Welche Sportart übt ihr aus?

Hey hey, Kai! Was für en geile Thread, gell! Ich mache gärn Parkour und geh au oft jogge. Bewegig isch mega wichtig für mini Seele und ufm Morge aubede isch's au no mega entspannend. Was machedir so? Gruess, Kai

Leider machi kei Sport, well ich das blöd gseit emmer nur ide Schuel gha han & mini Family ned sportlech esch, denn vererbt mer das halt chli. Ben emal im Fitness gsi vor Jahre, aber för das hani ned wörkli Gled momentan.

Drum beni uf euchi Antworte gspannt, vellecht denki bim einte oder andere, dasi das mal usprobiere chönti & wer weiss, vellecht wörs mi denn au packe (hoffentli ).

I bi scho mis Läbe lang unsportlech. Ha Phase woni gärn is Yoga gah oder im Summer gahni oft ga Längine schwümme. I wär sehr gärn sportlecher. Aber es hetmi nonie öpps würklech packt.

Da i 2 Hünd ha mit grossem Bewegigsdrang, bini jede Tag im Wald am loufe. Im normalfall bini 1-1,5h unterwegs. So chumi chli zu bewegig.

es goht mir tatsächlich glich wie de @Spoony
für da dasi so unsportlich bin, hani allerdings scho einiges usprobiert:
Volleyball, Jazz-Hiphop tanze, Aroha, Gym, Jogge, Jumping Fitness, Yoga, Aerial Yoga, HIIT, schwümme

sisch blöderwiis immer so gsi, dass wenn mi öppis begeisteret het, sich d Umständ gänderet hend:
Instruktor:in wo ufghört het, Zyte wo sich gänderet het oder s Studio wo gschlosse het

Ich gah sit einehalb Jahr so meh oder weniger 1x ide Wuche go Squashe. Han Spass däbii und find bitz Sport wär halt für Gsundheit schona guet

Sit ca. 7 Johr spiel ich wieder 1x pro Wuche Badminton mitem Kolleg, isch eifach en geile Sport, wenn beidi öppe glich starch sind 🥵
Nebetzue probieri no 2x z'trainiere dihei, eifach chli Homeworkout mit Körpergwicht (ha en TRX und e Klimmzugstange im Büro hange)
Im Summer no ab und zue go jogge, das wotti eigentlich öfters und s'ganze Johr dure, aber meistens siegt de inner Schweinehund

Sit vor de Wiehnachte bini zwor chli fuul, will ich oft no am TM umebastlet ha am Obig, aber ab dere Wuche bini wieder chli aktiver. Hoff, s'meischte lauft ez do

I mache 3-4x jewils 2-3h ide Wuche Sport.
Wobi mitm morgendliche 200m Sprint 5x.

I üebe verschideni Sportarte us.
Fix hani Calisthenics, Bouldere oder Indoor Sportklettere und Fitness (Bodypump, Mobility, Cardio, Breakletics,..).

I konzentriere mi vorallem mit Kraftusduur.


De Morgesprint pusht mi uf u de bini schön wach und starte fokusierter i Tag.

Und susch machts spass, bi usglichener, füehle mi gsünder u kräftiger.
Es macht freud, weme Ergebnisse vode eigene Fortschritte zgseh. Chli was fürs eigene Belohnigssystem. Flexe isch aube ganz lustig

Usserdem hilft mir de Sport bim Gwicht zueneh und stabil zpalte. Mir fallts generell schwer zuezneh. Cha inebige u nimme chum zue normalerwis.
Und als Bürofuzzi lidet de Rugge und stärkig isch wichtig.

I mache kei Sport zum schlank zsi oder so. Das bini au ohni

I due gern wandere (T4 ufwärts), finde Klettersteige oder Hochtoure mega toll, aso isches nid schlecht, wenni es gwüsses Mass a Fitness mitbringe duet.

Bi scho immer sportlich gsi. Früehner hani meh Mannschaftssport gmacht. Ha recht lang Volleyball und Fuessball gspilt gha. Danach hani mal no Muay Thai probiert.. das wotti irgendwie au wieder mache 🤭. Aber mal luege.. 🌚

Bi ersch sit es paar Jahr so richtig am Sport tribe, agfange mit Jogge zum (Über)Gwicht ds verlüüre (inkl. Diäte).

Mittlerwile isch Bouldere drzuecho, o weni weg de gstigne Itrittspriise für d Halle scho lenger nümm gsi bi. Dusse kletteret hani no nie und reizt mi o nid.

Sit knapp 1 1/2 gani 3x ir Wuche is Fitness und mache vor allem Krafttraining füre Rügge (10 Jahr Bürojob hei sech bemerkbar gmacht), Arme, Buuch und chli Bei.

Dr Usgliich für d Bei holi mr im Summer (mengisch o itz im Winter) ufem Velo, schaffe im Schnitt so 40km je Fahrt, weni richtig ma chumi o uf 70km ufe. Finges agnehmer als jogge weume o mau chli witer weg cha fahre und o weus mr weniger astrengend vorchunnt 😅

Ich spiele sit öpe me Jahr wieder plauschmässig Unihockey (han als Teenager lang im Verrein gspielt) und gahne sit ca. 2 Jahr jede Zischdig ine Sportgruppe wo vonere super Physio gleitet wird wo sich vor allem uf Herzchreislauf und Chraft fokusiert.
Zuesätzlich hani amel no 1-2 mal dihei chli Üebige gmacht oder jin in Vitaparcours.
Je nach Jahresziit bini eifach au sehr gern unterwegs ide Natur, am Wandere oder so. Oder gahne ma mit anderne go Bouldere.

Ich machs vor allem well mis Seeleheil das brucht, aber au de Körper, zum sich gstärkt fühle, de Chopf usschalte und abezfahre. Ich han aber au sit eh und je amel scho gern Sport gmacht und es falltmer eifacher, mich ufzraffe.
Was ich ide ledschde Ziit amel au sehr gschätz han isch, wennmer en Fixe Termin het zum Sport mache, denn hett das ganz e amderi Priorität

Bin sit minere Jugend meh oder weniger unsportlich gsi. Mal us reiner Unlust, mal us körperliche oder zitliche Gründe...

Jetzt gangi sit öppe 2 Monat so 1 - 2x ide Wuche ines Outdoor Bootcamp. Isch so chli Functional Training, lauft gueti Musig debi, sind paar zeme & für mich ganz wichtig: Muss mi vorher ahmelde & somit mussi ja denn au gah wenni ahgmeldet bi - das hilft mer de Schweinehund z überliste 😅.
Muss sege, es dut u guet öppis mache zum de Chopf lüfte, allgemein für d Gsundheit & de bini amel au gad no biz ade frische Luft gsi.

Ich goh sit 1.5 jahr weder is fitness (Mal meh Mal weniger). Ned wills spass macht, aber well unglich de bürogummis daine, mir die schwere patiente de rügge kaputt mached (oder d buuchlage, chönd uswähle).
E ziit lang bini 1x im monet mit de kollegin go squashe, aber die hed gad bessers ztue. Im summer gohni relativ oft ufs SUP oder sus go laufe/jogge.

ich mach, wenni nöd grad wie etz mit Mandelentzündig flach ligge, jede Tag Sport.
Jede 2. Tag Chraft und Usduur und sust eifach nur Usduur dezwüsche, ab und zue mal na es Intervall oder so... ha früehner immer gfunde, Mensche wo am Morge Sport mached sind psychos.... aber I tried it out...Es git eim echt en mega geile push in Tag, und vorallem weckts eim....Ah und mach das im Gym.... Mach das aber nur so viel, damit ich au wiiterin so unglaublich viel Esse cha xD
Ab Februar macht denn die eint Wakeboard Schuel im Tessin wieder uf und denn bini eich aml bis Endi Jahr immer wie blöd am Wakeboarde.... es isch sallerbeste was ich je i mim Lebe usprobiert ha und macht mir so unglaublich viel Spass.... (het nie denkt dass ich mal sowas über Sport säg) Lerne zwar brutal langsam aber wenn mer was neus lernt und beherrscht isch es sbeste Gfühl
Sust im Summer halt aml au mega viel Schwümme, Velo Fahre... oder Wakeboarde am Cable-Lift ....

Ich bin au immer unsportlich gsi, wennd das als Chind nöd scho afangsch ischs iwie na schwierig. Immer mal wieder Fitness probiert wegem Rugge aber das isch denn immer meh ines Sponsoring inne gange.

Irgendwie bini denn über mini Schwöster ufs Handball cho, wasi ez doch scho öpe 10 Jahr glaub mache. (Han zwar immerns z Gfühl ich sig Afänger ) Ide letschte 2 Jahr bini denn doch auna sportlich wordä, han mit joggä agfangä und mittlerwile scho 3 Halbmarathon gmacht, aktuell gad na es Abo im Fitness woni würkli au bruche und probier mi ez mal na ah Crossfit.
Han 2 x ide Wuche Handballtraining und lueg dasi mind 2 x na öpis anders mache, chan mit Match und je nach Wuche bis zu 6 sportliche Einheite gäh. Mittlerwile „bruchis“ aber au, also merke dasi unzfriede bi, wenni mi zwenig bewege, das hättis früener also nie gäh aber ich merke dases mer guet tuet d Bewegig und au wenns mengisch e Überwindig isch zum azfange s sich nacher immer guet afühlt.

I be emmer chli sportlich gsy met unihockey & volleyball. Sit 2012 sowas vo unsportlich worde😂 sit 2022 tueni im sommer längine schwimme & mitm velo go schaffe. & de täglich 2 std laufe mitm hund natürli

zirka im 2012 Fitness+ Poledance gmacht 5Jahr Fitness 3 Jahr Poledance.

Laaaangi Pause gha.
sit Herbst 2023 wider Fitness

𝕸𝕿𝕭, 𝖒𝖊𝖎𝖘𝖙 𝖉𝖊𝖓 𝕵𝖚𝖗𝖆 𝖗𝖆𝖚𝖋 𝖚𝖓𝖉 𝖗𝖚𝖓𝖙𝖊𝖗. 𝕿𝖆𝖌𝖊𝖘𝖙𝖔𝖚𝖗𝖊𝖓 8𝖍+, 𝖘𝖔𝖋𝖊𝖗𝖓 𝖉𝖎𝖊 𝕵𝖆𝖍𝖗𝖊𝖟𝖊𝖎𝖙 𝖉𝖆𝖋ü𝖗 𝖌𝖊𝖓ü𝖌𝖙.
𝖀𝖓𝖉 𝖎𝖓 𝖉𝖊𝖓 𝕱𝖊𝖗𝖎𝖊𝖓 𝖐𝖔𝖕𝖕𝖑𝖊 𝖎𝖈𝖍 𝖊𝖎𝖓𝖊𝖓 𝕬𝖓𝖍ä𝖓𝖌𝖊𝖗, 𝖚𝖓𝖉 𝖋𝖆𝖍𝖗𝖊 𝖆𝖓𝖘 𝕸𝖊𝖊𝖗 𝖔𝖉𝖊𝖗 𝖓𝖆𝖈𝖍 𝕽𝖔𝖒, 𝖛𝖎𝖊𝖑𝖑𝖊𝖎𝖈𝖍𝖙 𝖆𝖚𝖈𝖍 𝖒𝖆𝖑 𝖓𝖆𝖈𝖍 𝕮𝖗𝖔𝖆𝖙𝖎𝖊𝖓 𝖔𝖉𝖊𝖗 𝕲𝖗𝖎𝖊𝖈𝖍𝖊𝖓𝖑𝖆𝖓𝖉, 𝖘𝖔𝖋𝖊𝖗𝖓 𝖟𝖊𝖎𝖙𝖑𝖎𝖈𝖍 𝖗𝖊𝖆𝖑𝖎𝖘𝖎𝖊𝖗𝖇𝖆𝖗.

𝕻𝕾: 𝖌𝖆𝖓𝖟 𝖔𝖍𝖓𝖊 𝕸𝖔𝖙𝖔𝖗, 𝖇𝖎𝖓 𝕳𝖊𝖙𝖊𝖗𝖔

Min Sport isch Kanu und zwor im Surfski. Das sind Renne wo 10km oder meh gönd. Drum mueni mini alte Chnoche au zimli viel trainiere. Denn Coachi au no jugendlichi Athlet-inne im Sport Kanu Regatta. Eini devo isch Nr 1 i de CH und s Ziel isch Olympia LA :-).

ide alte Bude hemmer so en Sportclub gha und det bini denn 2 x ide Wuche is Badminton gange und es het huere spass gmacht. Da ich denn de Job gwechselt han, hetti meh als s 4 Fache selle zahle zum wiiterhin mit dene därfe gah und das ischmer denn leider z blöd gsi aber sus Badminton isch eifach super! wenn mer nanig so fit isch chanmer im Doppel spiele und wennmer denn mag, chamer sich einzeln ad gegner wage so han ichs zumindest gmacht

Ich ha jetzt öppis neus agfange, es full body gruppe workout, mit guete lüt und em richtig sound machts ebe Spass. Hoffemer dass das Studio ned au zuegoht

Ich cha übrigens allne Afänger:inne do inne bestätige, dass ich mir bi all dene Gruppetrainings als Afängerin no nie blöd vorcho bi, willi ned guet oder weak bi. Die Lüt sind immer sehr motivierend und nämed eim guet id Gruppe uf

Ich hanmer Endi letscht Jahr wieder es Fitness Abo gmacht und gahne mal meh mal weniger Regelmässig
Am Afang bini 2-3x ide Wuche gange, jez eifach minimum 1x . Muess ganz dringend mini Rugge Muskulatur stärche!
Usserdem gahni ab und zue mal inen Kurs wo sich ‚MomFit‘ nännt, Training mit andere Muttis zäme, extra für Muttis zämegstellt. (und es het e Kinderbetreuuig 🙏 ). Gahne aber det au nüm regelmässig will ichs mir nödso leischte chan 😅

und susch eifach viiiel ade Frische Luft spaziere.

Bes vor 4 johr hani unihockey gspelt ha de aber mpsse ufhöre, mine chneu zlieb (be goalie gsi) und hami de meh uf s bogeschiesse afoh konzentriere wo etze au scho 8 johr mach
letztjohr mis erste 3D-Turnier gschosse und gar ned so leid gsi. Hoffe cha dasjohr nomol as eint oder andere turnier go.

Und sösch natürlich wandere, schneeschuehwandere, snowboarde, SUPle, MTBle und was me halt so macht

Früener bini immer z'liecht gsii und dank em Handballspiele au immer öpe glich blibe was s Gwicht betrifft.

S Alter macht sich aber halt scho bemerkbar, das chamer nöd abstriitte und ich han drus glernt, dass wemer d Bewegig reduziert und d Ässgwohnheite öpe glichbhaltet, würkt sich das nöd sonderlich positiv uus.
Hetti zwar au chöne erahne/ ime Buech nacheläse/ ChatGPT frage, aber da ich halt eher de Macher-Typ bin, han ich das sälber müesse erfahre zums glaube.

Damit de Ranze nöd no grösser wird, schleppi etz mengisch mis Rucksäckli de Berg duruf, bi den aber au jedes mal wieder froh, muessi das züg nöd wieder abeträge
Echli e besseri Kondition isch definitiv mis nexte Ziel, heisst ich muessmi sicher wieder echli meh uf Hike & Fly ilah anstatt d Bahn zneh. ^^

Wür sus aber sägä dasi nöd unsportlich bin, dadrzue ghört: Ski/ Snowboard/ H&F/ Streckeflüge/ Parakite/ Schwimme im See/ Wandere/ Kajak

Bin nie mega sportlich gsi, ha zwar ide Jugend mol no Grätturne gmacht aber au ned lang.. bin viel go riite und mol no is Jazzdance.

Erst spöter hani gmerkt dases de Psyche eifach guet tuet und i öppis muess mache.. (aber au Gwichtsreduktion isch mis Läbe lang Thema i mim Chopf).
Bin scho diversi Mol im Fitnessstudio agmäldet gsi, wos aber au immer weder gändet hett us verschiedene Gründ. Entweder hani wäg ere Operation müesse pausiere (..und ha de ned verlängeret) oder letzt Johr hani de ghört wel es Chind dezwüsche cho isch Scottish Highland Dance hani det au erst es halbs Johr gmacht aber das viele gehüpfe isch au nümm gange mit Babybuch.

Bin de is Schwangerschaftsyoga, und sid s'Chind do isch beni au weder viel aktiver.
Einersits die viele Spaziergäng wo mer halt eifach macht.. denn bini nach de Rückbildig witerin im Yoga blube, mache en "Fit mit Baby" Kurs und goh sid paar Wuche is POUND. (Mit de @Spoony übrigens, wo do Afang Thread no gmeint hett sie macht Nüt )
Das isch soooo geil.. Cardio "Rock"out mit Drumsticks.. chasch eifach 1 Stund de Chopf abschalte und de Alltagsfrust weghaue.

Mir fehled aber chli d'Grät und d'Gwicht, wirde velech doch bald weder im Fitness lande wenns Zit zueloht

Für die wo POUND ned kenned, do en Trailer:

Calling All Fitness Rebels | About POUND | POUND Rockout. Workout (youtube.com) einbetten

De Summer dur immer is Freibad, entweder am Morge oder am Aabig.

Und susch versuechi regelmässig is Fitness zga...



Demit i irgendwenn we de Gymli usgsen

jogge 2 mal ih de wuche so 6-7 kilometer.

mentig / donnschtig abig hani japanischs langboge schüsse. leb halt grad da, denn isch das no en gueti alternative zum stgw 90 woni damals mit 14ni bis 20zgi als sportschützin usgüebt han.