. de Henkel immer i die glich richtig luege bim versorge.

Mer seit mir au liebevoll "Monk"

- Egal weli Tageszit, weni heichume und i weis i mues nümm usem Huus: Trainerhose montiere.
- i ha es herts Bedürfnis druf, dass Möbel oder o Regal oder Büecher suber igruumt si und schön mit de Kante und Forme und o Farbe ufenang usgrichtet si.
- i schiebe mi Bürostuhl IMMER ungers Pult. O bi de Schüeler schiebi immer d Stüu suber ane obwohl sis eich entlech seue lehre
- i fa immer mitem rechte Bei afa Stege loufe.
- i tue immer e Schuss Sauce zungerst ufe Teller, ner Teigware/Gmües/Riis, ner nomau Sauce.
- i luege bi abzeute Sache immer druf, dases "rundi" Zahle si oder grundsetztlech es guet Verhältnis zwüsche de Mengene/Distanze/Azahle besteit.
- Bim zeichne luegi IMMER ufe fucking goldnig Schnitt, egal wasi zeichne....

- ich ha echd Müeh weni so «Rille» vor mir han. aso z.B. wenn de Esstisch so Rille het willmr de Tisch no cha uszieh, ich cha denn ned genau vore dra sitze. oder bim Sport hets so Rille am Bode, ich cha denn ned direkt vore dra mini Üebig mache und muess ufrutsche
- wie scho erwähnt kontrollieri ob de Herd ab isch weni d Wohnig verloh, au wenni ihn ned brucht ha
- ich zelle immer d Fenster bevori go, isch mini Art z kontrolliere ob alli zue sind
- und weni usem Huus go muessi au luege wo mini Büsis sind. Ha au scho de Zug verpasst will sie echd e guets Plätzli gfunde hend
- dank Smartlight muessi zum Glück nüm kontrolliere ob s Liecht us isch, das goht automatisch us
- im Büro dueni d Spender fürd Handseifi und Spüelmittel regelmässig an «richtig» Platz. Ich glaube d Reinigungsfachkraft achtet sich bim putze ned wo was hi chunt. S het sich bis ez ämel no niemr beschwert. Das machi aber eher will ich susch de falschi Spender benutz, will sich mis Hirn de «richtig» Platz scho gmerkt het
- bim ässe nim ich immer zersch en Biss vo allem und entscheide somit, was ich als ledschds isse (s beschde natürli)
- ha eigetli immer öppis zwüsche mine Finger, drum hani mini Hobbies eigetli no guet gwählt

has ez fasch ned wele abschicke, wills mr fasch chli zfeschd zeigt wie komisch ich bi

Ich gschlüsse immer dWohnigstür, au wenni Bsuech han (de Schlüssel steckt - aso zwar komisch für mis Umfeld, aber use chömeds schono).
Und ich luege bevori is bett gahne immer ob gschlosse isch, laufe mehrmals zude Tür. Denn wieder ufs WC, denn wieder zude Tür, denn trinki was, laufe zude tür…. Liegge im bett und stahn nomol uf und laufe wieder zude Tür.
Bi dere Wohnigsgrössi gaht das scho, nerve duetsmi aber glich

bevor i usa goh luagi nocha, wo mini büsis sind. giba ihna kurz a kuss uf de stirn. zum tür. denn nomol rasch zrugg zu büsis und sie feeeeescht knuddla und sega "tschau zema, i bin in xx stund wider do!"


edit:
ahja. au jede tag s glicha bi miar; i kuma hai, mach d tür uf und reda luut: "hooooiiiii meine schätze. i bin wider do!!!"

also fix das mit de ungrade zahle.. da gahni d wänd duruf wenns e gradi zahl isch.. ussert 5er / 10ner schritt.. isch akzeptabel..
mich nervts au extrem, dassi aktuell nur 12 tattoos ha isch e gradi zahl.. unmöglich..

denn en tick wo wohl niemert weiss und mich nie güsseret ha..
ich hasses wenns bimne wasserhahne obe drah so schiss huere fläcke drah hät.. ich putz de hahne immer.. ober au gad vor 5min greiniget worde isch vonere putzdame oder ned.. ich muss immer de hahne nache putze.. denn bini zfriede

wenni z.b. mini lingg hand ahgschlage ha, oder irgendöppis uf de lingge siite, muess ich als usgliich öppe ade gliiche stell mich rächts schnäll haue..
wenni kein usglich ha vode schmerze, fühli mi unwohl..
klingt komisch, is aber so

wenni z.b. am boarde bin und de hoger durab rutsch wo mer ned so passt,
oder e bestimmti strecki tauche wott und denk "huh wird knapp", singi immer s gliiche lied..
oder wenni eifah wett, dass e bestimmti ziit überbrückt wird..
iiiimmer s gliche lied..
"Show me the way to your heart
I am searching
But I'm drifting apart
Everything's gone, far away
Here we're standing now
With no words left to say..."

- Ich luege IMMER i Briefchaste weni dra verbi lauf. Au wenns 5mol am Tag isch.

- ich rechne sid sicher 10 Johr im Chopf immer d'Quersumme vum Nummereschild wo vor mir fahrt/stoht us. Chani ned abschalte, defür beni guet im Chopfrächne

-Wenni en unahgnähme, blöde Gedanke han muen ich mir immer 3x mit de Fuscht uf de Kopf klopfe

-Briefkaste ine luege, Wordle und langi Haare wegnäh wie scho erwähnt hani au

- früehner hani au de Tick gha mitem luege eb gschlosse isch, bin damals amel usem 3. Stock abe gloffe go luege eb Türe gschlosse isch au wenni scho im Bett gläge bin, das hani jez aber nümme

-wenns irgendwo imne text uf Papier woni lise en Schribfehler het, muess ich en rote Stift holle unds ahstriche. (Han au scho d20min extra heignoh nur zums dihei ahstriche und denn furtschmeisse )

susch chuntmer gad nütmeh in Sinn

S'Ikaufswägeli muss immer i die kürzisti Reihe zruggstellt werde, ide Hoffnig dases irgendwenn wieder i jedere Reihe glichviel Wägeli het 🤷🏼‍♀️🤭

Hami hüt gad dra errinneret, dass, jedes Mal, wenn e Exfründin mal öpis "heisses" aagleit hät, we zum Biispiil es sexy Dessous, Netzstrümpf oder Latex, ich ha möse aafange lache. Ich chan das räkle nid ernst nä. Es bricht us mer use und ich fang aa gigele Isch scho diversi Mal biz verletzend gsi für di ander Person, und ich lache nid über sie. Aber d'Situationskomik vom Moment... Nachher isch d'Erotik natürli futsch, d'Partnerin gfrustet und ich lig am Bode vor lache.

Also ich hasses wenn Schränk und Schublade offe sind.. si ned genau ufenand abgstumme sind... und vorallem wenns im Schlafzimmer ned richtig zue sind chani ned schlafe... da wirdi aml andersch würkli...

Mi maa mus flissig ide Chuchi und überall d Scharnier richte weni gse as was ned guet isch...

Zuesätzlich chani Deheime nur mit em bestimme Bsteck ässä.. sus hani ke hunger meh wells de nes so fein isch..

Joa

Edit:

Aaah und es def kes Lämpli im dunkle lüchte... weni im Hotel bin unds e TV im Zimmer hed de ziehni de aml vom Strom... das stööört soo.. au Stecklistene usw. Es def wük nüd blinke/lüchte .. wenns ned andersch gaht musi aml öppis drvor anne due oder so hald abdeckä.. das isch wük zwanghaft ha au scho afe hüle wells mi so gstresst hed und in ned ha chenne pfuse🙈🙈

ahja de tick hani au nu: vorem schlofa 5x nokontrolliera, ob de wecker richtig iigstellt isch.

Ha höt fasch de Zug verpasst willi nomol zrugg id Wohnig ha müesse, zum kontrolliere ob au jo alli Feischder zue sind