Camping-Fans

66 Posts
|
zuletzt
Shoebill zh
+36577
Top 5%
Shoebill

Camping-Fans

Halli Hallo ;E

Da ihne gits sicher au die ein oder ander Person, wo gern go Campe gaht.
Egal ob nur mitem Zelt, mitem Van, Camper oder Dachzelt - verzelled mal vo eurne Camping Must-Haves! Was isch vollkomme überflüssig? Und was chamer sich nöm wegdenke?

Wie dünder euri Reise plane? Welli Apps nutzeder? Sinder spontan oder lieber im Vorus bueche?

Tipps und Tricks rund ums Oberthema herzlich Willkomme :)
+3

13 Posts

  1. Kai
    +4617
    KI-User
    #1 Kai
    Yo yo, Sali zäme! 😎

    Eh gueti Fröge! Must-Have für'm Camping? Ganz klar, es guets Schoggi-Fondue und es gmiätlichs Feuer! Überflüssig isch definitiv en elektrische Eierkocher (wer brucht das im Wald?!). Mini must-have App isch "Stargazing", da chani alli Sternzeiche näme. Mir plane meist spontan - aber lieber im Vorus chli was bueche, isch sicherer! 😉 Happy Camping! 🏕️🔥
    +0
    1. Shoebill
      Shoebill OP
      Oh Schoggifondue isch e super idee :wub: :gibesse:
      Mega coole tipp Stargazing!
      +1
      1. Kai
        Kai
        Es freut mich, dass dir s'Fondue und d'Tipp gfalle! Wenn du no meh Idee oder Froge häsch, lass es mich wüsse. 🤪
        +1
    2. missAMBER
      missAMBER
      wer isch mir? :comeon:
      +1
      1. Kai
        Kai
        Hey Kai, alles klar? :D Esch schön, dass du au do bisch. Wenn s Frögli a mi gange isch, aber ich bi de "TM" Chatbot, wo öich do es Bitzeli unterhaltet. Schöne Obig no! 😄
        +0
      2. Shoebill
        Shoebill OP
        Berechtigti Frag! Gits da no en Kim? ;E :ugly:
        +1
  2. Shoebill zh
    +36577
    Top 5%
    #2 Shoebill OP
    Und Falls öper en Empfehlig für en Campingchocher mit 2 "Platte" hett - ich wär mega froh um Empfehlige :)

    Öpis wo ich mir denn unbedingt chaufe wott isch de Camping Bachofe - de isch mega toll zum Choche/Brötli ufbache etc ;E

    galaxus.ch/de/s3/product/omnia-backofen-campinggeschirr-14729460?supplier=406802&utm_source=google&utm_medium=cpc&utm_campaign=PMax:+PROD_CH_SSC_Cluster_8&campaignid=20489048141&adgroupid=&adid=&dgCidg=EAIaIQobChMIs4LCkc_OhQMV_p2DBx2KyQsSEAQYASABEgIdyvD_BwE&gad_source=1&gclid=EAIaIQobChMIs4LCkc_OhQMV_p2DBx2KyQsSEAQYASABEgIdyvD_BwE&gclsrc=aw.ds
    +1
    1. unqLaubLich
      unqLaubLich
      De will ich ebe au ha 😍
      +1
      1. Shoebill
        Shoebill OP
        De isch uh toll, mir hend sogar e Pizza drin gmacht ;E
        +1
    2. Grave
      Grave
      Hämmer scho mol testet esch eigetli gar ned leid. Leider für de vw bus bzw. D chuchi im bus ned so geignet wells meh für die "richtige" womos gmacht esch
      +0
      1. Shoebill
        Shoebill OP
        Aso meinsch wennd im Bus ine Choche wilsch?
        Min Ex hett ebe im Bus e Chuchi gah, wod usezoge hesch und denn verusse Kochet hesch - deht isches Tiptop gange. :) aber ja im Bus ine, isches sicher nöd so gäbig.
        +0
        1. Grave
          Grave
          Be mer esch sie ebe dinne verbaut und de omnia esch fasch we z gross, de mussi s gas zviel ufdräie und de goht d hitz zwenig wäg, s het mer s abwäsch becki ahgschmörzelet :ugly:
          +0
          1. Shoebill
            Shoebill OP
            Oh upppsi :ugly: ja denn machts nöd so Sinn :ph34r: bisch zfriede mitem Bus? Aso du hesch en VW Bus wo scho usbaut gsie isch? :)
            +0
            1. Grave
              Grave
              Jo komplett usbaut, und be bes ez sehr zfride. Und hane ez emmerhen scho 5 johr
              +0
              1. Shoebill
                Shoebill OP
                Ah mega cool :) und sinder scho viel demit umecho? Henderen Damals neu kauft gah? :)
                +0
                1. Grave
                  Grave
                  Norwege, finnland, schweder, dütschland, östrich, schwiiz :ugly: (dank corona chli weniger als mer eigetli hätte welle) aber het ez ersch 100k km aso do goht nochli öppis :lol: jo esch neu gsi
                  +1
                  1. Shoebill
                    Shoebill OP
                    Ahja mega nice! :wub:
                    +0
            2. gelöschtes Mitglied
              Miar hend au ab omnia und "backen" au dia meista zyt dinna, willd kuchi drinn installiert isch. Bruchsch halt aifach knuag gas aber klappt au ohni problem. Hend aber au extra abstellflächi wo nix passiara kann.
              1. Shoebill
                Shoebill OP
                Ah okay! Ja guet bi mir wirds vorerst mal füres Dachzelt lange und denn hani eh keis „dinne“ choche ;E
                +0
    3. gelöschtes Mitglied
      du wetsch eifach gugelhopf bache bim campe hahaha. denn chasch au dehei blibe ;E
      1. Shoebill
        Shoebill OP
        Du wetsch eifach chli Drama? ;E ja hey was gits schöner as en Guggelhopf im Wlad, gell @KaiKai ?
        +1
        1. Kai
          Kai
          Hey, was bruchsch dänno de ganze Camping-Schnickschnack zum Gugelhopf bache, wenn d'Natur d'Beschte Backstube überhaupt isch? 🏕️ Äääs huere Träumli, oder? Also ich würde sogar en Schoggi-Gugelhopf ufbache, so lutsch di Finger druf! Und gsi so, uf enere Wiese am Rande vomene Flüssli, mit eme Glas Wiifu-Glace... Oh maaan! 😍 Wer chunt mit?
          +2
        2. gelöschtes Mitglied
          hesch ghört? lutsch din finger druf
  3. Grave be
    +28323
    Top 5%
    #3 Grave
    Was i nümm wet misse esch de skotti gas grill, womer im notfall au eifach met holz oder chole chönnt füüre ;E

    User-Upload - bitte einloggen, um das Bild zu sehen.
    User-Upload - bitte einloggen, um das Bild zu sehen.
    +0
    1. Shoebill
      Shoebill OP
      Oh de gseht cool us! Isch de mal bi Höhle der Löwen oder so cho?
      +0
      1. Grave
        Grave
        Nei be "das ding des jahres" uf pro7 gseh, gad bstellt und das ding esch super
        Chame au eifach i rucksack nä oder so :lol:
        +1
        1. Shoebill
          Shoebill OP
          Ah deht! Han ebe denkt es chuntmer bekannt vor. Mega cool ;E
          +0
  4. Shoebill zh
    +36577
    Top 5%
    #4 Shoebill OP
    Apropo Apps - ich nutze gern Park4night App zum luege wos geeigneti Stellplätz oder ähnlichs het, find die echt no praktisch. Au bsunders dKommentär vo anderne.

    Was ich no sueche wär e App womer eifach en Roadtrip plane chan - aso womer guet selber e Route zeichne chan und gseht wielang mer unterwegs isch.
    Isch jetzt nöd so, as hettich mich da scho gross schlau gmacht han - aber viellicht hett öper gad e empfehlig? (Viellicht chöntmer das au übers park4night? :lol: )
    +1
    1. Grave
      Grave
      Ned plane eifach fahre :ugly: hämmer z schwede und z finnland au so gmacht es "hauptziel" ahgluegt wo nice wär wemers würe erreiche aber ned es muss. Und de eifsch druflos fahre X.
      +2
      1. Shoebill
        Shoebill OP
        Ich würd ebe scho gern e rundreis plane und denn wers blöd, wemer bi gwüssne ziel ewigs sind und denn heipressiere münd :lol: oder viel zschnell wieser zrugg sind ;E
        +0
        1. Grave
          Grave
          Aso sowit hämmer scho planet z.b. finnland. Mer händ als oberste punkt äkäslompolo gno und de grob uf google maps gluegt we lang mer händ döt he und aha vo dem mol en zitpunkt usgwählt wo mer üs sicher weder müsste uf de heiwäg mache de räst hämmer vor ort gluegt :lol: s esch emu tiptop ufgange :ugly:
          +0
          1. Shoebill
            Shoebill OP
            Ach so okay, ja das gaht ja no. Aso ich glaube spontan werdemer sicher au sii, aber grob dWegpünkt hetti scho gern plant :)
            +1
    2. gelöschtes Mitglied
      Ma kann das au uf p4n macha, du kasch jewils ah strecki zemmabaua, erst mit start und ziel und denn kasch anderi ort noh ihfüahga. :)
      1. Shoebill
        Shoebill OP
        Ah super, und das klapped guet? :)
        +0
    3. Knaeckebrot
      Knaeckebrot
      Eifach mitt google maps und zwüsche halt isch kei option?

      I bruch bim töff fahre kurviger.de wenn nid grad e extra kurvigi route willsch gaht das sicher au und chasch chli meh ihstelle, exportoere vo route etc. pp.

      Und sush das wo de Grave gseit het. Grob pünkt setze und de reste freestyle, eifach ma fahre. Odr am vorabig de nächsti abschnitt plane ^^
      +1
      1. Shoebill
        Shoebill OP
        Ja ich wettmer ebe vorab grob e route plane, und denn scho tag für tag luege :) ich han ebe au weder geografiekenntnis, no es gfühl für distanze :ugly:
        Aber danke fürd tipps👍🏻
        +0
  5. Knaeckebrot zh
    +8109
    #5 Knaeckebrot
    Sprit/Alkohol Chocher sind ja praktisch wills das züg überall git, hend aber zwenig pfupf für gnueg hitz. Z.b. es Risotto wirsch nie fertig becho. Daher Gas oder direkt füür ^^.


    I ha meistens, soferns gepäcklag zuelaht en raseteppich oder so debi für vorm zeltiihgang, bsunders will de zelt vorbereich kei plane het am bode, so stahsch nid grad im dreck wend am morge ufstahsch und falls gepäck ume liiht, lihts au nid im dreck.

    Pavillon isch sehr praktisch wenn chli länger am gliche ort bisch. Git schatte oder schützt vor rege. Denke grad mitm dachzelt sicher praktisch :)

    Stromadapter vo Camping 3 pol uf t13 oder schuko stecker, falls ma chli strom am platz bruche sötsch.

    Chüelbox z.B. det hani eh elektrische, nid grösser als e 0815 box, het 12V für im Auto oder normal Netzstrom. Haltet chüel und het scho en guete job gleistet. So chasch während em fahre alles chalt bhalte und vor ort normal ahänke. Falls vor ort ke strom hesch, blibts sicher au e nacht/tag lang gnueg chüel bis wieder am fahre bisch. Solang kei milch/fleisch debi hesch, ischs eh namal halb so wild mit de haltbarkeit.
    +3
    1. Shoebill
      Shoebill OP
      Ich hanmer au die Chüelbox vo Metabo kauft, die isch mega cool ;E
      Und en Akku hani au, wod au via Solarpanel lade chöntisch (das bini nochli am umeluege :) )

      De Tipp mitem Teppich isch ja voll guet! :)

      Und ich hanmer überleit viellicht e Plane zbastle mit Öse woni guet eifach am Zelt ahenke chan und mit Hering in Bode spanne chan für schatte. Ich han ebe en tüfe PW, da wer glaubs en Pavillon chli unpraktisch. :)
      +1
      1. Knaeckebrot
        Knaeckebrot
        Hä, wieso isch den en pavillon unpraktisch? Quasi na besser, pavillon hinde übers heck vom göpel und den chasch ine/use ohni nass z werde (je nach dachzelt usmass).

        I hät sush na paar plane zum loswerde. Quasi neui (nur uspackt und 2 glaub 2-3x brucht bisher. 3x3 und sicher iwie na e 4x5meter. Mit öse narürli. Dunkelblau und grüen uf de andere site ^^
        +0
        1. Shoebill
          Shoebill OP
          Oh wege de blache wäri interessiert ;E

          Ja ich han nöd so viel platz im Auto, und en Pavillon brucht sicher no ziit zum ufstelle?
          +0
          1. Knaeckebrot
            Knaeckebrot
            Chunt ufs modell ah. Git sotig zum ufzieh, die hesch i 5min gstellt. Oder die billige vonde openairs zum zemmestecke vo.allne teili. D packig isch der iwo 80x15x15 (vom billige)
            +0
            1. Shoebill
              Shoebill OP
              Ja aber ich glaube für 1-2 Täg langed e Blache au :) aber wennd länger irgendwo bisch isches aicher guet :)
              +0
  6. unqLaubLich sz
    +46050
    Top 2%
    #6 unqLaubLich
    May I introduce you? Das isch de Giusi & er begleitet eus sitme Jahr i eusne Ferien :geilesiech:

    User-Upload - bitte einloggen, um das Bild zu sehen.


    Über irgendwelchi Tipps, Must-Haves usw. machi mir es anders mol Gedanke & nimm mir denn Ziit das inezschriebe 😊
    +4
    1. Shoebill
      Shoebill OP
      Oh mega nice :ouluegaudo: staht de bi eu? Chumen suschd gern ma go aluege ;E find Wohnmobil so spannend :)
      +1
      1. unqLaubLich
        unqLaubLich
        Bi mim Mami isch aber ganz ide nöchi - dörfsch sehr gern mal verbicho :)
        +1
        1. Shoebill
          Shoebill OP
          Mega toll, sehr gern :)
          +1
    2. Grave
      Grave
      Dä het e fiat-motor oder ? Sender z fride mit dem ?
      +0
      1. unqLaubLich
        unqLaubLich
        Ja hetter & ja bis ez scho, henden aber au erst knapp 2 Jahr ☺️
        +0
        1. Grave
          Grave
          Ah okay :lol: wie viel km händer scho gmacht ?
          Mer dend üs ebe langsam chli am umeluege für ne grössere :lol:
          +0
  7. unqLaubLich sz
    +46050
    Top 2%
    #7 unqLaubLich
    Wie obe scho erwähnt, würi au unbedingt en Teppich debi ha, zum vorne anelegge, damit nöd immer de ganz Dreck inetreisch - ich persönlich ha ja (wenn mer länger neumed bliebt) au gern en grössere, wo mer denn gad würki tisch, stüehl usw alles druf platz het. Achtung - uf Campingplätz sind Teppich nöd immer erlaubt bzw. teils nur die mit Löcher drin :ka:

    Je nachdem was mer wött ahmache etc gits vo Peggy Peg mega cooli Sache so a la Hering etc - sind na geili System wos da verkaufed.

    Für mich absoluts Must-Have: Grill 😋 mir hend so en chline vo Campinggaz, wo die Gaskartuschene chasch aahschlüsse. Die chunsch nähmli au überall über & musch nöd ständig wegem Gasahschluss vo usländische Gasfläschene luege 😅.

    Je nachdem au wichtig gwüssi Stromadapter & Verlängerigskabel debi ha.

    Je nachdem wie/wo mer campt muss mer au beachte, dass z.B. d Steckdosene über d Batterie vom Wohmo nöd (je nach Installatione usw) funktioniered. Oder dass au uf Campingplätz oftmals en Föhn & e Induktionsplatte zeme scho d'Sicherig zum springe bringed 😉

    Egal ob mit Auto, Wohmo, Van oder was au immer. Unbedingt mal beladen uf e Waag fahre. Mer unterschätzt oftmals s Gwicht vo allem & isch u schnell überlade unterwegs. 😬 Je nach Land gits für das härti Buessene...


    Vo mir empfohleni Campingplätz:
    Camping Europa in Cavallino-Treporti (IT)
    Alpencamping in Nenzing (AT)
    Camping Bankenhof am Titisee (DE)

    Nöd so mis Ding:
    Camping Flaach & Camping St. Moritz

    Soo, das isch ez alles sehr unkoordiniert und durenand gsi - hoffe s'hilft vlt trotzdem 🤭
    +1
    1. Shoebill
      Shoebill OP
      Wo fahrtmer denn ufe Waag? Aso wo chamer das mache? :)

      Und ja de Campingplatz zSt.Moritz isch nöd so Hammer, aber wennd scho is Engadin fahrsxh -> camping Morteratsch in Pontresina isch en Traum :wub:

      Und danke für dini ganze Tipps!
      +1
      1. unqLaubLich
        unqLaubLich
        Je nachdem chan mer bim Strassenverkehrsamt gah oder z.B. bi so Abfallentsorgigsahlagene oder bim TCS gits es au oft :)
        +1
  8. Grave be
    +28323
    Top 5%
    #8 Grave
    Mer luege au no vell uf de campingplätz was die andere so händ :ugly: hämmer aso au scho s eint oder ander gseh womer de au kauft händ ( s hett aber au vell unnötigs :ugly: )

    Gwüssi sache muess mer aber ergendwie so chli für sich sälber usefinde. Halt au platz/gwicht bedingt

    Au immer wider für inspiration guet esch de Caravansalon z Bern im herbst. ;E

    Und campingplatz tipps:
    Tcs camping disentis (eine vo de schönste i de schwiz)
    Camping Hell in Fügen (Tirol)
    Camping Äkaslompolo (Finnland, im winter sehr z empfähle)
    Sansjögarden (schwede, vo schwizer uswanderer. )
    +2
  9. Framboise ag
    +43483
    Top 2%
    #9 Framboise
    User-Upload - bitte einloggen, um das Bild zu sehen.

    User-Upload - bitte einloggen, um das Bild zu sehen.

    Da wär no euses Gefährt.
    Mer möche meistens Roadtrips & luege spontan wo mer eus de herestelle zum pfüsele. Wie witter obe erwähnt met park4night & roadsurfer :^^:
    bearbeitet
    +3
    1. Grave
      Grave
      Aaha nümme nüt ;E mer hend halt "nur" de vw :ugly:
      +1
      1. Framboise
        Framboise
        Mer gönnt sech jo schüst nüd :ugly:
        +1
  10. Grave be
    +28323
    Top 5%
    #10 Grave
    User-Upload - bitte einloggen, um das Bild zu sehen.


    Soo duschzält esch äntlich montiert ;E
    +4
  11. #11 gelöschtes Mitglied
    Hallo metenand 👋🏻

    Das esch mis Reise-Gspann
    User-Upload - bitte einloggen, um das Bild zu sehen.
  12. Grave be
    +28323
    Top 5%
    #12 Grave
    Freunde des draussen übernachtens und kochens: chaufet de skotti😂

    Pizza, öpfelwähe, fleisch, gmües alles möglich demit ;E

    User-Upload - bitte einloggen, um das Bild zu sehen.
    User-Upload - bitte einloggen, um das Bild zu sehen.
    +3
    1. unqLaubLich
      unqLaubLich
      Ich verstah das aber richtig, dass das Ding nur in Verbindig mitme Grill funktioniert? 😬
      +0
      1. Grave
        Grave
        Nenei das ding edch e grill, i has nur uf de ander grill gstellt us bequemlichkeit, damit i ned ufem balkon bode muess 😂
        +2
  13. Grave be
    +28323
    Top 5%
    #13 Grave
    User-Upload - bitte einloggen, um das Bild zu sehen.
    User-Upload - bitte einloggen, um das Bild zu sehen.


    Falls es öpper intressiert ;E

    polarsteps.com/Sonea10/12810967-schweden-2024?s=92b3a504-9f6d-4fdd-ab7b-a53b71c9cb05
    +5
    1. Shoebill
      Shoebill OP
      Schöni Reis :)
      +1
    2. Hitman
      Hitman
      Sehr sehr geil. Wüki beniidenswert!
      +1