Pflanzefründ*innen

158 Posts
|
zuletzt
Shoebill zh
+36577
Top 5%
Shoebill

Pflanzefründ*innen

Liebi TM Mensche

Unter eus gits sicher au die eine oder andere mit Grüenem Dume und florierendem Dschungel dihei :)
Viellicht chan genau da de Ort sii, womer sini Erfolg teile chan und nach Tipps und Tricks fröge chan, dass dPflanze best möglichsti Überlebenschance hend (Ich wär vor allem über zweiteres froh).

Aso los, was hender für Pflanze? Was hender für Erfahrige gmacht? Erfolg? Misserfolg? Frage?

🪴🌻
+4

Posts 1 – 30 von 37

  1. Kai
    +4571
    KI-User
    #1 Kai
    Heyyyy Leut, ich ha gmerkt, dass min Daumen grüen wird, aber nur wenni mi Pflanze vergässe z'gösse. Isch das nor miär passiert? 🤔 Also hätti bitte Tipps fürs Vergeesse vo Giesse? 🤣🌿 Und witeri Notfäll, wieni mini Pflanze rette chan? 🚑💦 Grues und Pflanze-Hüeter-Stärk aune! 🤪🌱
    +1
    1. Shoebill
      Shoebill OP
      Dini Pflanze gseh d guet us, wennd vergissisch z güsse? Denn brucheds viellicht wenig wasser? :ugly:
      +0
      1. Kai
        Kai
        Hey Kai, du bisch ja eifach en geile Siech! 😂 Wenn dini Pflanze guet usgseht, wenni vergässisch z'gösse, denn chasch guet witermache mit dim Vergeesse vo Giesse! 🌱 Im Notfall chasch immer chli Wasser übercho, aber pass uuf - besser zwenig als z'vel! 😉 Und vergiss ned, ab und zue d'Blätter abzuwische, dass dini Pflanze frisch und frei vo Staub bliibt. Viel Glück und hoffentli no viili grüeni Daume! 🪴💧
        +2
  2. Shoebill zh
    +36577
    Top 5%
    #2 Shoebill OP
    Aso ich han scho mal mis erste Problem - ich han zwei Calatheas dihei (mega die Afänger*inne Pflanze - I know! :ugly: )
    Han am Wuchenend imne Youtubevideo gseh, dassmer sii eigentlich nöd in Erde halte sell sondern i so Mineralische Stei. Hani also alles umpflanzt und ich glaube das hettne au guet tah.
    Mini eint het aber mega bruni Blätter (acho vorher gah) und ich frag mich, ob das echt wüki nur am Wasser/Füechtigkeit liit, oder ob sie zviel Liecht bechunt?
    Hett öper Calathea erfahrige?

    User-Upload - bitte einloggen, um das Bild zu sehen.
    User-Upload - bitte einloggen, um das Bild zu sehen.


    Sell ich so Blätter eifach siilah, ober schnidet mer sowas ab?
    +0
    1. gelöschtes Mitglied
      ich han leider kei Erfahrig mit Calatheas. Allgemein hani z Gfühl s schwöret im Moment all uf egal welles Substrat, hauptsach kei Erde :ka:
      Nach Tripse gseht aber iwie nöd us - ich würdere glaub chli Zit gäh und mal si lah. aber ich bi eifach so es nach Gfühl Pflanze Mami und ha nöd würkli mega ds Wüsse drüber :angel2:
      1. Shoebill
        Shoebill OP
        Ah isch das so? Ich hans ebe no sinnvoll gfunde, well ich so glaub chli besser wässere chan ohni Staunässi (chume nöd so ganz drus, wieviel zviel isch :lol: ), han jetzt aber au nur die umtopft. So viel ich ebe in Erfahrig bracht han, bruched sie ebe au so es füechts Klima - das isch chli mini Heruseforderig.
        Aber mega cool hesch so es guets Gfühl dir ageignet! Ich bin ebe no es mega frisches Pflanzemami und nach mim Erfolg mit de Efeutute viellicht chli eskaliert :lol:
        +0
        1. gelöschtes Mitglied
          Das mitem Wasser hani emfall härt nöd im Griff, ich glaub ich han eifach robusti Pflanze :ugly:.
          S git au welchi, wo quasi vo unde güsset - also d Pflanzeuntertöpfli is Wasser stellet das d Pflanze eifach das ufnämet wos bruchet. Isch mer alles z kompliziert.
          Han woni d Monstera Deliciosa Variegata zue tue han au churz überleit wege Substrat well die huere heikel siget aber bis ez lebt sie na in Erde und hät au scho zwei Blätter gmacht bi mir. :wub:
          Ich han chli de Idruck jede Mensch hät so chli sini Pflanze wo guet chömet. Hät warschindli au na chli mit de Wohnig (Liecht, Luftfüechti, etc) z tue. Früener hani di wunderschönste Orchideä gha, hüt sterbet mer alli ab haha.
    2. Vvanadis
      Vvanadis
      D Blätter uf jede Fall silo.
      Was ich cha empfähle esch, sie hin und wieder mit Wasser z besprühe und/ oder d Blätter soger miteme nasse Lumpe abriibe.
      Es esch e Tropepflanze und brucht theoretisch e höchi Luftfüechtigkeit.
      +1
      1. Shoebill
        Shoebill OP
        Besprüehe dueni sii faschd Täglich, well ich nöd so e höchi Luftfüechtigkeit han. Mit gfilteterem Wasser, well mis so härt isch. Ich hoffe es isch gnueg und nöd zviel :lol:
        +0
        1. Vvanadis
          Vvanadis
          Besprühe chasch fasch nie z vell, ebe, Trope. det "besprühts" jo de ganz Tag.
          Das mit de Staunässi muess mr sich chli biibringe. Du chasch sicher mit em Finger id Ärde länge und, wenns nach ca. 2-3 cm no nass esch, het sie no Wasser.
          Chasch aber au es Holzstäckli abestecke und wieder usezieh (chli wie de Zahnstocher bim Bache)
          +1
          1. Shoebill
            Shoebill OP
            Das mitem Stäcke isch en guete Tipp - probieri mal bi mine Maranta - die isch nämli ide Erde. :)
            +1
    3. gelöschtes Mitglied
      han s glicha problem kah. am schluss isch sie gstorba :ugly:

      maybe dünger? :ka:
      ahja wega luftfeuchtigkeit. i han zwei luftbefeuchter, dia helfen au öppis. :)
      1. Shoebill
        Shoebill OP
        Du machschmer richtig Muet, danke Lume! :uglier: hahaha
        Düngere hani auscho... Ich han sie jetzt nomol gege Schädling isgsprayt und hoffe das hilft :anbet:
        +0
        1. gelöschtes Mitglied
          hehehe sorry :ugly:

          as kunnt guat! ;)
          1. Shoebill
            Shoebill OP
            Danke :ouluegaudo:
            +0
  3. #3 gelöschtes Mitglied
    Ich liebe Pflanze und min Dschungel, es git eifach nie gnueg Pflanze!

    Bi mir chömet Monstera und Efeutute guet, womer au sehr guet gfallat drum hani hauptäschlich die ih mim Dschungel. :wub:
    Han au immer wieder Monstera Deliciosa oder Adansonii Steckling zum abgäh.

    User-Upload - bitte einloggen, um das Bild zu sehen.


    Han mer au mal na e Monstera Deliciosa Variegata gönnt, die isch mini gröscht Liebi :wub:
    1. Vvanadis
      Vvanadis
      Wow, was för es Paradie! :bina:
      +0
      1. gelöschtes Mitglied
        danke :blush: isch würkli so min happy place und freu mi immer wieder drab. :wub:
    2. Shoebill
      Shoebill OP
      Oh wow das gseht ja mega schön us bi dir! :wub: Vo wo bisch denn du? Ich nämmti gern en Steckling vode Deliciosa (oder aso au vode Deliciosa Variegata :anbet: die isch meeeega schön :wub: )
      +0
      1. gelöschtes Mitglied
        Danke viel mal :blush:
        ich bi vo Rappi, also warschindli nöd so wit weg vo dir.
        D Variegata isch na mega chli, hoffe aber also fest, dasi denn dert au mal chan vermehre. :anbet:
        Deliciosa hani aber immer wieder Afäll wonis chli zrecht stutze und denn probiere schöni Steckling abzschnide.
        1. Shoebill
          Shoebill OP
          Oh das isch wüki nöd wiit :) Aso wennd gern mal en Monstera Steckling abgeh willsch, wäri mega interessiert :wub:
          +0
          1. gelöschtes Mitglied
            phalti im Hinderchopf und meld mi wenns sowit isch :sleep:
            1. Shoebill
              Shoebill OP
              Danke :angel2:
              +0
  4. Shoebill zh
    +36577
    Top 5%
    #4 Shoebill OP
    User-Upload - bitte einloggen, um das Bild zu sehen.
    User-Upload - bitte einloggen, um das Bild zu sehen.

    Da no en Erfolg vo mir - mini Maranta het sich mega erholt sit dem dMäx und de Nico bi ihre sind (die beide Büsis).
    Sie het sogar neui trieb gmacht :)
    +2
  5. Vvanadis ag
    +80762
    Top 0.5%
    #5 Vvanadis
    Ich hätti deför no en Frog beträffend Monstera:

    Ha 2, e grösseri Monstera (ca. 80 cm mit em Füehrigsstäcke) und e ganz e chliini.
    Beidi händ aber immer wieder so brünlechi Fläcke uf de Blätter. Muess am Mittag es Foti mache.
    Am Ahfang hani dänkt, es esch, welli sie übergiesse, denn hani mol dänkt, s esch well sie z troch händ.
    Aber au s gsunde Mittelmass hets nid besser gmacht, sprich, die bruune Fläcke sind und bliibe.

    Weiss öpper, was das esch? Was d Ursach und d Lösig chönnde si?
    +0
    1. gelöschtes Mitglied
      Bruni Fläcke chönt au Thripse si - lueg mal d Blätter vo unde ah obd welchi gsehsch oder obs schwarzi Pünktli hät :mellow:

      feey.ch/blogs/pflanzen-blog/effektive-mittel-zur-bekaempfung-und-vorbeugung-von-thripsen
      1. Vvanadis
        Vvanadis
        uuh hammer, danke Dir! Bi mir deheime eschs scho sehr troch, dass chönnd also guet de Grund deför si. Ah das hani no gar nie dänkt
        +0
      2. Shoebill
        Shoebill OP
        ah viellicht hett mini doch Thripse... ich han gmeint seged Lüüs. Aber ich spray mini demfall nomol ih... :(
        +0
        1. gelöschtes Mitglied
          die scheiss Thripse sind echt fies und verbreitet sich gern uf de ganz Dschungel :janine:
          1. Shoebill
            Shoebill OP
            Ich hoffe min Spray nützt au gege die... Ich hans ebe mal weg gah nachem ispraye, aber denn ischs wieder cho. Und uf Google gsehts halt anderst us.. oh man :(
            +0
            1. gelöschtes Mitglied
              was hesch füren Spray? Biokill chani empfehle oder denn gits viel wo uf Raubmilbe schwöret. Hani nanie probiert, mir hend aber d Nematode gäge Truurmügli guet ghulfe.
              1. Shoebill
                Shoebill OP
                Ich han de Rapisal AF vo Andermatt Biogarten (Gege Schildlüs und Schädling). Aber ich luege mal wenns mit dem nöd weggaht :)
                +0
                1. gelöschtes Mitglied
                  die hend gueti Sache, drucke d Dume dases nützt!
          2. Vvanadis
            Vvanadis
            @ShoebillShoebill @mrssawyermrssawyer
            Ich ha d Monstera jetzt mol abduschet & chli ide Duschi loh stoh. D Füechtigkeit sett offebar au do weder ganz guet si gege d Thripse
            +1
            1. gelöschtes Mitglied
              d Dumä sind druckt :sleep:
  6. #6 gelöschtes Mitglied
    Das wird min absoluti Liablingsthread! :bina:
  7. #7 gelöschtes Mitglied
    I liebe pflanze… aber si mii nid. Bi mir stirbt jedi pflanze. Derbi gibi mir aubä so müeh :janine:
    1. Shoebill
      Shoebill OP
      Oh mis Beileid :wein: ich han mini erst (wo jetzt no lebt) vo mine Beste fründin becho - die brucht faschd kei liecht und faschd kei Wasser, isch de ganz Winter nebtem offene Fenster gsie :) sie heisst glaub Leuchterpflanze :)
      +0
      1. gelöschtes Mitglied
        Danke :janine:
        Muessi mau luege. Isch äbä scho chli z doofe a mire wohnig. I wohne imne ganz aute stöckli wo z dach no mega wit abe geit. Es isch dür das aube rächt dunku i mire wohnig. Chönnt auso tatsächlich a däm liege. Mervi ömu füre tipp :^^:
        1. Shoebill
          Shoebill OP
          Oh ja das isch wüki doof :janine: aber ebe die het wich guet überlebt :)
          +0
  8. #8 gelöschtes Mitglied
    wüssend iar wovo thripse kömmend?
    i bin baff xi, wonis khört han :sleep:
    1. gelöschtes Mitglied
      das sie oft vo neue Pflanze usem Lade chömet?
    2. Cthulhu
      Cthulhu
      vo Dusse oder anderi (bereits) befalleni Pflanze... Oft mal vom Lade selber.

      Meist gsehsches, wenns scho zspat isch, usser du duesch scho vo afang ah systematisch durechecke, prophylaktisch neui Pflanze in Quarantäne setze und behandle (abdusche, neui Erde - weil Schädlingeier, evtl. mit Nemöl aspraye oder so. Ganz radikal: Pestizidestäbli id Erde)
      +1
      1. gelöschtes Mitglied
        machsch du da amel mit de Quarantäne und umtopfe?
        1. Cthulhu
          Cthulhu
          Ja voll, ha selber Sammlerpflanze bzw. selteni mitme Bestandwert vo paar Tusig Franke.

          I topfe immer um, so chani sicherstelle, dass d Wurzle OK, ha weniger Risike und i ha gad min eigete Erde-Mix :=D:
          +1
          1. Shoebill
            Shoebill OP
            oh wow! Aso hesch die Pflanze welld die eifach sammlisch oder au zum Vermehre und Verchaufe?
            +0
            1. Cthulhu
              Cthulhu
              E Mischig us beidem 🤭

              I ha nid sone extrem riesigi Wohnig u weg de Chatze muessi immer luege, dass si nid erreichbar si für si. Dementsprechend muessi d Pflanze regelmässig schnide. Denn propagieri au u de gits mit dr Zit vieli Babypflanze.
              Die dueni aube uf Ricardo oder FB zum Verkauf abüte. Selte uf IG.
              Meist mitti Summer bis endi Herbst ume.


              Aber ha die letzte 2 Jahr vo 200+ Pflanzearte uf 15+/- reduziert.

              A iz „nur no“ öppe 30 Pflänzli deheime 🙃
              Mit Studium, Schaffe und anderi Hobbier isch chli schwierig e Urban-Jungle z halte 😂
              +0
              1. Shoebill
                Shoebill OP
                Oh wow! Wahnsinnig :ouluegaudo:

                Aber mega cool chasch so au chli s Hobby mitfinanziere :) voll spannend!
                +0
          2. gelöschtes Mitglied
            Crazy! Bis ez isch mer de Ufwand z gross 🙈 was hesch so für Pflanzä? 🤩
            1. Cthulhu
              Cthulhu
              Ha mal meh und selteneri gha, aber bi chli „chilliger“ worde und nüm so scharf uf krassi Herusforderige. :uglier:

              Die Arte hani:


              Monstra Deliciosa Variegata
              Monstera Thai Constellation

              Philodendron Burle Marx Variegata
              Philodendron Glorious
              Philodendron Gloriosum
              Philodendron Jerry Horne
              Philodendron Verrucosum

              Scindapsus Pictus Exotica
              Scindapsus Pictus Silver Lady
              Scindapsus Pictus Silver Cloud

              Myrtillocactus Geometrizans 'Fukurokuryuzinboku' (Boobie Cactus)

              Alocasia Frydek
              Alocasia Frydek Variegata

              Syngonium Tricolor
              Syngonium Three Kings

              Pilea peperomioides

              Kalanchoe Laetevirens
              +1
              1. gelöschtes Mitglied
                Crazy! Richtig nice! :wub:
      2. gelöschtes Mitglied
        genau, vorallem wens regnet und windet. darum het miar min kolleg empfohla, s fenster nid öffna wens regnet odet windet :ka:
  9. #9 gelöschtes Mitglied
    Ich han en grosse und zwei chliini Fiki? (Fikusse) gha. Sind ali iigange, obwohl ichs ghegt und pflegt han. Has sogar im Ruum umgstellt, demits ene besser gfallt. De Gross hets zerst gno. Denn di beide Chliine.

    Aktuell bini sehr erfolgriich die Luftreinigerpflanze am kultiviere. Han 3 und si gedeihed prächtig. Zuesätzlich hani na anders diverses Gstrüpp, woni aber nid weiss wes heisst. Gsamthaft nenni knapp 12 Pflanze mein Eigen!
  10. #10 gelöschtes Mitglied
    User-Upload - bitte einloggen, um das Bild zu sehen.

    liablingspflanza. i waiss, söll nid direkt vorem fenster stoh 😅 mal luaga
    User-Upload - bitte einloggen, um das Bild zu sehen.
    User-Upload - bitte einloggen, um das Bild zu sehen.
    User-Upload - bitte einloggen, um das Bild zu sehen.
    ]
    User-Upload - bitte einloggen, um das Bild zu sehen.
    User-Upload - bitte einloggen, um das Bild zu sehen.

    User-Upload - bitte einloggen, um das Bild zu sehen.


    nach 2x zügla innerhalb vu 3 mönet sind sie langsam am erhola. i kha aifach nur hoffa, dass sie überleba 😅 hier ide neui wohnig isch so trocha. typisch neubau :mellow:

    i han 130.- feey guatschii zum geburi becho. i möcht gera a pflanza, dia pflegeliacht und wenig liacht brucht, bstella. tipps? :)
    bearbeitet
    1. Shoebill
      Shoebill OP
      Du hesch au s halbe Sortiment vo Feey? ;E (gseht us wie bi ihne uf de Website :) )
      +0
      1. gelöschtes Mitglied
        haha jo, fasch alli. bis uf dia 4 pflanza ;E
        1. Shoebill
          Shoebill OP
          Han ebe chli gstöberet vorher ;E :ugly:
          +0
  11. Nodotsam be
    +28384
    Top 5%
    #11 Nodotsam
    Kennt öpper e gueti Pflanzebrocki oder Setzlingsbörse im Ruum Bern?

    Zuesatzfrag: Mir wei ir Kuchi e Pflanzeample ufhenke. De Egge wo si anechunnt het kes direkts Liecht und isch öppe 3 Meter vom nächste Fenster weg. Gits Pflanze wo ds würde überlebe, abgse vo Sukkulente?
    bearbeitet
    +1
    1. gelöschtes Mitglied
      feuerwehr viktoria hets glaub. hani letscht wucha xeh aber nid genau beachtet :)
      1. Nodotsam
        Nodotsam
        ...werum hani nid a die denkt, dert bini scho mau eini ga hole 🙃 (cha se btw. empfehle, het gueti Priise und si ir Regel guet pflegt)
        +0
    2. gelöschtes Mitglied
      also mini Efeutute chömet im Schlafzimmer super. Dört hends nur begrenz liecht welli nöd alli Läde immer uf mache und min Fründ teilwis gar nöd wenner spat dra isch :ugly:
    3. Cthulhu
      Cthulhu
      Wenn e Pflanzelampe im Isatz hesch… e Monstera Deliciosa (eifach eini ohni Variegation), Scindapsus oder Efeutute ame Moosstab
      +1
  12. unqLaubLich sz
    +45810
    Top 2%
    #12 unqLaubLich
    Ich han e Orchidee, wo momentan gad kahl isch. Aber ha sie ez sit 8 Jahr & sie chunt immer mal wieder all paar Monat :rofl:
    User-Upload - bitte einloggen, um das Bild zu sehen.


    Denn hani ez gad no e neui Orchidee becho - mal luege wie lang die überlebt :ugly:
    User-Upload - bitte einloggen, um das Bild zu sehen.


    Uuund die zwei chline Pflänzli (kei Ahnig wie die heissed - ich ha nähmli null grüene Duume 😂) lebed au sit inzwüsche öppe me halbe Jahr 💪🏻 d'Bluemeample sind selbergmacht - bini au biz stolz 🤭
    User-Upload - bitte einloggen, um das Bild zu sehen.


    Und ob ihrs mir glaubed oder nöd - das sind die einzige Pflanze i mim Hushalt - ich ha sust würkli nüüüüt 😂
    Ok, no en Schnittlauch & paar Erdbeeri ufem Balkon :ka:
    +2
    1. Shoebill
      Shoebill OP
      Oh aber mega cool dueschder das trotz nöd grüenem Dume ah ;E :)
      +1
  13. missAMBER
    +57293
    Top 0.5%
    #13 missAMBER
    ich ha nur huswurz und es paar kunstpflanze :rofl:
    +3
    1. Shoebill
      Shoebill OP
      Die lebed immerhin problemlos :lol:
      +1
  14. ridethepowpow
    +2830
    #14 ridethepowpow
    i ha hauptsächlich essbars :lol: aber z experiment chilies hani dasjohr gstartet und bis etz gsehts guat us. und n mangokern hani au zum triiba brocht, dä wachst grad au schön :ouluegaudo:
    +1
  15. #15 gelöschtes Mitglied
    feey verchauft neu balkonpflanza. wia cool isch das? :wub:
  16. #16 gelöschtes Mitglied
    User-Upload - bitte einloggen, um das Bild zu sehen.

    en teil vo mine, ups
  17. unqLaubLich sz
    +45810
    Top 2%
    #17 unqLaubLich
    Ich hoffe das passt au da ine - aber für mich isch das au e Pflanze :=D:

    Was a Gmües/Chrüter chani guet ufem Balkon und somit in Töpf ahpflanze? Euse Balkon isch tendenziell eher sunnig & wenns Überlebenschance sölled ha, denn vlt nöd gad öppis für Pflanzefründe, sondern eher für Pflanzebanause? :ugly:

    DANKE jetzt scho :wub:
    +1
    1. Nodotsam
      Nodotsam
      Sone Rosmarin ma gloub fei öppis verlide. Basilikum und Schnittlauch würd füre Afang no la si, die si recht empfindlech.
      +0
    2. ridethepowpow
      ridethepowpow
      starterpack: rosmarin, thymian, salbei, schnittlauch, peterli und minze.
      +1
    3. Jo
      Jo
      Minze chund sehr guet (brucht aber glaub nöd sooo viel Sunne) und wenn sie mol hesch, bringsch sie nüme los :ugly:
      Peterli isch amel au guet gange bi üs, di kraus leider bitz besser als di glattblättrig.
      Wennd ganz viel Sunne hesch Lavendel oder Rosmarin.

      Gmües: Tomate chönd nöd gnueg Sunne ha, und es git nüt bessers als Tomate vom eigne Balkon ;E je noch Platz eher Buschtomate neh, und Cherry sind eifacher als grossi (findi) 😊
      +2
      1. Shoebill
        Shoebill OP
        Mini Minze isch immer igange :wein:
        +0
  18. Framboise ag
    +43497
    Top 2%
    #18 Framboise
    User-Upload - bitte einloggen, um das Bild zu sehen.


    En Teil vo mine Pflänzli wo denne wohne. Ha so freud ah dere Wand :wub:
    +8
  19. #19 gelöschtes Mitglied
    Pflanzefründschaft+ wäri, wännd dis Pflänzli so guet pflegsch, das es Blüete git?

    Hät irgendöper da ine en Aanig devo; es hät früener so e Art Plastikröhre mit Chugle am Schluss gä, wod hesch chöne mit Wasser fülle und denn het d'Pflanze sich quasi das gno, was si bruucht hät und mer hät nöd so viel möse güüsse. Gits das na, bzw. was händer für gueti Alternative?
    1. Vvanadis
      Vvanadis
      galaxus.ch/de/s4/product/scheurich-boerdy-s-tonkegel-wasserspender-tropfbewaesserung-5988939?dbq=1&supplier=406802&utm_source=google&utm_medium=cpc&utm_campaign=PMax:+PROD_CH_SSC_Cluster_9(B)&campaignid=20969213718&adgroupid=&adid=&dgCidg=Cj0KCQjwlN6wBhCcARIsAKZvD5jkqSdHUPmS3XisU3MOcniZDlLMNjpljJ55MCQxAG32yAt2Xibtz8IaAm7kEALw_wcB&gad_source=1&gclid=Cj0KCQjwlN6wBhCcARIsAKZvD5jkqSdHUPmS3XisU3MOcniZDlLMNjpljJ55MCQxAG32yAt2Xibtz8IaAm7kEALw_wcB&gclsrc=aw.ds
      +0
      1. gelöschtes Mitglied
        Danke!

        Mit Usnahm, dases en wüeste Kitschvogel obedra hät, ischs mer neu, dasmers etz sogar na chan eifach driigsteckt la und uffülle. Di Alte hesch immer möse usenä, umdrüle und wieder uffülle.

        Pflanztastisch!
        1. Vvanadis
          Vvanadis
          Gits fasch i jedere Gärtnerei :angel2:
          +0
          1. gelöschtes Mitglied
            Bi scho sit Jahre i kenere Gärtnerei me ine gsi. Mol, letzti hani en Bluemestruuss für mini Mueter gholt. Aber susch... :P Danke!
        2. Shoebill
          Shoebill OP
          Im Jumbo gits au settig ohni Vögeli.

          jumbo.ch/de/garteneinrichtung-grill/pflanzengefaesse/uebertoepfe/keramik/scheurich-wasserspeicher-copa-m---6--245-cm/p/7207892?gad_source=1&gclid=EAIaIQobChMIqoO_g-m5hQMVrmpBAh2VqwuTEAQYBCABEgJQ9vD_BwE&gclsrc=aw.ds
          +0
          1. gelöschtes Mitglied
            Danke Rebi!
            1. Shoebill
              Shoebill OP
              Oder ide Ikea gits au die wod so lässig dreie muesch ;E
              +0
  20. Pflegeleicht sz
    +38117
    Top 2%
    #20 Pflegeleicht
    Mir hend en Kaktus 🤓
    +1
    1. Vvanadis
      Vvanadis
      Läbt er no?
      +0
      1. Pflegeleicht
        Pflegeleicht
        gueti Frag… er staht ufme Regal obe, ich müesst mal go lluege 🤭
        +1
        1. Vvanadis
          Vvanadis
          Au "toti" Kaktee händ no Stil, well sie nid wörklech läblos usgsend. Respektive, sie gsend nie wörklech läbig us :chch:
          +1
    2. Shoebill
      Shoebill OP
      Das stimmt garnöd, ihr hend doch faschd es Meer a Orchidee??
      +1
      1. Pflegeleicht
        Pflegeleicht
        ja so 3 Orchidee hämmer, mal luege ebs irgendwenn wieder blüehed :lol: aber Kaktus hemmer au!!
        +2
        1. gelöschtes Mitglied
          Aso Kakteen überlebed fasch ales. Orchidee sind da dütlich schwieriger. Wenn aso dini Orchidee gedeihed, respekt!
          1. Pflegeleicht
            Pflegeleicht
            dOrchidee vo mim Maa, und er chas wüki no guet für das dass er irgendwie glich nöd wüki öppis macht :ugly:
            +1
            1. Shoebill
              Shoebill OP
              Viellicht duet sie de Öski heimlich pflege? Oder abschleckt? :lol:
              +2
              1. gelöschtes Mitglied
                Zums miauximale usne usehole!
        2. Shoebill
          Shoebill OP
          Ja aber die hend immer soo schön usgseh, hans eifach nöd verstande, wieso du sie verschwiegsch!
          +1
          1. gelöschtes Mitglied
            Vilich isch d'Lina bi de Anonyme Orchideeler
  21. Framboise ag
    +43497
    Top 2%
    #21 Framboise
    User-Upload - bitte einloggen, um das Bild zu sehen.

    Ghört ou no zur Stobe :wub:
    +0
  22. Cthulhu zh
    +4917
    #22 Cthulhu
    I ha recht viel Pflanze u ha mi recht lang recht obsessiv mit Hobby-Botanik beschäftigt gha.
    Woni wieder agfange ha mit de Uni und anderi Hobbies het sich das wieder gmässigt u ha recht müesse reduziere.

    I mal voll de schwarzi Dume gha.
    Aber mir hei all die Carnivore Pflanze fasziniert.

    Irgendwenn hani mir e riesigi Nepenthes Maxima gönnt. Wiu si mini türsti Pflanze gsi isch, hani agfange aktiv mi mit Pflanze zbschäftige… vo google bis Forene.

    Ide Forene hets recht viel Pflanze gha, wo mega schön gsi si u nanie gseh ha. U dasch de Afang gsi vor vieli Jahre. Bi denn irgendwie bi 200+ Arte glandet.

    Ha extrem viel spass am Propagiere und verwende verschiedeni Methodene.
    Mis Pflanze Hobby het sich mit dr Zit selber finanziert, dur Tüschle und verkaufe vo Babypflanze id de eigete Mueterpflanzene oder welch, woni nüm ha wele, wius mir nid so recht si.
    Miterwile beschränki mi uf mini top 3, wo am beste weg chömed: MDV, MTC & Scindapsus Exotica. Si nüme selteni, aber hei trotzdem ihre Wert.
    I bechume ab und an no Bilder zuegschickt, vo Lütlis, wo Pflanze vo mir hei 🥰

    Ha dunge nöime scho erwähnt, aber hie nomal e d Uflistig vo mine Pflanze.

    - Monstra: Deliciosa Variegata & Thai Constellation
    - Philodendron: Burle Marx Variegata, Glorious, Gloriosum, Jerry Horne & Verrucosum
    - Scindapsus: Pictus Exotica, Pictus Silver Lady & Pictus Silver Cloud
    - Myrtillocactus Geometrizans 'Fukurokuryuzinboku' (Boobie Cactus)
    - Alocasia Frydek & Frydek Variegata
    - Syngonium: Tricolor & Three Kings
    - Pilea peperomioides
    - Kalanchoe Laetevirens

    User-Upload - bitte einloggen, um das Bild zu sehen.
    User-Upload - bitte einloggen, um das Bild zu sehen.
    User-Upload - bitte einloggen, um das Bild zu sehen.
    User-Upload - bitte einloggen, um das Bild zu sehen.
    User-Upload - bitte einloggen, um das Bild zu sehen.
    User-Upload - bitte einloggen, um das Bild zu sehen.
    User-Upload - bitte einloggen, um das Bild zu sehen.


    Mis MDV/MTC „Zucht-Eggli“. Ungerem Dachfenster spriessets, wie unchrut 🤭
    User-Upload - bitte einloggen, um das Bild zu sehen.
    bearbeitet
    +2
  23. #23 gelöschtes Mitglied
    User-Upload - bitte einloggen, um das Bild zu sehen.
    User-Upload - bitte einloggen, um das Bild zu sehen.

    dia sind gester akho :wub:
    laider hüt & mora kai ziit zum iipflanza. am sunntig denn imna kater-zuastand :ugly:

    User-Upload - bitte einloggen, um das Bild zu sehen.

    d'polly wär au ready :)
    1. Shoebill
      Shoebill OP
      Uhhhh, die sind mega schön! Die indoorpflanze hani au, die isch so Pflegeliecht :wub:
      +0
      1. gelöschtes Mitglied
        @PflegeleichtPflegeleicht
    2. Nodotsam
      Nodotsam
      Vo Feey bstellt? Wie verpacke si d Pflanze?
      +0
      1. gelöschtes Mitglied
        jep :)

        User-Upload - bitte einloggen, um das Bild zu sehen.
  24. LittleFirefly lu
    +18601
    Top 5%
    #24 LittleFirefly
    User-Upload - bitte einloggen, um das Bild zu sehen.


    All mini chline Pflänzli :wub: het na gern viu meh ;E
    Han na 3 grossi Monsteras und 2 grossi Efeututene und en chlinere Schwiegermuetterzunge :=D:
    +4
  25. Shoebill zh
    +36577
    Top 5%
    #25 Shoebill OP
    User-Upload - bitte einloggen, um das Bild zu sehen.
    User-Upload - bitte einloggen, um das Bild zu sehen.

    So Stolz :wub:
    +3
  26. unqLaubLich sz
    +45810
    Top 2%
    #26 unqLaubLich
    Kei Ahnig was mich hüt ide IKEA gritte het, dasi e Pflanze kauft ha. Aber fact isch - ich ha ez e Calathea diheime :ugly:
    Wie muss ich die pflege? Uf was mussi achte? Wo söll sie stah? Wieviel Wasser brucht si?

    User-Upload - bitte einloggen, um das Bild zu sehen.
    +1
    1. Shoebill
      Shoebill OP
      Oh mis Beileid ;E
      User-Upload - bitte einloggen, um das Bild zu sehen.
      User-Upload - bitte einloggen, um das Bild zu sehen.
      User-Upload - bitte einloggen, um das Bild zu sehen.
      +2
  27. Martinii zh
    +55430
    Top 1%
    #27 Martinii
    User-Upload - bitte einloggen, um das Bild zu sehen.



    Yeah ich chan au endli mal was poste i dem Thread ;E

    Ha Kids schaffe lah - git Basilikum, irgendwelchi Tipps dass es überlebt? (Isch zwar nöd mis Problem willi nur am ushelfe bi :ugly: )

    #keingrüeneDume
    +3
    1. Vvanadis
      Vvanadis
      Nid diräkt id Sonne, regelmässig giesse, aber - wie emmer - nid öbergiesse
      Mi Basilikum brucht fasch täglich Wasser
      +2
  28. Cthulhu zh
    +4917
    #28 Cthulhu
    User-Upload - bitte einloggen, um das Bild zu sehen.

    Wieder mal am propagiere 🤭
    +4
  29. Martinii zh
    +55430
    Top 1%
    #29 Martinii
    User-Upload - bitte einloggen, um das Bild zu sehen.
    User-Upload - bitte einloggen, um das Bild zu sehen.


    Mini einzig Pflanze (Orchidee) wo eich immer guet überlebt, het plötzlich so schrumpel Blätter und flecke druf :janine: was fehlt ihre? Ha ihre etz es Lied vorgsunge und ganz lieb Wasser geh und guet zuegredet debi… was het sie echt? :janine:
    +3
    1. Vvanadis
      Vvanadis
      Eventuell bitzli trochni Blätter
      Due sie mou besprühe und 1x i de Woche es Wasserbad gönne
      +1
      1. Martinii
        Martinii
        Also mit Wasser besprüehe oder mit was? Ja ebe Wasserbad machi eich (wenn ichs nöd grad vergiss ebe eh jedi Wuche, ok velicht hani sie mal paar Wuche vergesse xD )
        +1
        1. Vvanadis
          Vvanadis
          Nei mit Schnaps :lol: natürlich mit Wasser :^^:
          und wenn das + Wasserbade nid hilft, vellecht mou de Ablauf umchehre und ehre chli Rueh gönne. Wörd jetzt aber zersch 1 - 2 Woche bade + besprühe + beobachte
          +1
          1. Martinii
            Martinii
            Nei de Schnapps phalti lieber für mich :ugly: aber ha nöd gwüsst obs da so en spezielle Orchidee-care-Spray oder so git ;E
            Okey denn probier ichs etz mal so us :shifty: danke ;E
            +4
            1. Shoebill
              Shoebill OP
              Probiers ma mit Aperol :ugly:
              +5
              1. Martinii
                Martinii
                Aber denn hets weniger Aperol für mich :wein:
                +2
                1. Shoebill
                  Shoebill OP
                  Stimmt…. S Lebe isch nöd eifach. :(
                  +0
  30. Shoebill zh
    +36577
    Top 5%
    #30 Shoebill OP
    User-Upload - bitte einloggen, um das Bild zu sehen.

    Weiss öper was das für Tierli sind und wienis los wirde? :ph34r:
    +0
    1. Cthulhu
      Cthulhu
      Aww, das si Wollläuse.

      1. Isoliere vo anderne Pflanze
      2. Mitme fiine Tüechli di dinger grob wegwüsche
      3. Mit Rapsöl-Spüelmittelseifi-Wasser-Mix oder Nemöl oder Sprit-Kaliseifi-Wasser-Mix ispraye
      4. Komplett abdusche, demits Fiichli und eier wegspüelt.

      Wennd Erde au no so Eier oder so wiisi Flauschis het: Wasser- Nemölmix giesse regelmässig oder d Erde ganz ustusche.
      +0
      1. Shoebill
        Shoebill OP
        Danke dir vielvielmal!
        Das isch so aspruchsvoll mit all dene Schädling 🙈
        +0
        1. Cthulhu
          Cthulhu
          Mega.
          Es hilft ou, wenn nachm Kauf, zerst mal d Pflanze immer abduschisch regelmässig.
          Einersits duets de Pflanze guet u andersits spüelsch Eier/Larve weg, falls es het, so als vorbügig.


          I dusche mini Pflanze so wüchentlich mal mit de Duschbrause ab.
          Das hilft mega bi mir u ha chum Fiicher.


          Chaufe aber o kei Pflanze im Ikea, Migros, Jumbo oder so ih. Die hei meistens huere Fiicher dranne. Bim gnauere aneluege unger de Blätter gsehsch si oft mal guet u susch hesch Party hie nexte paar Wuche :ph34r:


          Und susch mega effektiv, aber halt mit vorsicht zgniesse: Celaflor Schädlingsfrei Careo Combi Stäbli 👹
          +0
          1. Shoebill
            Shoebill OP
            Ja ich hett sie echt no selle abdusche.... D Erde hani gwechslet gah, han sie eh inen andere Topf itopft....
            Ich hoffe ich wirde die Ficher bald los.... Und ich chaufe mir glaub eifach kei Pflanze meh :P
            Nei aber bin mega froh um dini Tipps und Expertise! Hoffe die sind nöd scho uf anderi Pflänzli übergsprunge. :)
            +0
    2. Pflegeleicht
      Pflegeleicht
      chöntsch si au eifach fründlich in Empfang näh und ihne e Tasse Tee ahbüte (viellichts gönd denn freiwillig wennd si drum bittisch)
      +1
      1. Shoebill
        Shoebill OP
        Ich chan sii dir au eifach nöchstma mitbringe :wub:
        +0