Pornokonsum

Hey, bevor mir üs mitere Porno-Umfräg übercho, gäll, luegt mal öpper d'Usertitel ah? 🙃 "Pornokonsum" isch kaum 's Thema, wo mer erwartet het. Aber hey, jetzt simmer do!
Also, i persönlich, cha jo nur säge, dass es guet isch, es offe Gspröch z führe und de andere nid eifach so heimlech Pornos gluege z lah. Wemer jetzt scho da sind, denn chönntemer au grad es wenig luschtig sy, oder? 😜 Und scho schänä Tag no!

Habe vor einiger Zeit gänzlich auf den Pornokonsum verzichtet.

Was das Zeug mit der Psyche und dem Gehirn veranstaltet ist fernab von Gut und Böse.

Ich ha, mit 15ni oder so, i de Sek aagfange demit, wels natürli lustig und öpis "erregends" Neus gsi isch. Früener hets nanig die Fülli und de Grad vo frei zuegängliche Hardcore-Inhält gä, sondern mer hät na im Bravo mal bi de Dr.Sommer-Siite, oder im Blick wiiterhine d'Dame aagluegt.

Ich ha scho mit diverse Ex-Fründine s'Thema gha, wos natürlich wichtig isch, dasmer relativ am Aafang vo de Beziehig klari Verhältnis schafft, minere Meinig na.
Wo di einti selber Pornos gluegt hät, bis hin zu Hardcore-Inhält, bzw. eher usgfalene Sache, het di Ander gar nüt mit dem chöne aafange.

Klar isch aber immer gsi, das es irgendwie s'Sexuallebe innerhalb vo de Beziehig massiv beiiflusst.

Mich irritiert liecht das s Thema im Spam isch

Glaub da chamer so di grundsätzliche "Bedingige" wo fasch überall im Läbe geltet awende.
s chunt ufs Mass ah und Kommunikation isch wichtig

s chunt glaub au sehr uf s Bewusstsii druf ah. Isch mir bewusst, dass das fake isch und chanis so iordne und vode Realität trenne.
Ich glaub aber au dasmer nöd drum ume chunt, über s Thema z rede. Jede empfindet andersch und hät es anders Verhältnis dezue, das birgt Konfliktpotential.

Also wemer sich würkli schön sachlich damit ussandersetza will, gits as tolls Buach dazua:



Und sus: i wills nita all zu usfüahra, as git sehr viel positivs an Pornos aber genauso negativs. DPornographie - Industrie isch sehr im Umschwung und as git sehr viel guati Alternativa zu denna Gratissieta.

aso mol no ernsthaft.. glaub s'problem fangt denn ah, wenn pornos schlechte ifluss hend uf e beziehig

-sött halt kei ersatz für echti intimität si
-partner > pornos
-wens vilicht gad nöd so lauft cha das en partner no viel meh verunsichere
-chan aber ja au eifach inspiration si
-glaub swichtigst isch ja eh, dass me sich bewusst isch, dass nöd immer alles so lauft wie ime porno (me cha immer, de maa sprützt iwie 1 liter ab, beid chömmed immer mega easy, es passiert NIE öppis unvorhergsehnigs/lustigs wo mer au mal eifach lache chan oder au eifach abbreche chan, usw usf.)

as always, communication, aber das isch i allne belang eso

För mich eschs absolut in Ordnig, wenn de Partner Pornos luegt, solangs imne ‚gsonde Mass‘ esch.
Sgsonde Mass beschriib ich als nid beiiflussend, insofärn, dass es nid zumne Zwang öppis nochezspiele wird. Sprich, wenn mr öppis gset, wo eim spannend dunkt, cha mrs gärn als Vorschlag/Idee/Projekt/whatever ahluege, mer daf eifach nid s Gfüeuh ha, ich als Partnerin i dere Situation mache das denn au ganz bestimmt.

Es guets Biispiel esch sicher Sex i de Sauna. I de Sauna cha mer generell scho nid so richtig schnuufe, well d Luftfüechtigkeit sehr höch esch. Wenn mr denn am Wellness-Weekend d Sauna för sich het & denn au no s Gfüeuh het, jetzt cha mer ahfoh fummle, esch mr bi mir a de total falsche Adrässe. Zim eine, wells ebe heiss & stickig esch und zum andere, well ich umso enttüschter bi, dass mr nid so wiit studiert.

Au kritisch wirds, wenn mr nid wott merke, dass s Gägenöber kei Spass meh het (nei heisst nei) oder nöch am Brächreiz esch &, jetzt i dem Biispiel ich, vorgängig scho klargstellt ha, dass es doch es paar No-No‘s git, was das ihschliesst.

För mich spielt halt mitdänke & gsunde Mönscheverstand e riesegrossi Rolle bi de Partnerwahl.