Wanderungen

Heeey Leut! Wanderige im Schnee oder im Glätt, mir cha immer es guets Bierli trinke! 🏔️ 🍺 Und mer chönd au Diskussione lose über d'beschte Wanderigschueh oder wie me sich am beschte vor Zecke schützt. 🥾💬 Aber vergesset ned euri Wanderföteli z'teile, damit mir alli e wenig Wanderlust bechömet! 📸😍 So, goht i d'Berge und gnüsset die Früehligsluft! ✌️😎

Ich fange grad emol mitere Frag ah: Het öpper grad en Tipp füre Wanderig Umkreis ca. 2h vom Zürisee us, wo ez scho guet machbar (also ohni irgendwelchi Winterusrüstig 😅) isch? Usserdem müesstis mit Hund machbar si ☺️.

wooohoooo bechuma gad richtig lust über go wandera

ah sehr guet, ich lieb wandere 🫶🏻

tipps für stans umenand (hend doch es paar vo det ) wo au kei schnee me liit?

I cha reigoldswil wasserfallen empfehle, wunderschön det obe😍

Tolle Thread

Letscht Summer bini vode Glattalp uf de Ortstock. D Ussicht isch de absoluti Oberhammer!!! Aber es isch en relativ lange Teil eifach uf Schotter, das isch zum eine easy astrengend und mich häts iwenn denn au afange nerve will mer würkli di längscht zit am Rutsche isch.. Und es hät e chlini Passage womer mit me Seil e öpe 2.5 oder 3 Meter (ich bi grausam schlecht im Schätze) Steiwand duruf chlettere muess. Die hät mi brutal Überwindig kostet welli eifach en Schisser bi und Höheangst ha. aber es hät sich meh als glohnt. Hani scho gseit, dass d Ussicht en Traum isch?

wanderungen.ch/de/touren/wanderungen/zentralschweiz/Glattalp-Furggele-Ortstock.html?tour=2793

Eine vo mine absolute Lieblingsgipfel wenn nöd dä Lieblingsgipfel isch de Leistchamm. Wasi richtig geil finde isch, dasmer kei Bähnli oder so brucht und eifach chan loslaufe vom Parkplatz. Das machts relativ easy möglich de Sunneufgang dobe z gnüssä was eifach unglaublich idrücklich und schön isch. Wirdi de Summer sicher au wieder mache.

amden-weesen.ch/tour/gipfelwanderung-zum-leistchamm-761ec4dde6

Ich liebe (Berg-)Seeä, drum isch au d Murgsee Rundwanderig es echt Highlight. Es isch en schöne Rundweg mit guete Weg und schöne Landschafte und de See isch sehr hübsch.

wegwandern.ch/wanderung/murgsee-rundwanderung-wandern/

Ich mag so Völkerwanderige nöd so, trotzdem hani im Herbst under de Wuche mal d 5 Seeäwanderig im Pizol gmacht, es isch würkli mega mega schön aber es hät eifach würkli zviel Lüüt. Ide Berge hani gern chli min Friede...

miar gönd am fritig oder samstig (je nach wetter) go wandera. region bern/luzern

tipps?

Mir händ mou e Schuelreis gmacht, wo mir z Rupperswil losgloffe sind, öber d Gisliflueh uf Thalheim & denn nomol öbere Hoger uf d Ruine Schenkenberg. Retour simmer öber Linn, det stot öbrigens die riesegrossi Linner Linde zu Gedänke vo de Pestopfer. Esch e „chlini“ Route und au sehr regional, aber ich chas nor empfähle.



Mer cha au en riese Abstächer mache zu de Linner Wasserfäll (sie sind sehr chli). Und denn zu de Linner Linde. Das esch de meh e Waldwanderig.

Teilet mol üchi komoot-accounts für wander oder vorallem au bike routene

komoot.de/user/1864960083701?ref=amk

Wemer mal ide Gegend isch (oder extra dehthi fahrt ) lohnt sich die Wanderig eigentlich scho, wennmer scho immer mal zum Creux-du-van het welle.
Ich denke bsunders im Hochsummer - es gaht nämli zerrst eher Steil durch en mega dichte Wald, denn über de Creux du van und denn wieder durch en dichte Wald retour
Ikehrmöglichkeite hets mängi unterwegs.

Am beste ischmer eher Trittsicher (vor allem wenns rutschig isch) und/oder Wanderstöck sind empfehlenswert



wegwandern.ch/wanderung/creux-du-van-im-val-de-travers-noiraigue-wandern/

Und mit viel Glück gsehtmer Steiböckli

Hend gester die Wanderig gmacht. Isch eigentlich no sehr gmüetlich gsie, am Schluss machtmer die ufstiegende Höhemeter uf churzer Distanz. Das isch denn halt chli sträng. Ansunschte hettmer e schöni Ussicht obe abe und aktuell blüehed uh viel schöni Blueme

wegwandern.ch/wanderung/flumserberg-maschgenkamm-ziger-spitzmeilenhuette-fursch-wanderung-wandern/

Ich han die hüt gmacht, eifach statt abstiege bini duruf gloffe.
Scho sehr asträngend gsie, aber weiss nöd wiemer mit über 30gi 1000 hm eifach so durablaufe chan

D Ussicht isch en Traum, s Wetter so höch obe gad agnehm und durab chamer super sBähnli neh




bergfex.ch/sommer/graubuenden/touren/wanderung/83354,corvatsch--hahnensee--st-moritz/

Spoiler!

WunderschöninWandertour bim Brienzer Rothorn gueti Schueh und Trittsicherheit isch absolut empfehlenswert. Sowie Wanderstöck

komoot.com/de-de/smarttour/1853956#previewMap





Edit: und nomeh Spass machts, wemer e gueti Begleitig mitnimmt - zum biespiel @missAMBER